Fjalori

Rezultate në përkufizime për “ledhatar”

Mëso si ta përdorësh
<<< Kthehu te kërkimi kryesor në fjalor

GLEDHTAR

GLEDHTÁR,~I m. sh. ~Ë, ~ËT Ai që ledhaton, ai që përkëdhel, ledhatar.

HALITSHËM

HALÍTSH/ËM (i),~ME (e) mb. Që i bëjnë halitje të tepruara, që përkëdhelet së tepërmi; të cilit i bëhen lëshime dhe i plotësohen tekat e trillet, i llastuar. Paska fëmijë të halitshëm.
✱Sin.: i përkëdhelur, i ledhatuar, i llastuar, ledhatar, dhelatar, lazdrak, i lazdruar, haliçk.

LAJKATAR

LAJKATÁR,~E mb. 1. keq. Që bën lajka, që flet me lajka; që shpreh lajka; lajkatues. Njeri lajkatar. Fjalë lajkatare. Me zë lajkatar.
2. Që bën ledha, ledhatar. Vajzë lajkatare.
✱Sin.: lajkabërës, lajkatues, lajkamadh, lajkaxhi, lajkës, lajkitës, lozonjar.

LAZDRAK

LAZDRÁK,~E mb. 1. Që përkëdhelet a llastohet përpara të tjerëve; ledhatar. Vajzë lazdrake.
2. si em. Sipas kuptimit të mbiemrit.
✱Sin.: ledhatar, i përkëdhelur.

LAZDRUES

LAZDRÚES,~E mb. Ledhatar, miklues, përkëdhelës. Fjalë lazdruese.

LEDHATAR

LEDHATÁR,~E mb. 1. Përkëdhelës, miklues, ledhatues. Njeri ledhatar. Me fjalë ledhatare. Me zë ledhatar. Buzëqeshje ledhatare.
2. Që e përkëdhelin më shumë se të tjerët, që e duan dhe e ledhatojnë shumë; që është më i përkëdheluri (kryesisht për fëmijët).
3. Që përkëdhelet e llastohet përpara të tjerëve, që ka shumë ledha. Fëmijë ledhatar. Vajzë ledhatare.
✱Sin.: përkëdhelës, miklues, ledhatues, i llastuar, lazdrak.

LLASTUAR

LLASTÚAR (i, e) mb. Që përkëdhelet tej mase, që është llastuar; që është mësuar keq. Fëmijë i llastuar. Vajzë e llastuar. Mike e llastuar.
✱Sin.: i përkëdhelur, ledhatar, i ledhatuar, dhelatar, i lazdruar, i dhelur, i zdatur.

MANGULAQ

MANGULÁQ,~E mb. Ledhatar.

PËRKËDHELUR

PËRKËDHÉLUR (i, e) mb. 1. Që e duan më shumë prindërit, që përkëdhelet më shumë, të cilit i bëhen lëshime më shumë se fëmijëve të tjerë. E kishin djalë të përkëdhelur.
2. keq. Që është edukuar keq, duke ia plotësuar tekat e trillet, që është përkëdhelur tepër, i llastuar. Fëmijë i përkëdhelur.
✱Sin.: i ledhatuar, i llastuar, ledhatar, dhelatar, i dhelur, i lajkatuar, i lazdruar, lazdrak, i zdatur, pekulemadh, kanakar.

PËRKËDHELËS

PËRKËDHÉLËS,~E mb. 1. Që përkëdhel, që bën përkëdheljen, që ledhaton, ledhatues. Dora përkëdhelëse e nënës.
2. fig. Që shpreh dashuri a dashamirësi; që shpreh ëmbëlsi e butësi; i këndshëm, i pëlqyeshëm; ledhatues. Shikim (vështrim) përkëdhelës. Sy përkëdhelës. Fjalë të ngrohta e përkëdhelëse.
3. fig. Tepër i butë e zemërgjerë. Kritikë përkëdhelëse.
4. gjuh. Që ka një ngjyrim zbutës e mirëdashës; që me trajtën e vet shpreh përkëdhelje a zbunim. Me ngjyrim përkëdhelës e zvogëlues. Emër përkëdhelës. Fjalë përkëdhelëse. Prapashtesë përkëdhelëse.
✱Sin.: ledhatues, ledhatar, dhelatar, miklues, lajkatues, argëtues, dashamirës, i ëmbël, i butë, i këndshëm, i pëlqyeshëm, zbutës, i ngrohtë, zemërgjerë.

SMILATËS

SMILÁTËS,~E mb. Përkëdhelës; ledhatar. Dëgjoi shumë fjalë smilatëse atë natë. Ishin mësuar tashmë me natyrën e tij smilatëse.
✱Sin.: lajkatues, miklues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë