Fjalori

Rezultate në përkufizime për “lavë”

Mëso si ta përdorësh
<<< Kthehu te kërkimi kryesor në fjalor

LAVË

LÁV/Ë,~A f. sh. ~A, ~AT Lëndë minerale që del e shkrirë dhe shumë e nxehtë nga krateret e vullkaneve e pastaj ngrin. Lavë e zjarrtë. Lava e vullkanit. Rrjedh lava. E mbuloi lava.

SHUAR

SHÚAR (i, e) mb. 1. Që nuk digjet më; i fikur; kund. i ndezur. Urë të shuara. Thëngjij të shuar. Cigare e shuar. Zjarr i shuar.
2. Që është i pandezur, që nuk ndriçon më; i fikur; kund. i ndezur. Yje të shuara. Me drita të shuara.
3. Që nuk punon më, që i është shkëputur energjia elektrike; i fikur; kund. i ndezur. Kompjuter i shuar. Me celular të shuar.
4. Që nuk është më aktiv, që ka pushuar së nxjerri lavë e hi (për vullkanet). Lavë e shuar. Vullkan i shuar.
5. Që është i dobësuar sa mezi dëgjohet; i mekur, i dobët. Me zë të shuar. Gjëmim i shuar. Rënkime të shuara.
6. Që ka humbur shkëlqimin, që nuk ndrin, që duket si pa jetë. Me sy të shuar. Ngjyra si të shuara.
7. fig. Që është zhdukur, që nuk është më. Heronj të shuar. Qytetërimet e shuara.
8. Që është fshirë a është prishur me një vizë mbi të. Ka ca fjalë (pjesë) të shuara. Dorëshkrimi kishte shumë rreshta të shuar.
9. fig., bised. Që i kanë vdekur të gjithë njerëzit, që ka mbetur fare pa njeri, i shkretë, qyqar; që ka mbetur pa fëmijë. Fis i shuar. Familje (shtëpi, vatër) e shuar. Oxhak i shuar.
10. Fatzi, i mjerë, i gjorë, i ngratë, qyqar. I shuari djalë. E shuara vajzë.
11. euf. I vdekur. Më mirë i shuar se i turpëruar. (fj. u.). Më mirë i shuar se gjallë e i harruar. (fj. u.).
12. Që i është hedhur ujë për ta tretur, për ta zbutur etj., i tretur në ujë. Supë e shuar me verë. Raki e shuar. Gëlqere e shuar.
♦ Me *sy të shuar. Me *zë të shuar (të mekur).
✱Sin.: i fikur, i mbyllur, i fashitur, i platitur, i mekur, i nemitur, i dobësuar, i venitur, i rraskapitur, i shkretuar, i rrënuar, i shlyer, i prishur, i pajetë.

VULLKAN

VULLKÁN,~I m. sh. ~E, ~ET 1. gjeog., gjeolog. Grykë e madhe e hapur, zakonisht në majë të një mali, nga e cila dalin prej thellësisë së tokës gazra të nxehtë, tymra e lavë. Vullkan i shuar. Vullkan veprues (aktiv). Grykë vullkani. Krateri i vullkanit. Shpërthen (shuhet) vullkani. Zien si vullkan. Buçet si vullkan.
2. fig. Rrezik i madh që qëndron i fshehur dhe që kërcënon dikë; vrull i madh që është grumbulluar a që mund të shpërthejë a shpërthen me fuqi. Vullkani i demonstruesve. Vullkani i urrejtjes popullore. Urrejtja zien përbrenda si vullkan. Vullkani i urrejtjes kundër tiranisë.

VULLKANIK

VULLKANÍK,~E mb. Që ka të bëjë me vullkanin, që i përket vullkanit; i vullkanit; që del a formohet nga shpërthimi i vullkanit, që krijohet a shkaktohet nga vullkani. Gur vullkanik. Vatër (qendër) vullkanike. Shpërthim vullkanik. Lavë vullkanike. Hiri vullkanik. Rërë vullkanike. Liqen vullkanik. Tërmete vullkanike. Lëkundje vullkanike. Bombë vullkanike (gjeol.). Ishull vullkanik. Shkëmbinj vullkanikë shkëmbinj shpërthimorë.

VULLKANOR

VULLKANÓR,~E mb., gjogr., gjeolog. Vullkanik. Shpërthim vullkanor. Shkëmbinj vullkanor. Lavë vullkanore.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë