Fjalori

Rezultate në përkufizime për “linear”

Mëso si ta përdorësh
<<< Kthehu te kërkimi kryesor në fjalor

AKSIAL

AKSÍAL,~E mb. 1. Boshtor, i boshtit, që ka të bëjë me boshtin, që ka të bëjë me boshtin, që shërben si bosht, aksor. Lëvizje aksiale. Simetri aksiale (mat.). Pika aksiale. Forca aksiale (mek.). Struktura aksiale (biol.). Rrjedha aksiale e bimës (bot.). Rrotullim aksial i tokës (fiz., astr.). Kondensator aksial (elekt.). Ide aksiale (art., fig.).
2. mjek. Që ka të bëjë me shtyllën kurrizore, që i përket shtyllës kurrizore, që ka shtyllë kurrizore, i shtyllës kurrizore. Skelet aksial. Strukturë aksiale. Skanim aksial. Imazh aksial.
✱Sin.: boshtor, linear, qendror, kurrizor.

JOLINEAR

JOLINEÁR,~E mb. Që nuk është linear; kund. linear. Aks jolinear.

LINEAR

LINEÁR,~E mb., libr. 1. Vijor; që është me vija; që ka trajtën e një vije.
2. mat. Që shtrihet në vijë të drejtë, që përllogaritet në rrafshin horizontal; i gjatësisë. Përmasat lineare. Masat lineare masat e gjatësisë. Metër linear metër gjatësie. Shpejtësi lineare (fiz.) shpejtësia e lëvizjes së pikave, e cila përcaktohet sipas gjatësisë së rrugës që bëhet brenda një njësie kohe.

LINEARITET

LINEARITÉT,~I m. Të qenët linear, cilësia ose gjendja e diçkaje që është vijore ose e rregullt në një linjë. Funksioni shfaq linearitet të plotë (mat.). Rritja demografike nuk tregon linearitet (soc.).

SHIGJETOR

SHIGJETÓR,~E mb., anat. 1. Që lidh dy kockat parietale të kafkës ose që lidhet me të.
2. Që lidhet me planin linear. Projeksion shigjetor.

VIJOR

VIJÓR,~E mb., libr. 1. Që është me vija; që ka trajtën e një vije. Fushat e mbjella ishin të ndara në shirita të gjata, duke krijuar një pamje vijore. Letra e murit kishte një model të thjeshtë vijor.
2. mat. Që shtrihet në vijë të drejtë, që përllogaritet në vijë lineare, në rrafshin horizontal; i gjatësisë, linear. Përmasat vijore. Masat vijore masat e gjatësisë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë