Fjalori

Rezultate në përkufizime për “lenohem”

Mëso si ta përdorësh
<<< Kthehu te kërkimi kryesor në fjalor

HARROHEM

►HARR/ÓHEM jovep., ~ÓVA (u), ~ÚAR 1. vetv. Jepem aq shumë pas diçkaje, sa harroj ku jam ose lë mënjanë çdo gjë tjetër, zhytem thellë në një punë, mbetem pas diçkaje duke u shkëputur prej çdo gjëje përreth; habitem shumë, shastisem. Harrohet në punë. Harrohet në kujtime. Harrohet pas librave. U harrua pas zogjve. Harrohet duke luajtur.
2. vetv. Bie në një gjendje dremitjeje, me zë gjumi për pak kohë; kotem. U harrua plaku. U harrua nja një orë.
3. vetv. Qëndroj për shumë kohë diku larg; shkoj diku e kthehem shumë më vonë. U harrua në kurbet. M’u harrua djali. Ku u harrove kështu?
4. vetv. Shkoj kohën e heq mërzinë duke u marrë me diçka. Harrohem me djalin. Harrohej me tespihet.
5. bised., vetv. Matufosem; prishem nga mendtë, çmendem. U harrua plaku.
6. vetv., vet. vet. v. III (zakon. me pjesëzën mohuese nuk, s'). Nuk mbahet mend, nuk kujtohet dot; (me një trajtë të shkurtër të përemrit vetor në r. dhanore) më del nga mendja. U harrua ajo fjalë (ajo kohë). S'harrohet kurrë. S'më harrohet ajo ditë.
7. vetv., vet. vet. v. III Del nga kujtesa, pushon së qeni shprehi, nuk përdoret më, lihet, humbet. Zanatin po s'e punove, harrohet. Zakonet e mira s'harrohen. Gjuha e nënës nuk harrohet.
8. pës. e HARRÓJ.
✱Sin.: hutohem, habitem, shastisem, jepem, kotem, vonohem, matufosem, lenohem, çmendem, humbem.
♦ Iu harrua (iu shua, i humbi) *emri (dikujt) shpërf.

LEHTËSOHEM

►LEHTËS/ÓHEM jovep., ~ÓVA (u), ~ÚAR 1. vetv. Heq një pjesë të peshës që mbaj përsipër, e bëj më të lehtë ngarkesën; kund. rëndohem. U lehtësua ca nga plaçkat (nga barra, nga armatimet).
2. vetv. Bëhem më i lehtë në peshë, rëndoj më pak nga ç’kam qenë më parë; kund. rëndohem. Është lehtësuar në trup.
3. vet. v. III (zakon. me një trajtë të shkurtër të përemrit vetor në r. dhanore). Më zvogëlohet një barrë e rëndë, një detyrë a një përgjegjësi që kam, më pakësohen vështirësitë, më bëhet më e lehtë puna e jetesa; kund. rëndohet. Iu lehtësua puna (detyra, jetesa). U lehtësua kooperativa. Iu lehtësua përgjegjësia (faji).
4. vet. v. III Bëhet më i lehtë; vjen në një gjendje më të lehtë a më pak të vështirë, përmirësohet; kund. rëndohet, keqësohet. Iu lehtësua sëmundja. Iu lehtësuan dhimbjet. Është lehtësuar gjendja. Iu lehtësua jetesa.
5. vet. v. III (me një trajtë të shkurtër të përemrit vetor në r. dhanore). Bëhem më mirë (kur vuaj nga ndonjë sëmundje), më pakësohen dhimbjet a vuajtjet e shkaktuara nga një sëmundje. M’u lehtësuan veshët. M’u lehtësua koka. Iu lehtësuan dhimbjet (vuajtjet).
6. fig. Çlirohem në një farë mase nga një barrë a nga një ndjenjë e rëndë, nga një brengë, nga një ankth etj., qetësohem disi pas një fatkeqësie, më pakësohen vuajtjet shpirtërore. U lehtësua në zemër (në shpirt). U lehtësua kur mori vesh se i biri ishte gjallë. Kohët e fundit është lehtësuar mjaft.
7. fig. Bëhem i lehtë nga mendja, bëhem matuf, matufosem, rrëgjohem. U lehtësua shumë në pleqëri.
8. pës. e LEHTËSOJ.
✱Sin.: lenohem, çlirohem, shpëtoj, lirohem, humbas, zvogëlohet, thjeshtëzohet, thjeshtohet, përmirësohet, qetësohem, shkujdesem, matufosem, rrëgjohem.
♦ M’u lehtësuan *krahët. Është lehtësuar nga *mendja (dikush). M’u lehtësua *shpirti (zemra).

LENIM

LENÍM,~I m. sh. ~E, ~ET 1. Veprimi kur lenoj diçka ose kur lenohem.
2. Veprimi i lirimit nga një detyrë, përgjegjësi ose problem, lehtësim. Lenim i mirëpritur për të gjithë stafin.

LENOHEM

►LEN/ÓHEM jovep., ~ÓVA (u), ~ÚAR 1. vetv., bised. Lehtësohem. Është lenuar nga sëmundja. U lenua nga barra. Është lenuar në zemër. U lenua kur ia tha.
2. fig. Bëhem i lehtë nga mendja, më lë mendja (zakonisht kur plakem). U lenua plaku. Është lenuar nga mendtë (nga trutë).
3. pës. e LENÓJ.
✱Sin.: lenohem, lehtësohem, matufosem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë