Fjalori

Rezultate në përkufizime për “lemerisur”

Mëso si ta përdorësh
<<< Kthehu te kërkimi kryesor në fjalor

BINDOSUR

BINDÓSUR (i, e) mb. I habitur; tronditur; i lemerisur; që ka parë kiametin me sy. Fëmijë i bindosur.

BINDUR

BÍNDUR (i, e)II mb. I habitur; i tronditur; i lemerisur.

DATOSUR

DATÓSUR (i, e) mb., bised. I trembur, i frikësuar, që i ka hyrë data; i lebetitur. U hodh përpjetë i datosur.

✱Sin.: i trembur, i tmerruar, i lemerisur, i lebetitur, i llahtarisur, i tromaksur, i trumhasur, i tutur, i tutshëm, i frikësuar, i frikuar, i frikur.

LEMERISEM

►LEMERÍS/EM jovep., ~A (u), ~UR 1. vetv. Frikësohem shumë, tmerrohem keqas. U lemerisën fëmijët.
2. vetv. Nxjerr klithma shumë të forta nga frika e madhe a nga tmerri, vë kujën. Lemerisej nusja.
3. fig., bised. Mundohem shumë për të bërë diçka të rëndë, sfilitem. Është lemerisur shumë për ta mbaruar. U lemeris tërë javën.
4. pës. e LEMERÍS.
✱Sin.: tmerrohem, llahtarisem, lebetitem, rraskapitem.

LEMERISUR

LEMERÍSUR (i, e) mb., bised. 1. Që është lemerisur, i tmerruar keqas, shumë i frikësuar e i tronditur. Iku i lemerisur.
2. fig. I sfilitur.
✱Sin.: i tmerruar, i llahtarisur, i lebetitur, i tmerrshëm, i rraskapitur.

MURITUR

MURÍTUR (i, e) mb. Që është muritur, i frikësuar.
✱Sin.: i frikësuar, i meruar, i tmerruar, i lemerisur.

SFRRISKUR

SFRRÍSKUR (i, e) mb. Që është shumë i frikësuar. Ai kishte mbetur i sfrriskur. Vajza e sfrriskur nuk fliste asnjë fjalë.
✱Sin.: i lemerisur, i tmerruar, i llahtarisur, i lebetitur.

TMERRUAR

TMERRÚAR (i, e) mb. Që i ka hyrë tmerri, që e ka zënë tmerri, shumë i trembur; që shpreh tmerr. Fëmijë i tmerruar. Me sy të tmerruar. Me fytyrë të tmerruar. Me zë të tmerruar. Njerëz të tmerruar nga lufta (nga tërmeti, nga bombardimet).
✱Sin.: i lemerisur, i lebetitur, i tromaksur, i llahtarisur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë