Fjalori

Rezultate në përkufizime për “leshtak”

Mëso si ta përdorësh
<<< Kthehu te kërkimi kryesor në fjalor

ARMADIL

ARMADÍL,~I m. sh. ~Ë, ~ËT zool. (lat. Dasypus) 1. Gjitar i vogël placentar, mishngrënës dhe bimëngrënës, banor i pyjeve dhe i shkretëtirave, që është i mbuluar nga një mburojë e fortë, e përbërë nga pllaka kockore të mbuluara me lëkurë të fortë dhe të përthyeshme, që shërben për t’u mbrojtur nga grabitqarët.
2. Pjesë e parë e emërtimeve të pathjeshta për disa lloje armadilësh: Armadili i madh amerikan (lat. Priodontes maximus) armadil që jeton në rajone tropikale dhe subtropikale, që ka kthetra shumë të fuqishme dhe të gjata, veçanërisht në këmbët e përparme, të cilat i përdor për të gërmuar për ushqim dhe për të ndërtuar strofullin; armadili gjigant. Armadili i bukur (lat. Chlamyphorus truncatus) armadili me ngjyrë rozë në pjesën e sipërme të trupit dhe me pjesën e poshtme të tij të mbuluar me qime të bardha ose të verdha, me kthetra të mëdha dhe të fuqishme në këmbët e përparme. Armadili gjembak (lat. Cabassous hispidus) armadili me trup mesatar, të mbuluar me pllaka kockore të forta dhe të segmentuara dhe me bisht pjesërisht të zhveshur nga këto pllaka. Armadili gjigant armadili i madh amerikan. Armadili hundëgjatë (lat. Dasypus novemcinctus) armadili me madhësi mesatare, me mburojë të fortë të përbërë nga pllaka kockore të segmentuara që duken si nëntë breza; armadili nëntëshiritor. Armadili leshtak (lat. Eupkractus villosus) armadil që e ka trupin të mbuluar me qime dhe me aftësi për të lëshuar tinguj të lartë. Armadili me qime (lat. Chaetophractus) armadil me trupin me qime të dendura dhe me aftësinë për të gërmuar me thonjtë e fuqishëm. Armadili xhuxh (lat. Zaedyus pichiy) armadil trupvogël që jeton kryesisht në Amerikën e Jugut, me trup të mbuluar me pllaka të forta kockore, me kthetra të fuqishme për të gërmuar dhe për të krijuar strofullin.

BULESH

BULÉSH,~E mb. Që ka shumë lesh në trup, leshtor, leshatak. Djalë bulesh.
✱Sin.: leshtor, leshatak, leshtak, pupalesh, i leshtë, i leshur, i leshtormë, gogolesh, bubulesh, qimosh, kalesh, qimedendur.

LESHTAK

LESHTÁK,~E mb. bot. Që ka shumë push; që ka fije të holla e të gjata. Gjethe (rrënjë) leshtake. Kërcell leshtak.
✱Sin.: pushalesh, qimedendur.

LESHTOK

LESHTÓK,~E mb. Leshtak.

LESHTOK

LESHTÓK,~U m. sh. ~Ë, ~ËT Ai që ka shumë lesh, ai që ka shumë push, leshtak.

PUSHATAK

PUSHATÁK,~E mb. 1. Që është i mbuluar me qime të holla, të buta e të dendura. Qen pushatak.
2. Që është i mbuluar me shumë pupla të vogla e të buta; që ka push në trup. Zog pushatak.
3. Që është me push, që ka shumë push (për një stof, pëlhurë etj.). Qilim pushatak. Shapkë pushatake.
4. si em. m. e f. Sipas kuptimeve të mbiemrit.
✱Sin.: pushator, i pushtë, pushlor, pushalesh, pushalli, bubulesh, leshtak, leshatak, leshtor, leshator, pupalesh, puplak, puplash.

QIMOSH

QIMÓSH,~E mb. Që ka shumë qime, që ka qime të dendura në trup; leshtor. Gjoks qimosh.
✱Sin.: leshtor, leshtak.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë