Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
DIMËRÓR,~E mb. 1. Që i përket dimrit, i dimrit; që bëhet në dimër, që vijon gjatë dimrit; që është karakteristik për stinën e dimrit. Pushimet dimërore. Gjumë dimëror letargji. Sportet dimërore lloje të sportit mbi dëborë ose mbi akull. Spërkatje (krasitje) dimërore.
2. Që piqet vonë e që ruhet për dimër; që rritet, që lulëzon, që gjelbëron, që jep prodhim etj. në dimër. Dardhë (mollë) dimërore. Pjepër (rrush) dimëror. Perime dimërore. Lule dimërore. Kullota (livadhe) dimërore.
3. Që përdoret ose që mbahet gjatë dimrit. Rroba (veshje) dimërore.
LETARGJÍ,~A f. 1. biol. Gjendje e një gjumi të thellë e të gjatë, në të cilën bien disa kafshë, zakonisht gjatë dimrit, për të përballuar vështirësitë e natyrës dhe gjatë së cilës funksionet jetësore ulen shumë. Letargjia e zvarranikëve (e rrëshqanorëve).
2. Gjendje e sëmurë e njeriut, gjatë së cilës është si në gjumë dhe nuk ndien. Gjendje letargjie. Ra në letargji.
3. fig. Plogështi a ngathtësi e madhe, gjendje e fjetur, topitje. Dolën nga letargjia.
✱Sin.: këputje, plogështi, ngathtësi, topitje.
LETARGJÍK,~E mb. 1. biol. Që ka të bëjë me letargjinë, që ka tiparet e letargjisë, i letargjisë; që shkakton letargji. Gjumë letargjik. Gjendje letargjike. Sëmundje letargjike.
2. fig. I plogësht, i ngathët, i fjetur, i topitur; që të topit e të vë në gjumë. Jetë letargjike.
✱Sin.: i fjetur, i plogësht, i ngathët, i topitur, topitës.
PLOGËSHTÍ,~A f. 1. Të qenët i plogësht, vetia e atij që është i plogësht. Ka plogështi. Bie në plogështi. Doli nga plogështia.
2. fiz. Plogëti.
✱Sin.: plogëti, plogështim, ngathtësi, mefshtësi, apati, letargji, mëveshti, vaktësi, përtesë, amulli, amullim, këputje, amti, gjumë, gjumësi, topitje, avashllëk, dobësi, inerci.
SPORÍD,~I m. sh. ~Ë, ~ËT biol. (lat. Sporidium) Spore e vogël që formohet nga mbirja e tyre në letargji, tipike për disa kërpudha parazitare. Gjatë ciklit të jetës së kërpudhave, sporidët janë të rëndësishëm për shpërndarjen e kërpudhave në mjedise të reja. Për të identifikuar llojin e kërpudhës, studiuesit shpesh shqyrtojnë karakteristikat e sporidëve që ajo prodhon.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë