Fjalori

Rezultate në përkufizime për “larmishmëri”

Mëso si ta përdorësh
<<< Kthehu te kërkimi kryesor në fjalor

LARMI

LARMÍ,~A f. sh. ~, ~TË 1. Të qenët i larmë, të qenët lara-lara. Larmia e pendëve.
2. Të qenët i larmishëm, të qenët i llojllojshëm. Larmi e madhe. Larmia e ngjyrave (e tingujve). Larmia e vargjeve. Larmia e stileve. Larmia e përmbajtjes.
✱Sin.: lari, larushi, laramanësi, llojshmëri, larmishmëri, zhdërvjellje, zhdërvjelltësi, shumëllojshmëri, llojllojshmëri.

NGJYRËLARMISHËM

NGJYRËLARMÍSH/ËM,~ME mb. Që ka larmishmëri ngjyrash ose që nuk është i të njëjtës ngjyrë.

VARIETE

VARIETÉ,~JA f. sh. ~, ~TË Shfaqje artistike me këngë, valle, skeçe, numra akrobatikë etj.; shfaqje që ka një program të pasur me numra të ndryshëm argëtues. Variete muzikore. Program me variete.
✱Sin.: llojshmëri, shumëllojshmëri, llojllojshmëri, larmi, larmishmëri, larushi.

ZHDËRVJELLËSI

ZHDËRVJELLËSÍ,~A f. 1. Të qenët i shpejtë, i gjallë dhe i shkathët në lëvizje e në veprime, të qenët i zhdërvjellët; shkathtësi. Zhdërvjelltësia e trupit. Zhdërvjellësia e akrobatit. Ka (fitoi) zhdërvjellësi. Lëviz (përdor) me zhdërvjellësi.
2. fig. Të qenët i zhvilluar e i shkathët nga mendja; aftësia për t'i kapur dhe për t’i zgjidhur gjërat shpejt, për të vepruar me shkathtësi e me lehtësi; shkathtësi. Zhdërvjellësia e mendjes. Zhdërvjellësia në punë. Luan me zhdërvjellësi. Për gjallërimin dhe zhdërvjellësimin e administratës. Zhdërvjellësia e klasës së re politike.
3.Vetia e diçkaje të zhdërvjellët, që është plot gjallëri e ka zhvillim të shpejtë; të qenët i larmishëm e me fuqi të madhe shprehëse. Zhdërvjellësia e gjuhës. Zhdërvjellësia e poezisë. Zhdërvjellësia e melodive popullore.
✱Sin.: zhdërvjellje, gjallëri, shkathtësi, lëvizshmëri, larmishmëri.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë