Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
DESHIFRÍM,~I m. sh. ~E, ~ET 1. Veprimi kur deshifroj diçka; zbërthimi që i bëj një teksti të shkruar me shifra për ta bërë atë të lexueshëm; të kuptuarit e shifrave dhe të përmbajtjes së një teksti të tillë. Deshifrimi i dokumentit.
2. Leximi e kuptimi i një teksti të shkruar me një alfabet të panjohur a me shenja të panjohura; kthimi në një gjuhë të njohur i një tekst të tillë. Deshifrimi i hieroglifeve.
3. bised. Të kuptuarit e diçkaje të shkruar me një shkrim shumë të keq a të palexueshëm; leximi i një shkrim të keq. Deshifrimi i telegramit.
4. fig. Zbërthimi e kuptimi i diçkaje të paqartë e të errët, të kuptuarit e një të fshehte a diçkaje të ndërlikuar. Deshifrimi i fjalëve.
DESHIFR/ÓJ vep., ~ÓVA, ~ÚAR kal. 1. Zbërthej e bëj të lexueshëm një tekst të shkruar me shifra; arrij të kuptoj shifrat dhe përmbajtjen e një teksti të tillë. Deshifron radiogramin. Deshifroi informatat. E deshifroi me shpejtësi.
2. Arrij të lexoj e të kuptoj një tekst të shkruar me një alfabet të panjohur a me shenja të panjohura; e kthej në një gjuhë të njohur një tekst të tillë. Deshifroi hieroglifet. Përpiqen të deshifrojnë mbishkrimet etruske.
3. bised. Arrij të kuptoj diçka të shkruar me një shkrim shumë të keq a të palexueshëm; lexoj një shkrim të keq. Mezi e deshifroi recetën (letrën).
4. fig. Zbërthej e kuptoj diçka të paqartë e të errët, të fshehtë a të ndërlikuar. Mezi i deshifroi fjalët e tij.
DESHIFRÚAR (i, e) mb. 1. Që është i zbërthyer nga shifra në një tekst të lexueshëm. Radiogram i deshifruar.
2. I kthyer në një gjuhë të njohur. Tekst hieroglifik i deshifruar.
3. I zbërthyer e i lexuar. Shkrim i keq i deshifruar.
4. fig. Që është bërë i kuptueshëm dhe i qartë. E fshehtë e deshifruar.
DESHIFRÚESH/ËM (i),~ME (e) mb. Që mund të bëhet i lexueshëm dhe i kuptueshëm, që mund të deshifrohet; kund. i padeshifrueshëm. Tekst i deshifrueshëm. Shkrime të deshifrueshme.
GJITHËKOHËSÍ,~A f. Rrjedhë e pandërprerë e orëve, e ditëve, e stinëve, e vitit a e gjithë periudhës në të cilën bëhet një punë, ndodh diçka etj. I lexueshëm në gjithëkohësi. Arti i fjalës në gjithëkohësi.
PALEXÚESH/ËM (i), ~ME (e) mb. Që është shkruar a është shtypur keq e nuk lexohet dot; që është shumë i imët sa nuk mund të lexohet dot; kund. i lexueshëm. E ka shkrimin të palexueshëm. Nënshkrim i palexueshëm.
✱Sin.: i pakëndueshëm, i padeshifrueshëm, i paqartë.
SHKRIM,~I m. sh. ~E, ~ET 1. Procesi i të shkruarit; veprimi kur shkruaj diçka. Shkrimi i shkronjave. Shkrimi i gjuhës shqipe. Shkrimi i numrave romakë.
2. Mjete që ndihmojnë për të shkruar. Bojë (letër) shkrimi. Makinë shkrimi. Fletore shkrimi.
3. gjuh. Paraqitja e ligjërimit të folur me shenja grafike të posaçme; diçka që është paraqitur me shenja të tilla. Shkrim alfabetik. Shkrim fonetik (rrokjesor). Shkrim hieroglifik. Shkrim pykësor. Shkrimet e vjetra.
3. Aftësia për të shkruar në një gjuhë të caktuar; mësimi i këtyre shprehive në shkollë; bised. shkollë, arsim. Djalë me shkrim. Ka mësuar (di) shkrim e këndim. E di një gjuhë me shkrim.
4. gjuh. Sistemi i shenjave grafike që përdoren për të shkruar një gjuhë të caktuar, alfabet; lloji i shkronjave që përdorim. Shkrim korsiv. Shkrim dore (shtypi). Shkrim gotik (i rrumbullakët). Shkrim i bukur (i keq, i qartë, i lexueshëm, i pakuptueshëm, i palexueshëm). Ia njoh shkrimin.
5. Vepër e shkruar (artikull, vepër letrare, publicistike, shkencore etj.). Shkrime rreth albanologjisë. Shkrim me stil tërheqës. Shkrime të botuara (të pabotuara, të panjohura). Shkrim gazete. Shkrimi i shenjtë fet. “Dhiata e re” dhe “Dhiata e vjetër”, Bibla.
✱Sin.: e shkruar, grafi, daktilografim, regjistrim, hartim, qëndisje, artikull, vepër, zë, kalem, gramë, shkronjë, vaksinim, shkresë.
SHKRIM,~I m. sh. ~E, ~ET 1. Procesi i të shkruarit; veprimi kur shkruaj diçka. Shkrimi i shkronjave. Shkrimi i gjuhës shqipe. Shkrimi i numrave romakë.
2. Mjete që ndihmojnë për të shkruar. Bojë (letër) shkrimi. Makinë shkrimi. Fletore shkrimi.
3. gjuh. Paraqitja e ligjërimit të folur me shenja grafike të posaçme; diçka që është paraqitur me shenja të tilla. Shkrim alfabetik. Shkrim fonetik (rrokjesor). Shkrim hieroglifik. Shkrim pykësor. Shkrimet e vjetra.
3. Aftësia për të shkruar në një gjuhë të caktuar; mësimi i këtyre shprehive në shkollë; bised. shkollë, arsim. Djalë me shkrim. Ka mësuar (di) shkrim e këndim. E di një gjuhë me shkrim.
4. gjuh. Sistemi i shenjave grafike që përdoren për të shkruar një gjuhë të caktuar, alfabet; lloji i shkronjave që përdorim. Shkrim korsiv. Shkrim dore (shtypi). Shkrim gotik (i rrumbullakët). Shkrim i bukur (i keq, i qartë, i lexueshëm, i pakuptueshëm, i palexueshëm). Ia njoh shkrimin.
5. Vepër e shkruar (artikull, vepër letrare, publicistike, shkencore etj.). Shkrime rreth albanologjisë. Shkrim me stil tërheqës. Shkrime të botuara (të pabotuara, të panjohura). Shkrim gazete. Shkrimi i shenjtë (fet.) “Dhiata e re” dhe “Dhiata e vjetër”, Bibla.
✱Sin.: e shkruar, grafi, daktilografim, regjistrim, hartim, qëndisje, artikull, vepër, zë, kalem, gramë, shkronjë, vaksinim, shkresë.
ZBËRTHÝER (i, e) mb. 1. Që është ndarë në pjesët përbërëse, që është zbërthyer pjesë-pjesë; që është shkulur a është hequr nga vendi ku ishte ngulur ose ishte mbërthyer; kund. i mbërthyer. Dërrasa të zbërthyera. Pjesët e zbërthyera.
2. Që është nxjerrë a është hequr nga vendi ku ka qenë i futur, i mbërthyer ose i kapur; i shkopsitur; kund. i mbërthyer. Me këllëf të zbërthyer. Me rripa të zbërthyer. Me pallto (me këmishë, me pantallona) të zbërthyer. Me gjoks të zbërthyer.
3. spec. I shpërbërë; i dekompozuar. Lëndë e zbërthyer. Molekula të zbërthyera. Albumina të zbërthyera. Në dimër gjedhëve u hidhnin fletë panxhari të grira e të zbërthyera.
4. fig. Që është shqyrtuar e është ndarë në pjesët a në elementet përbërëse dhe është parë nga të gjitha anët, për ta bërë të qartë e të kuptueshme, për të nxjerrë përfundime e detyra etj.; që është analizuar; i shkoqitur, i përimtuar. I zbërthyer me hollësi. Përmbajtje e zbërthyer. Çështjet jepen të zbërthyera. Problema të zbërthyer. Informacion (kod) i zbërthyer.
✱Sin.: i shkopsitur, i hallakatur, i hapur, i zgafulluar, i shpërthekuar, i hardallosur, i prishur, i shkallmuar, i çmbrehur, i lexueshëm, i shkoqitur, i përimtuar.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë