Fjalori

Rezultate në përkufizime për “lajthitem”

Mëso si ta përdorësh
<<< Kthehu te kërkimi kryesor në fjalor

GABOHEM

►GAB/ÓHEM jovep., ~ÓVA (u), ~ÚAR 1. vetv. Bëj një gabim në të folur a në të shkruar, në lexim, në numërim, në llogaritje etj. nga mosnjohja e rregullave a nga pakujdesia; gaboj. Gabohet në llogari. Gabohet në të folur.
2. vetv. Bëj gabim në jetë a në punë, bie në gabim, gaboj. Gabohet rëndë që nuk flet hapur.
3. vetv. Kam një ide, mendim a pikëpamje që mendohet jo i saktë ose jo i drejtë prej një shoqërie ose prej një grupi të caktuar.
4. pës. e GABÓJ.
✱Sin.: lajthitem, gënjehem, qorrollepsem, ngatërrohem.

HUTOHEM

►HUT/ÓHEM jovep., ~ÓVA (u), ~ÚAR vetv. 1. E humbas vëmendjen dhe përqendrimin në raste të caktuara; se ç'bëhet e s'di ku jam, më turbullohet mendja; humbas toruan; trullosem. Hutohet shumë. Hutohet në provim (përpara mësuesit). U hutua nga turpi.
2. Habitem shumë përpara dikujt a diçkaje, shastisem.
✱Sin.: trullosem, turbullohem, habitem, shastisem, lajthitem.

LAFITEM

►LAFÍT/EM jovep., ~A (u), ~UR vetv. Çmendem, më ikin mendtë. Lafitem pas tij. Nga terri lafitem fare.
✱Sin.: marrosem, lajthitem.

LAJTHITJE

LAJTHÍTJ/E,~A f. sh. ~E, ~ET 1. Veprimi kur lajthit dikë ose kur lajthitem. I ndodhi diçka gjatë lajthitjes.
2. Gjendja kur lajthit dikë ose kur lajthitem. Ra në lajthitje.
3. Gabim pa dashje, gabim i vogël; ngatërrim pa dashje. Lajthitje e rastit. Na shpëtoi një lajthitje. Ishte një lajthitje e vogël.
✱Sin.: lajthim, gabim, ngatërrim, çmendje, shkallim, marrosje, çmenduri, hutim.

PETHITEM

►PETHÍT/EM jovep., ~A (u), ~UR vetv. Lajthitem.

SHKALEM

►SHKÁL/EMII jovep., ~A (u), ~UR 1. vetv. Mbetem si i shituar, si i shkelur nga hijet, shuplakem. Kujtonin se ishte shkalur.
2. fig. Prishem nga mendtë, lajthitem, shkallohem. Ç’pati, u shkal? U shkal nga vapa.
3. pës. e SHKAL.
✱Sin.: shitohem, çmendem, shuplakem, shkallohem.

SHKALLOHEM

►SHKALL/ÓHEMI jovep., ~ÓVA (u), ~ÚAR 1. vetv. Prishem mendsh, jepem shumë pas diçkaje. Shkallohem pas saj. Po shkallohem nga vetmia. Më merr në telefon, para se të shkallohem.
2. pës., vet. v. III e SHKALLÓJ.
✱Sin.: çmendem, marrosem, marrohem, shpërmendem, prishem, përprishem, lajthitem, marrakotem, mëkeqem, çartem, shkalem, ndërkrehem, këmbehem, trenohem, tërbohem, lënurem.

ÇMENDEM

►ÇMÉND/EM jovep., ~A (u), ~UR 1. vetv. Humbas aftësinë për të menduar në mënyrë normale, sëmurem nga mendja, më del vetja jashtë kontrollit; shkalloj, marrosem. U çmend nga hidhërimi (nga vuajtjet). Po çmendet nga dhimbja. - Mos u çmende? I dha lëng lakrash që t’i shtohej etja e të çmendej fare.
2. vetv. Sillem si i marrë, tërbohem, marrosem. Po çmendej nga inati. Ishte çmendur nga urrejtja. I pa që heshtnin e u çmend.
3. vetv., fig. Ndiej një gëzim ose një kënaqësi të jashtëzakonshme. Po çmendej nga gëzimi. U çmend kur e pa. Turma e çmend me golin e tretë.
4. vetv., fig. E dua dhe më pëlqen jashtë mase dikush a diçka, jam tepër i dhënë pas dikujt a diçkaje. Është çmendur pas saj. Çmendet pas muzikës (pas futbollit). Tani në maj çmenden nga dashuria. Të gjithë do të çmendemi prej saj.
5. pës. e ÇMEND.
✱Sin.: shkalloj, marrosem, lajthitem, tërbohem, mahnitem, çakërdisem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë