Fjalori

Rezultate në përkufizime për “lamtumirës”

Mëso si ta përdorësh
<<< Kthehu te kërkimi kryesor në fjalor

DREKË

DRÉK/Ë,~A f. 1. Ushqimi që hamë në mesditë; e ngrëna e mesditës; koha kur hamë ushqimin në mesditë. Drekë e pasur. Para (pas) dreke. Kopsht me (pa) drekë kopsht ku fëmijët hanë (ose nuk hanë) drekë. Bën (përgatit, ha, shtron) drekën. E thirri (e ftoi, e grishi, e mbajti) për drekë. Drekën e mirë! përdoret si përshëndetje kur ndahem nga dikush pak para drekës. Ha drekë e gatuaj për darkë. (fj. u.).
2. sh. ~A, ~AT edhe keq. ~ËRA, ~ËRAT Buka që shtrohet në mesditë me rastin e një feste, të një gëzimi etj.; pritja që jepet zyrtarisht në mesditë për nder të dikujt etj. Dreka e ditëlindjes (e dasmës, e përcjelljes, e lamtumirës). Dha (shtroi) një drekë. Nuk linte drekëra e darkëra pa shkuar.
3. bised. Koha në mesditë, mesi i ditës, mesdita. I zuri dreka. Aty nga dreka.
♦ Të ngrënça drekën! mallk. shih të ngrënça (të ndafsha, të bëfsha) hallvën! mallk. bised. Ku e zë dreka s’e zë darka (dikë) udhëton a bredh shumë nga një vend në tjetrin, nuk rri në një vend; nuk ndalet a nuk ngulet askund.

EPSHËM

ÉPSHËM ndajf., libr. Me epsh. Do të pres epshëm puthjen e lamtumirës. Lëshohej gjithnjë e më epshëm.
✱Sin.: epshërisht, epshorisht.

LAMTUMIRË

LAMTUMÍR/Ë,~A f. sh. ~A, ~AT Përshëndetja që bëhet kur largohemi në një vend tjetër ose kur ndahemi nga një njeri i dashur për një kohë të gjatë a përgjithnjë. Lamtumira e fundit. Mbrëmje (darkë) lamtumire. Fjala e lamtumirës. Në çastin e lamtumirës. I la (i dha) lamtumirën.
✱Sin.: përshëndetje, ndarje.
♦ I jap lamtumirën e fundit (dikujt) lart. e përcjell me nderime për në varr një njeri (zakonisht të dashur a të shquar), ndahem prej tij me nderimet e fundit. I lë lamtumirën (dikujt) e përshëndet dikë dhe iki; ndahem nga dikush përgjithmonë; ndahem i përmalluar prej tij; i lë shëndetin. Është bërë lapër (dikush) shih është bërë kockë e lëkurë (dikush).

LAMTUMIRËS

LAMTUMÍRËS,~E mb. Që bëhet për të lënë lamtumirën, që i jepet lamtumira, i lamtumirës. Fjalim lamtumirës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë