Fjalori

Rezultate në përkufizime për “lavdërohem”

Mëso si ta përdorësh
<<< Kthehu te kërkimi kryesor në fjalor

ANGËRDUFEM

ANGËRDÚF/EM jovep., ~A (u), ~UR krahin., vetv. Fryhem, kapardisem si gjeldet; mbahem me të madh.
✱Sin.: kapardisem, krekosem, ngrefosem, fryhem, mburrem, lavdërohem.

LAVDËRIM

LAVDËRÍM,~I m. sh. ~E, ~ET 1. Veprimi kur lavdërojmë dikë ose kur lavdërohem. Fletë lavdërimi. Letër lavdërimi.
2. Fjalë të mira që thuhen për të ngritur lart dikë a diçka, lëvdatë. Lavdërime të merituara. I bëri shumë lavdërime. Nuk dehet nga lavdërimet.
✱Sin.: lëvdim, kapardisje, mburrje, lëvdatë.

LËMBURREM

LËMBÚRR/EM jovep., ~A (u), ~UR vetv. Lëvdohem shumë në sy të të tjerëve, mbahem me të madh, mburrem, kapardisem. Lëmburrej shumë.
✱Sin.: lavdërohem, mburrem, kapardisem.

LËVDOHEM

►LËVD/ÓHEM jovep., ~ÓVA (u), ~ÚAR 1. vetv. Lëvdoj veten, lavdërohem, mburrem. Lëvdohet shumë. Lëvdohet kot (në të thatë, për së thati). Mikut ankoju, armikut lëvdoju. (fj. u.).
2. pës. e LËVDOJ.
✱Sin.: lavdohem, mburrem, kapardisem, lëmburrem.

MBURREM

►MBÚRR/EM jovep., ~A (u), ~UR 1. vetv. Mburr veten përpara të tjerëve; e vlerësoj veten përpara të tjerëve më lart se sa e meritoj, më pëlqen a e kam zakon të lavdëroj veten, lëvdohem. Mburret shumë përpara të tjerëve. Mos na u mburr kështu! Mburret (lëvdohet) në të thatë (për së thati) mburret kot.
2. vetv. E ndiej veten krenar për dikë a për diçka, jam kryelartë për të, krenohem. Mburrem që jam shqiptar. Mburrem për fitoret e ekipit tim. Mburren me nxënësit gjeni.
3. pës. e MBURR.
✱Sin.: lavdërohem, lëvdohem.

PËRLAVDËROHEM

►PËRLAVDËR/ÓHEM jovep., ~ÓVA (u), ~ÚAR 1. përf., vetv. Lavdërohem.
2. pës. e PËRLAVDËRÓJ.

PËRLËVDOHEM

►PËRLËVD/ÓHEM jovep., ~ÓVA (u), ~ÚAR përf. 1. vetv. Lëvdohem shumë para të tjerëve, mburrem shumë.
2. pës. e PËRLËVDÓJ.
✱Sin.: lavdërohem, lëvdohem, mburrem.

SHAHEM

►SHÁ/HEM jovep., ~VA (u), ~RË 1. vetv. I themi njëri-tjetrit fjalë e shprehje të rënda, fyese e të pahijshme, e quajmë njëri-tjetrin me emra të këqij, i vëmë njëri-tjetrit nofka të këqija për ta tallur a për ta fyer; përshahem me fjalë me dikë, zihem, shamatohem; kund. lavdërohem. U shanë në rrjetet sociale. U shanë e u grindën me fjalë shumë të rënda. Mos u shani! Shahen dhe përqafohen.
2. vetv. Them fjalë qortuese e grindem për diçka, bërtas, bëj shamatë. Shahem me veten. Shahet kot.
3. pës. e SHAJ. U sha nga babai vetë. U shanë nga opinioni publik.
✱Sin.: përshahem, hakërrohem, kanosem, gërmushem, shamatohem, grindem, zihem, bërtas.
♦ S’është për t’u sharë (dikush a diçka) vlen edhe kështu siç është, nuk është aq i keq, pranohet; është mjaft i mirë; nuk është për t’u hedhur poshtë.

SHKËRDHEHEM

►SHKËRDH/ÉHEM vep., ~ÉVA (u), ~ÝER 1. vetv. Kryejnë me njëri-tjetrin një akt seksual.
2. Lavdërohem, mburrem.
3. pës. e SHKËRDHÉJ.

VETËLAVDËROHEM

VETËLAVDËR/ÓHEM jovep., ~ÓVA (u), ~ÚAR libr., vetv. Lavdëroj veten, lavdëroj aftësitë dhe veprimet e mia. U vetëlavdërua për punën që kishte bërë.
✱Sin.: lavdërohem, lëvdohem, përfryhem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë