Fjalori

Rezultate në përkufizime për “ledhatuar”

Mëso si ta përdorësh
<<< Kthehu te kërkimi kryesor në fjalor

DHELATAR

DHELATÁR,~E mb. 1. Që është mësuar me përkëdheli, i përkëdhelur. Djalë dhelatar. Vajzë dhelatare.
2. Që të bën lajka, lajkatar. Njeri dhelatar. Fjalët e tij dhelatare e zbutnin tjetrin. Ato trillane dhe dhelatare si fëmijët.
✱Sin.: i përkëdhelur, lajkatar, i dhelur, i ledhatuar.

HALITSHËM

HALÍTSH/ËM (i),~ME (e) mb. Që i bëjnë halitje të tepruara, që përkëdhelet së tepërmi; të cilit i bëhen lëshime dhe i plotësohen tekat e trillet, i llastuar. Paska fëmijë të halitshëm.
✱Sin.: i përkëdhelur, i ledhatuar, i llastuar, ledhatar, dhelatar, lazdrak, i lazdruar, haliçk.

KREHITUR

KREHÍTUR (i, e) mb. Që është krehitur; i përkëdhelur. Fëmijë i krehitur.
✱Sin.: i përkëdhelur, i ledhatuar, i mikluar, i lazdruar, i lajkatuar.

LAJKATUAR

LAJKATÚAR (i, e) mb. I përkëdhelur, i ledhatuar. Vajzë e lajkatuar.

LEDHATUAR

LEDHATÚAR (i, e) mb. Që është rritur me ledhatime, i përkëdhelur (kryesisht për fëmijët). Djalë i ledhatuar. Vajzë e ledhatuar.
✱Sin.: i përkëdhelur, i llastuar, i lajkatar, i lajkatuar.

LLASTUAR

LLASTÚAR (i, e) mb. Që përkëdhelet tej mase, që është llastuar; që është mësuar keq. Fëmijë i llastuar. Vajzë e llastuar. Mike e llastuar.
✱Sin.: i përkëdhelur, ledhatar, i ledhatuar, dhelatar, i lazdruar, i dhelur, i zdatur.

LËMESUR

LËMÉSUR (i, e) mb. I përkëdhelur, i ledhatuar; i llastuar. Fëmijë i lëmesur.

MIKLUAR

MIKLÚAR (i, e) mb. 1. I përkëdhelur, i ledhatuar. Ajo u ndje e mikluar nga fjalët e tij.
2. I lajkatuar.
3. si em. m. e f. Sipas kuptimeve të mbiemrit.

PEKULEMADH

PEKULEMÁDH,~E mb. I ledhatuar, i përkëdhelur.

PËRHOSHUR

PËRHÓSHUR (i, e) mb. I përkëdhelur, i ledhatuar.

PËRKËDHELUR

PËRKËDHÉLUR (i, e) mb. 1. Që e duan më shumë prindërit, që përkëdhelet më shumë, të cilit i bëhen lëshime më shumë se fëmijëve të tjerë. E kishin djalë të përkëdhelur.
2. keq. Që është edukuar keq, duke ia plotësuar tekat e trillet, që është përkëdhelur tepër, i llastuar. Fëmijë i përkëdhelur.
✱Sin.: i ledhatuar, i llastuar, ledhatar, dhelatar, i dhelur, i lajkatuar, i lazdruar, lazdrak, i zdatur, pekulemadh, kanakar.

TORORIS

TORORÍS vep., ~A, ~UR bised., kal. 1. Hedh a pres foshnjën vogël nëpër duar për ta gëzuar dhe për ta ledhatuar, ose diçka tjetër për të luajtur me të. Tororis djalin (vajzën). Tororis mollën (topin).
2. Vë foshnjën në gjumë duke i kënduar ninulla e duke e përkundur.
3. fig. Sorollat kot dikë; e vonoj dikë duke e mbajtur me fjalë. Mos e tororis, të gjorin.
4. Zgjat a zvarrit shumë një punë. E ka ves që i tororis punët.

VIDULUAR

VIDULÚAR (i, e) mb. Që është viduluar; i lajkatuar, i përkëdhelur, i mikluar. E kishte djalin të viduluar. Fëmijë i viduluar. Vajzë e viduluar.
✱Sin.: i përkëdhelur, i ledhatuar, i lajkatuar, i llastuar, i mikluar.

ZBUNUAR

ZBUNÚAR (i, e) mb. I përkëdhelur, i llastuar, i ledhatuar. Fëmijë krejt i zbunuar.

ÇKALITUR

ÇKALÍTUR (i, e) mb. 1. Që është i çapitur, i prashitur; që është çkalitur.
2. I ledhatuar; i përkëdhelur.
✱Sin.: i çapitur, i prashitur, i ledhatuar, i përkëdhelur, i lazdruar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë