Fjalori

Rezultate në përkufizime për “larash”

Mëso si ta përdorësh
<<< Kthehu te kërkimi kryesor në fjalor

LAKROR

LAKRÓR,~I m. sh. ~Ë, ~ËT gjell. Byrek me lakra të grira, me presh, me kungull etj. Lakror me presh (me spinaq, me labot, me hithra, me pazi, me qepë, me kungull). Lakror me kuleç (me imakë). Lakror me petë. Anët e lakrorit. Mesi i lakrorit. Një ngastër lakror. Shtroj petët e lakrorit.
✱Sin.: byrek, shapkat, kripanik, pispili, bukafec, larash, kryelanë, bllacë, bllacore, laropitë, leqenik.
♦ Bëhet *saç për lakrorin e botës përçm. E bëri lakror. 1. (dikë). E rrahu fort, e zhdëpi, e dërrmoi; e bëri lakër; e bëri fërtele; e bëri pelte. 2. (diçka). E ngatërroi shumë, e pështjelloi; e la të pasqaruar e të turbullt. I dolën (iu zbuluan) *lakrat lakrorit. Ia hoqi *petën lakrorit (byrekut) (dikush). E nis lakrorin nga *mesi (dikush) tall. Ia nxori *için lakrorit (dikush).

LARASH

LARÁSH,~II m. sh. ~Ë, ~ËT 1. zool. (lat. Cathartes percnopterus) Lloj fajkoi me trup të larmë, që ushqehet me kërma.
2. zool. Lloj rose e egër me pendë të larme, që rri në det dhe që del nëpër brigje e këneta vetëm në kohë të keqe e me stuhi. Larash deti.
3. Zog i vogël i njohur për ngjyrën e tij të veçantë dhe shfaqjen karakteristike. Larashi kurrizkuq zool. (lat. Emberiza cia).
✱Sin.: larosh, fajkua.

LARASH

LARÁSH,~E mb. 1. I larmë, laraman. Dhi (mace) larashe. Cjap (kalë) larash. Pëllumb larash. Me sy larashë.
2. si em. Sipas kuptimit të mbiemrit, kryesisht për kafshët e shpendët.

LARMË

LÁRM/Ë (i), ~E (e) mb. 1. Që është me lara të ndryshme, lara-lara. Lëkurë e larme. Me pendë të larme. Viç (ka, qen) i larmë. Lopë (dhi, dele) e larme. Groshë (fasule) të larme. Me sy të larmë.
2. bised. Që ndryshon herë pas here, që është herë i kthjellët e herë i vrenjtur (për motin); që ka re të shpërndara (për qiellin). Kohë (ditë) e larme. Mot i larmë. Qiell i larmë.
3. fig. Lajkatar e shtiracak, laragan; dredharak. Njeri i larmë.
4. I larmishëm. Mjete të larme. Ngjyra të larme.
✱Sin.: i larushtë, larik, laragan, laraman, larosh, larok, larash, larë, larak, larakuq, quk, larisk, lacan, balosh, larua, abrash, larush, lacë, i sykëm, sharan, i sharmë, i shkruar, lara-lara, çikalarmë, pikalarmë, pikëlor, cërkalor, cikalor, pika-pika, balash, pulla-pulla, njolla-njolla, lajkatar, i shtirë, dinak, dredharak, i larmishëm.

LAROSH

LARÓSH,~II m. sh. ~Ë, ~ËT zool. Larash.

LARUA

LAR/ÚA,~ÓI m. sh. ~ÓNJ, ~ÓNJTË Ka i larmë, larash. Kishte një larua dhe një lariskë. Erdhi laroi.

TAMALAR

TAMALÁR,~I m. sh. ~Ë, ~ËT zool. Larash kurrizkuq.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë