Fjalori

Rezultate në përkufizime për “limët”

Mëso si ta përdorësh
<<< Kthehu te kërkimi kryesor në fjalor

LIMËT

LÍMËT (i, e) mb. I lëmuar. Lëkurë e limët.

LËMUAR

LËMÚAR (i, e) mb. 1. Që e ka vetiu sipërfaqen të sheshtë, pa të ngritura e të ulura dhe të butë, ose që është bërë i tillë pasi është ngrënë me limë a me një mjet tjetër; i butë; kund. i ashpër. Bisht i lëmuar. Dërrasë (rrasë) e lëmuar. Gur i lëmuar. Dorezë e lëmuar. Gjethe të lëmuara. Me lëkurë të lëmuar. Qilim i lëmuar qilim pa push e pa thekë, qilim i zakonshëm. Me flokë të lëmuar.
2. fig. I punuar mirë e bukur, me mjeshtëri e deri në hollësitë më të vogla, i krehur mirë, i punuar në mënyrë të përsosur. Vepër e lëmuar. Ka gjuhë të lëmuar.
✱Sin.: i butë, i atllastë, rrëshqitës, i limët, i sheshtë, i punuar, i përpunuar, i shtruar, i gdhendur, i pastruar, i zdrukthuar, i rrafshuar, i krehur, i përsosur.
♦ E ka trurin të lëmuar (shesh, rrafsh) (dikush) përçm. nuk është i zgjuar, nuk është i mprehtë nga mendja, nuk i kap gjërat shpejt.

SHOGËT

SHÓGËT (i, e) mb. 1. Që nuk ka flokë në kokë, që ka mbetur pa flokë, shogan, tullac, flokërënë. Me kokë të shogët. Djalë i shogët. Burrë i shkurtër e pothuaj krejt i shogët.
2. bot. Që është i lëmuar, pa push ose pa qime (për bimët), i limët. Gjethe e sallatës janë të shogëta. Degë të shogëta. Fruti si një kapsulë e shogët.
3. Vend i zhveshur, pa pemë, i bokërimtë, i crogët, i papyllëzuar. Mal i shogët. U nis drejt kodrës së shogët. Truall i shogët.
4. Mish sade, mish i zier dhe i shërbyer në sofër i pashoqëruar me gjë tjetër, i papërzier, i pastër, i thjeshtë. Mish i shogët. Shërbente vetëm mish të shogët. I pëlqente mishi i shogët.
5. fig. Që është i plogët për punë, i mefshtë, i ngathët. Njeri i shogët. Ishte martuar me një djalë të shogët. Ngjante si i shogët, por në të vërtetë nuk ishte.
6. fig. Që është i shkujdesur, i pakujdesshëm, shkatarraq. Djalë i shogët. Njeri me pamje të shogët.
✱Sin.: i crogët, flokërënë, kokëzhveshur, kokëkungull, kryecullak, kryetullë, leshrënë, qeros, shogan, i shogur, tullac; i lëmuar, i limët; i bokërimtë, i zhveshur, i crogët, i papyllëzuar; i papërzier, i pastër, i thjeshtë, i mefshtë, i plogët, i ngathtë, ngrodhalaq, i qullët, i flashkët, i mpitë; i shkujdesur, i pakujdesshëm, shkatarraq.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë