Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BALTÓSUR (i, e) mb. 1. Që është i ndotur a i fëlliqur me baltë; i përbaltur. Rroba të baltosura. Rrugë (udhë) të baltosura. Erdhi i lagur e i baltosur.
2. Që është i ngjeshur me këmbë e i bërë baltë. Arë e baltosur. Dheu i baltosur. Rrafshina të baltosura.
3. keq. I fyer, i poshtëruar, i njollosur. Ishin të baltosur.
✱Sin.: i baltuar, i ndotur, i fëlliqur, i përbaltur, i njollosur, i lerosur, i zhyer.
►LERÓS/EM jovep., ~A (u), ~UR 1. vetv. Bëhem me baltë, ndotem me lerë, përbaltem; ndyhem a fëlliqem me diçka, zhyhem. U lerosën derrat (buallicat) në llucë. U leros me baltë. U leros me gjellë (me domate, me vaj). Leroset si fëmijët.
2. Zë lerë, bëhem me zhul, fëlliqem (nga të palarët etj.). U leros jaka. U lerosën çorapet. I është lerosur koka.
3. fig. Bëhem me një njollë të keqe, njollosem keqas, fëlliqem, turpërohem. U leros keq.
4. vet. v. III Rrëshqet, shembet, fundoset (për tokën). U leros toka.
5. pës. e LERÓS.
✱Sin.: përbaltem, ndyhem, fëlliqem, zhyhem, zhulosem, njollosem, rrëshqas, turpërohem, shembet, fundoset.
LERÓSUR (i, e) mb. 1. Që është lerosur, i fëlliqur me baltë, i përbaltur; i zhyer. Me duar (me këmbë, me këpucë) të lerosura. Me fytyrë të lerosur.
2. Që ka zënë lerë; që është bërë me zhul, i fëlliqur nga të palarët. Me këmishë (me jakë) të lerosur. Çarçafë të lerosur.
3. fig., bised. Që është prishur keq, i fëlliqur fare, i katranosur (për një punë). Punë e lerosur.
4. fig. I njollosur keqas, i fëlliqur, i turpëruar. Njeri i lerosur.
5. Që ka rrëshqitur poshtë, i shembur, i fundosur. Vend i lerosur.
✱Sin.: i ndotur, i përbaltur, i ndyrë, i fëlliqur, i zgjyrosur, i zhyer, i zhulosur, i prishur, i katranosur, i djallosur, i fundosur, i njollosur, i rrëshqitur, i turpëruar, i shembur.
NJOLLÓSUR (i, e) mb. 1. Që është bërë me njolla, që është fëlliqur me njolla; kund. i panjollosur. Dysheme e njollosur. Mbulesa tavoline (peceta) të njollosura. Rroba të njollosura. Me duar të njollosura.
2. Që është me njolla të gjera dhe të çrregullta në sipërfaqe.
3. fig. Që është njollosur. Me biografi të njollosur. Me ndërgjegje (me emër) të njollosur. Mbeti i njollosur. Njerëz të njollosur me krimet që kanë bërë.
✱Sin.: i përlyer, i zhyer, i lerosur, i vurratur, i ndyrë, i ndotur, i fëlliqur, i vruguar, i vrugur, i zhyer, i damkosur, i balër, i balosur, i përdhosur.
PËRZDRÁLUR (i, e) mb. Shumë i ndotur, i lerosur keq.
ZDRËMUR (i, e) mb. 1. Që është bërë me plagë nga të vrarët. Me qafë të zdrëmur (për kaun etj.).
2. I rrjepur vende-vende, i zhvoshkur vende-vende. Shtambë e zdrëmur. Mur i zdrëmur. Dru i zdrëmur.
3. Që ka zënë zdralë; i lerosur, i zhulosur. Këmishë e zdrëmur.
✱Sin.: i vrarë, i rrjepur, i zhvoshkur, i zhulosur, i lerosur, zdrëmalaq.
ZGJYRÓSUR (i, e) mb. 1. Që ka vënë një shtresë ndryshku, i ndryshkur (për disa metale a sende prej metali). Armë e zgjyrosur. Hekurishte të zgjyrosura.
2. Që është bërë me zgjyrë, që është fëlliqur e ndotur; i nxirë. Qeleshe e zgjyrosur. Mëngë të zgjyrosura. Me duar të zgjyrosura. Dollap i zgjyrosur. Ajër i zgjyrosur.
3. fig. Që nuk ka asgjë të mirë e të vlefshme, që e ka mbuluar zgjyra; i mykur. Mendime të zgjyrosura. Zakone të zgjyrosura.
✱Sin.: i ndryshkur, i fëlliqur, i ndotur, i ndyrë, i lerosur, i nxirë, i mykur, i kalbur.
ZHGËRRÝER (i, e) mb. 1. Që është zhgërryer. Vend i zhgërryer nga pulat.
2. I ndotur, i fëlliqur. Buallica të zgërryera në pellg. Me setre të zhgërryer. I lyer e i zhgërryer me lloj-lloj ngjyrash.
✱Sin.: i fëlliqur, i ndotur, i përlyer, i përzhugur, i zhabërzhyer, i zhyer, i ndytë, i lerosur, i mposhtur, i përdhosur, i poshtëruar.
ZHULÓSUR (i, e) mb. Që është zhulosur, që është bërë me zhul, që ka zënë zhul. Me rroba të zhulosura. Me jakë të zhulosur. Me fytyrë të zhulosur. Me ata dhëmbë të kalbur e me atë hundë të zhulosur si oxhak me blozë kafsha të kallte datën. (folk.).
✱Sin.: i lerosur, i zgjyrosur, i ndotur, i zhyer, i fëlliqur, zhulanjos, zdrëmalaq, i zdrëmur.
ZHÝER (i, e) mb. 1. Që është fëlliqur keq, që është ndyrë me diçka, i lerosur. Shami e zhyer. Rroba të zhyera. Me duar të zhyera.
2. fig. Që është ngatërruar në një punë jo të ndershme dhe ka njollosur a i kanë njollosur emrin e vet, i përlyer, i fëlliqur. I zhyer në krim. Është zhyer nga koka te këmbët. O i zhgërryer, i zhyer, i vyer për hu... (let.).
3. si em. m. e f. Sipas kuptimeve të mbiemrit.
✱Sin.: i përlyer, i ndotur, i fëlliqur, i ndyrë, i lerosur, i zhulosur, i zhgërryer, i njollosur.
♦ I zhyer e i përlyer që është ngatërruar keq në një punë të fëlliqur dhe e ka njollosur emrin e vet.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë