Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
DRÉDH/Ë,~A f. sh. ~A, ~AT 1. Kthesë harkore e një rruge, e një lumi etj., lak rruge, bërryl; kthesë e tillë që bën dikush a diçka kur ecën ose kur lëviz; gjarpërim. Dredhat e rrugës (e lumit, e kanalit). Dredhat e tymit. Udhë gjithë dredha. Gjarpri ecën me dredha. Vraponte me dredha.
2. Send që ka trajtën e një laku a të një harku; diçka e dredhur a e përdredhur; bërryl a kthesë spiraleje, vjaske etj. Dredhat e flokëve. Dredha e ballit tufë flokësh të përdredhur që bien mbi ballë. Dredhat e sustës (e vjaskës...). Dredhat e hardhisë. Flokë me dredha. Zbukurim me dredha. Fjongo (kordele) me dredha. I bëri një dredhë telit.
3. Rrip i hollë prej lëkurës së bagëtive, që përdoret për të qepur opingat ose diçka tjetër të lëkurtë; gjalmë opingash, retër. Pret (nxjerr) një dredhë. Lag (njom) dredhat. Qep me dredha.
4. Tufë e vogël rripash lëkure, të thurur si gërshet ose të përdredhur së bashku, që i vihen kamxhikut në majë; kamxhik. I ra (e rrahu) me dredhë.
5. Teli i harkut, me të cilin rrihet ose shprishet leshi.
6. Purtekë e gjatë dhe e dredhur në mes, që përdoret për të shirë drithin duke e rrahur; thupër e njomë dhe e dredhur, që përdoret për punë të ndryshme. I rrihnin (i shinin) të lashtat me dredhë. Bëri një dredhë për kularin. I lidhi drutë me një dredhë.
7. Shakullinë; vorbull uji. Dredhë e fortë. Dredhë bore (pluhuri, tymi). Ngrihet si dredhë. E rrëmbeu dredha.
8. fig. Dredhi. Bën dredha. Sajonte dredha. Mos i bëj dredhë fjalës. (fj. u.).
9. bot. Dredhe.
10. bised. Rrudhë. Iu mbush balli me dredha.
♦ Bën dredha (dikush) është hileqar, nuk e mban fjalën, nuk është i qëndrueshëm, luan sa andej këtej; luan nga e vërteta; bën bisht; bën lodra; bën laradashë. I bën dredha (dikujt a diçkaje) përpiqet t’i shpëtojë a t’i largohet dikujt që nuk e do, i shmanget që të mos e takojë a të mos i dalë ballas; u shmanget vështirësive, punës, detyrës, përgjegjësisë etj.; i ruhet çdo rreziku, i dredhon diçkaje të keqe; i bën bisht. I bën dredhë fjalës (dikush) nuk i qëndron fjalës së dhënë, sillet e flet si t’ia dojë puna; nuk e mban fjalën, nuk është i qëndrueshëm e i besës, e dredh; e ha fjalën. I bën dredha plumbit (dikush) i ruhet një rreziku të madh, i shmanget diçkaje shumë të rëndë; di ta ruajë veten nga rreziqet, është i shkathët e i zoti dhe nuk e gjen dot një e keqe e madhe. Dredha e djallit keq. njeri shumë i djallëzuar; djalli vetë. I hoqi (i dha) një dredhë (dikujt) e rrahu shumë me kamxhik; i dha një të rrahur; e qortoi a e kritikoi rëndë; i dha (i hoqi) një dru (të mirë). E rrëmbeu dredha (dikë) ka rënë keq si në një vorbull dhe nuk po i shkojnë punët ashtu si do vetë; ra në rrethana të papërballueshme; s’e ka në dorë veten.
✱Sin.: bërryl, lakadredhë, dredhim, dredhje, lak, lakore, lakim, gjarpërim, kaladredhë, tërthore, dredhëse, gjalmë, retër, lidhëse, shprishës, kamxhik, kaçurrela, shtjellë, loze, dredhe, urth.
GJIM,~II m. sh. ~A, ~AT 1. Shtrembërim; përdredhje; lakim. Gjimat në trung ishin plagët e heshtura të natyrës.
2. Barkësim. Mur me gjima mur që ka lëshuar bark.
✱Sin.: shtrembërim, përdredhje, lakim, harkim, përkulje, barkësim.
HETEROKLÍT,~E mb., gjuh. Që ka lakim e zgjedhim të parregullt.
HETEROKLÍT/E,~JA f. sh. ~E, ~ET gjuh. Fjalë me lakim dhe zgjedhim të parregullt.
PËRDREDHÍM,~I m. sh. ~E, ~ET 1. Veprimi kur përdredhoj ose kur përdredhohem.
2. Lakim a rrotullim i fortë e i shpeshtë i trupit. Lëri përdredhimet!
3. Kthesë e fortë, dredhë e një rruge, e një lumi etj. Tatëpjetë me shumë përdredhime.
4. muz., kryes. sh. Dridhje të theksuara të zërit që nxjerr njeriu ose të tingujve të një vegle muzikore. Përdredhimet e fyellit.
5. fig., kryes. sh. Përpjekje për të shpëtuar nga një gjendje e vështirë duke përdorur dinakërinë, duke mos u përgjigjur drejtpërdrejt etj. Arsyetime e përdredhime të kota.
✱Sin.: dredhim, dredhë, dridhje, lakim, rrotullim, kthesë, marifete, dredhi, dinakëri, hile, djallëzi.
PËRKTHÍM,~I m. sh. ~E, ~ET 1. Veprimi kur përkthej nga një gjuhë në tjetrën apo kur përkthehem a rrotullohem. Përkthimi i kryeveprave të letërsisë botërore. Përkthim automatik (i automatizuar). Përkthim kompjuterik.
2. Tekst a vepër që është përkthyer nga një gjuhë në një gjuhë tjetër, ajo që është përkthyer. Përkthim besnik (i lirë). Përkthime të bukura (të bëra me mjeshtëri). Përkthimet e Nolit. Ka bërë shumë përkthime. Merret me përkthime.
3. gjuh., vjet. Lakim.
✱Sin.: kthim, shqipërim, lakim.
PËRKÚLJ/E,~A f. sh. ~E, ~ET 1. Veprimi kur përkul ose kur përkulem. Përkulja e trupit. Përkulja e gjunjëve. Përkulja e degëve. Përkulja para vështirësive.
2. Pjesa a vendi që është përkulur, e përkulur. Ka dy përkulje.
✱Sin.: lakim, harkim, epje, eptim, thyerje, përthyerje, ulje, kërrusje, gërmuqje, anim, pjerrje, vaisje, përulje, mposhtje, kthim, anim, lëshim, varje, nënshtrim, gjunjëzim.
TËRTHORZÍM,~II m. sh. ~E, ~ET 1. Rënie kryq e tërthor një vendi, tërthorim1; prerje tërthor.
2. Përshkim, kapërcim, kalim. Tërthorzim i lumit kalim në anën tjetër të lumit, kapërcim i lumit.
3. Dredhë, bërryl, kthesë, lakim (i një rruge), gjarpërim. Rrugë plot me tërthorzime. Tërthorzimet e lumit.
4. Mendim i shprehur tërthoras; romuz. Vështirë t’ia kuptosh tërthorzimet.
✱Sin.: romuz, shpoti, shpotitje, shaka, përqeshje, qesëndi, tallje.
ZVOGËLÚAR (i, e) mb. Që është bërë më i vogël nga sa ishte, që është pakësuar a është ulur, që është zvogëluar; kund. i rritur, i zmadhuar, i shtuar, i zgjeruar. Me bebëza të zvogëluara. Të dhëna (shifra) të zvogëluara. Vëllim (kapacitet) i zvogëluar i lëndës. Përdorim i zvogëluar. Rrezik i zvogëluar. Lakim i zvogëluar i trupit. I zvogëluar sa madhësia e dorës. Kabinet i zvogëluar. Numri i zvogëluar i rruazave të kuqe të gjakut. Vëllai i dukej i zvogëluar.
✱Sin.: i vogëluar, i vocërruar, i pakësuar, i mpakur, i vokërruar, i ngushtuar, i shkurtuar, i rrëgjuar, i mbledhur, i picërruar, i tkurrur, i kruspulluar, i ulët, i zbehur, i tulatur.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë