Fjalori

Rezultate në përkufizime për “lamtumirem”

Mëso si ta përdorësh
<<< Kthehu te kërkimi kryesor në fjalor

APOSTILË

APOSTÍL/Ë,~A f., admin. 1. Letër lamtumire; aktshkarkim ose aktpushim nga një punë ose nga një detyrë.
2. Shtesë e një dokumenti; letër rekomandimi që i bashkëngjitet një kërkese, një aplikimi etj. Dërgoi apostilë. Mori apostilën. Apostila iu bashkëngjit dokumentit.
3. Dokument i lëshuar nga një institucion shtetëror i një vendi, që vërteton origjinalitetin dhe vlefshmërinë e një dokumenti që është lëshuar nga një shtet tjetër, duke e bërë atë të ligjshëm me nënshkrim e me vulë të posaçme. Mbërriti apostila. Po presim apostilën.

DARKË

DÁRK/Ë,~A f. sh. ~A, ~AT 1. Koha pasi perëndon dielli; mbrëmje. Në darkë vonë. Në orën dhjetë të darkës. U bë darkë. Erdhi darka. Vinin darkave për muhabet. E zuri darka në rrugë. Ha për drekë, po lër për darkë. (fj. u.). Kënga për darkë, brenga për drekë. (fj. u.).
2. Ushqimi që hamë në mbrëmje; e ngrëna e mbrëmjes; koha kur hamë ushqimin në mbrëmje. Darkë e lehtë (e rëndë). Në darkë. Para (pas) darke. Gjatë darkës. Darkë për darkë çdo darkë. Ha darkë. Gatuaj (shtroj) darkën. I sjell (i çoj) darkën. Fjeti (mbeti) pa darkë. Marr (thërres, ftoj) për darkë. Erdhi për darkë. Fli pa darkë e zgjohu pa borxh. (fj. u.). Ku janë nuse shumë, mbetet darka pa bërë. (fj. u.). Darka e lehtë, gjumi i qetë. (fj. u.).
3. Gosti që shtrohet në mbrëmje për nder të dikujt a në ndonjë rast të veçantë. Darkë zyrtare. Darkë madhështore. Darkë lamtumire. Darka e nuses (e dhëndrit)(etnogr.). Shtroi (dha) një darkë.
4. Mbrëmja para një feste fetare. Darka e Pashkëve (e Bajramit).
♦ Ç’pështyn në *mëngjes e lëpin në darkë (dikush) përb. Ku e zë darka nuk e gjen mëngjesi (dikë) shih ku e zë dreka s’e zë darka (dikë). Ku e zë *dreka s’e zë darka (dikë).

LAMTUMIREM

LAMTUMÍR/EM jovep., ~A (u), ~UR vetv. I lë lamtumirën dikujt, ndahem nga dikush duke i lënë lamtumirën.
✱Sin.: ndahem, përshëndoshem.

LAMTUMIRË

LAMTUMÍR/Ë,~A f. sh. ~A, ~AT Përshëndetja që bëhet kur largohemi në një vend tjetër ose kur ndahemi nga një njeri i dashur për një kohë të gjatë a përgjithnjë. Lamtumira e fundit. Mbrëmje (darkë) lamtumire. Fjala e lamtumirës. Në çastin e lamtumirës. I la (i dha) lamtumirën.
✱Sin.: përshëndetje, ndarje.
♦ I jap lamtumirën e fundit (dikujt) lart. e përcjell me nderime për në varr një njeri (zakonisht të dashur a të shquar), ndahem prej tij me nderimet e fundit. I lë lamtumirën (dikujt) e përshëndet dikë dhe iki; ndahem nga dikush përgjithmonë; ndahem i përmalluar prej tij; i lë shëndetin. Është bërë lapër (dikush) shih është bërë kockë e lëkurë (dikush).

LAMTUMIRËS

LAMTUMÍRËS,~E mb. Që bëhet për të lënë lamtumirën, që i jepet lamtumira, i lamtumirës. Fjalim lamtumirës.

VAJAKËNGË

VAJAKË́NG/Ë,~A f. sh. ~Ë, ~ËT Këngë e dhimbshme, elegjiake ose lamtumire që këndohet në raste humbjeje ose përkujtimi dhe shpreh emocione të forta, si trishtim, pikëllim dhe dhimbje për një person të dashur që ka ndërruar jetë ose për një ngjarje të dhimbshme. Vajakëngë për të vdekurin. Vajakënga e vajtores ishte shumë prekëse.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë