Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ADERÍM,~I m. sh. ~E, ~ET libr. 1. Veprimi kur aderoj diku.
2. Bashkim ose përfshirje në një grup, në një organizatë, në një parti ose në një lëvizje; aderencë. Aderim në një parti. Librezë aderimi. Kërkesë për aderim.
✱Sin.: aderencë, anëtarësim, bashkim, kohezion, ngjitje, përkatësi, mbështetje, përkrahje, parapëlqim.
DOKUMÉNT,~I m. sh. ~E, ~ET 1. Shkresë zyrtare që shërben për të dëshmuar a për të vërtetuar diçka; akt i shkruar që përmban të gjitha ato që janë thënë dhe janë vendosur në një mbledhje, në një gjyq etj.; shënim i mbajtur sipas rregullave të caktuara shtetërore ose organizative. Dokument zyrtar (shtetëror). Dokument i rëndësishëm (sekret). Dokumente të rreme. Dokumentet e mbledhjes. Paraqit (jep, merr, harton, kontrollon) dokumentet.
2. Diçka e shkruar (akt i shkruar, fjalim, vepër, letër etj.) ose e vizatuar që ka vlerë si dëshmi historike. Dokumente arkivore. Dokumente historike.
3. Librezë a fletë e posaçme, për të vërtetuar se cili je ose anëtarësinë në një organizatë etj. I pajisur me dokument anëtarësie.
INVALÍD,~I m. sh. ~Ë, ~ËT mjek. Ai që ka humbur pjesërisht ose tërësisht aftësinë për punë nga ndonjë sëmundje, nga ndonjë gjymtim etj. Invalid i luftës (i punës).). Librezë invalidi.
2. Pjesë e parë e emërtimeve të pathjeshta për disa invalidë: Invalid i grupit të parë. Invalid i grupit të dytë. Invalid grupit të tretë. Invalid i grupit të katërt.
INVALIDITÉT,~I m. Paaftësi e plotë ose e pjesshme për punë e një njeriu të sëmurë, të gjymtuar etj., gjendja e invalidit, të qenët invalid. Invaliditet i përkohshëm. Pension (shpërblim) invaliditeti. Grupi i invaliditetit. Shkalla e invaliditetit. Librezë invaliditeti. Ka dalë në invaliditet.
LIBRÉZ/Ë,~A f. sh. ~A, ~AT Dokument në trajtën e një fletoreje të vogël me pak fletë, ku jepen disa të dhëna dhe ka disa të ndara për shënime të ndryshme. Librezë ushtarake. Librezë shëndetësore. Librezë anëtarësie. Librezë kursimi. Librezë pensioni. Libreza e studentit (e notave). Libreza e punës. E shënoi në librezë.
QÁRKULLÍM,~I m. sh. ~E, ~ET 1. Veprimi kur qarkullojmë ose kur qarkullohemi. Qarkullim i shpejtë (i ngadaltë). Qarkullim i dendur (i rrallë). Qarkullimi i këmbësorëve. Qarkullimi i mjeteve. Qarkullimi në qytet. Rregullat e qarkullimit. Qarkullimi rrugor. Qarkullimi nga ana e djathtë. Qarkullimi nga ana e majtë. Qarkullim topi në fushë (sport.). Ndalohet qarkullimi.
2. Varg shndërrimesh ose procesesh, që kryhen duke e përshkuar një rrugë a një rreth sipas një rregullsie të përsëritur; pjesë e parë e disa emërtimeve të pathjeshta e të qëndrueshme. Qarkullimi i gjakut (fiziol.) lëvizja e vazhdueshme e gjakut nga zemra nëpër arterie deri tek enët më të vogla të gjakut dhe pastaj nëpër vena përsëri në zemër e në mushkëri. Qarkullim i madh i gjakut. Qarkullim i vogël i gjakut lëvizja që bën gjaku nga barkushja e djathtë në mushkëri. Qarkullim i mbyllur. Qarkullim ujor qarkullimi që bën uji në tokë dhe në atmosferë. Qarkullimi i ujit në natyrë avullimi i ujit nga toka dhe rënia e tij përsëri në trajtë reshjesh. Qarkullim azoti procesi i lëvizjes së azotit nga atmosfera në tokë dhe anasjelltas, përmes të cilit përcaktohen rrugët e ardhjes së azotit në tokë dhe të humbjes së tij. Qarkullimi bujqësor këmbimi sistematik dhe metodik i kulturave bujqësore brenda të njëjtit vit, nga njëri vit në tjetrin, që lidhet edhe me bimët që kanë një periudhë të shkurtër prodhimi. Sistemi njëvjeçar (dyvjeçar) i qarkullimit të kulturave bujqësore. Qarkullim ushqimor cikël a rrugë rrethore nëpërmjet së cilës lëvizin elementet ose molekulat kimike të një ekosistemi; cikël gjatë të cilit qarkullojnë elementet nëpërmjet faktorëve të ekosistemeve, si uji (hidrosfera), toka (litosfera) dhe ajri (atmosfera); cikël biogjeokimik. Qarkullimi njëkulturor qarkullimi bujqësor, gjatë të cilit në të njëjtën ngastër toke kultivohet e njëjta bimë nga viti në vit. Qarkullim shumëkulturor qarkullimi bujqësor kur kultivohen në të njëjtën ngastër toke në mënyrë të njëpasnjëshme bimë të ndryshme. Qarkullim i automatizuar. Qarkullim i dokumenteve sistemi i qarkullimit të dokumenteve me nënshkrim elektronik. Qarkullim i kontrolluar i librit (i gazetës). Qarkullim i kufizuar. Qarkullim i librave ndërmjet personelit. Qarkullim i përgjithshëm.
3. ek., fin. Shitje e blerje e prodhimeve dhe e mallrave; përdorimi i të hollave në veprimet tregtare e financiare; sasia e mallrave të shitura brenda një kohe, e shprehur në të holla. Qarkullimi i mallrave. Qarkullimi i parave. Qarkullimi i kapitalit. Vëllimi i qarkullimit. Mallra me qarkullim të ngadaltë. Hedh në qarkullim e nxjerr në shitje (një mall, një prodhim); nxjerr të përdoret në veprime (një monedhë). Doli në qarkullim doli në shitje. E hoqën nga qarkullimi.
4. Përdorim i diçkaje nga shumë njerëz dhe për një kohë të vazhdueshme. Hyn në qarkullim një fjalë e re. Është në qarkullim në rrethet shkencore. Nxjerr në qarkullim një këngë të re. Ka dalë nga qarkullimi nuk përdoret më.
5. Kalim në një detyrë tjetër si metodë për të përtëritur përbërjen e organeve drejtuese, për të shmangur rrezikun e burokratizimit të nëpunësve, duke i kaluar këta në një detyrë ose në një vend tjetër. Qarkullimi i nëpunësve. Qarkullim në bazë. Bëj qarkullimin. Shkon (vjen) me qarkullim.
6. Pajisje e automjeteve me një dokument që vërteton gjeneralitetet e automjetit dhe pronësinë e tij; autorizim; dokument; librezë. Leje qarkullimi e makinës. Qarkullim prove autorizim për qarkullim prove për mjetet që qarkullojnë për prova teknike e eksperimentale.
✱Sin.: ecje, lëvizje, kalim, rrotullim, përcjellje, shpërndarje, shitblerje, përhapje, shndërrime, zhvendosje.
TESQERÉ,~JA f. sh. ~, ~TË vjet. 1. Fletë lirimi që u jepej ushtarëve në kohën e pushtimit osman pas shërbimit ushtarak; lejekalim, fletëkalim; librezë ushtarake; pasaportë.
2. Fletë njoftimi për një ngjarje të caktuar. I dërgoi një tesqere. Tesqeretë e dasmës ftesat e dasmës. Tesqereja e vdekjes mandata.
ÇÉ/K,~KUI m. sh. ~QE, ~QET fin. Urdhërpagesë me të cilën dikush ka të drejtë të tërheqë nga banka ose nga arka një shumë të caktuar parash. Çek bankar (postar). Çek i bardhë çek i paplotësuar. Titullari i çekut. Librezë (bllok) çeqesh. Lëshoj (pres) një çek. Nënshkruaj çekun. Për të marrë paratë e një çeku që vjen nga jashtë. Çek i lëshuar nga banka jonë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë