Fjalori

Rezultate në përkufizime për “lama”

Mëso si ta përdorësh
<<< Kthehu te kërkimi kryesor në fjalor

ALPAKË

ALPÁK/Ë,~AI f. sh. ~A, ~AT zool. (lat. Lama pakos) Gjitar barngrënës i familjes së deveve, që jeton në tufa të mëdha në Andet e Amerikës Jugore, me këmbë të gjata e të holla, me qafë të gjatë dhe të hollë, me një kokë të vogël dhe pa gunga, me leshin e gjatë e me mish të shijshëm, lama. Ferma e alpakave. Alpaka e madhe (e vogël). Leshi cilësor i alpakës. Lesh alpake. Pëlhurë alpake. Stof (rroba) alpake.

ARTIODAKTILË

ARTIODAKTÍLË,~T m. kryes. sh., zool. Gjitarë thundrakë (lopa, bualli, derri, dreri, deveja, gjirafa, lama, delja, dhia etj.) me strukturë të veçantë të këmbëve, pesha e të cilëve përqendrohet në gishta e tyre të zhvilluar mirë (gishta të bashkuar, çift, zakonisht gishtat e tretë e të katërt).

GUANAKA

GUANAKÁ,~T f. sh., zool. (lat. Lama guanicoe) Lamë.

LAMA

LÁMA m., pandr., fet. Klerik budist, titull që i jepet vetëm kryetarit të klerit budist; murg ose prift budist. Dalai Lama gëzon autoritet të fuqishëm në qarqet intelektuale të botës.

LAMË

LÁM/Ë,~AI f. sh. ~A, ~AT 1. Vend i rrethuar pranë shtëpisë ku janë mullarët e sanës, të jonxhës, të tallës etj., vendi ku shihen të lashtat, vendi ku mbahet ushqimi i bagëtive, lëmë. Lama e drithit. Si zogjtë e trishtuar te lama e drithit.
2. Treg, pazar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë