Fjalori

Rezultate në përkufizime për “lajthim”

Mëso si ta përdorësh
<<< Kthehu te kërkimi kryesor në fjalor

LAJTHIM

LAJTHÍM,~III m. sh. ~E, ~ET drejt. 1. Vlerësim i gabuar nga personi i rrethanave subjektive ose i elementeve objektive të veprës penale; përfytyrim i gabuar që i bën autori i veprës penale sjelljes së tij, pasojave dhe fakteve të lidhura me kryerjen e veprës penale pamje. Juria e mori në shqyrtim lajthimin e autorit të ngjarjes.
2. Pjesë e parë e emërtimeve të pathjeshta për disa lloje lajthimesh. Lajthim fakti gabim në të drejtën penale, përfytyrim i gabuar i personit për fakte që lidhen me tiparet e jashtme të figurës së veprës penale, me elementet kryesore ose dytësore të anës objektive të saj. Lajthim juridik gabim juridik, përfytyrim i gabuar në lidhje me ekzistimin dhe përmbajtjen e normës juridike. Lajthim mbi identitetin e personit (drejt.) gabim mbi personin ose identitetin që ndodh në rastet kur një person mendon se është duke lidhur një marrëdhënie juridike me një person të caktuar, ndërkaq ai është një person tjetër. Lajthim në lidhjen shkakësore përfytyrim i gabuar i personit mbi procesin e zhvillimit të veprimeve ose të mosveprimeve dhe pasojave të ardhura prej tyre. Lajthim objektiv përfytyrim i gabuar i personit lidhur me marrëdhënien juridiko-penale që cenon veprimi ose mosveprimi i tij. Lajthim real pasqyrë e gabuar për ndonjë rrethanë faktike që është relevante për një veprim të caktuar juridik.

LAJTHITJE

LAJTHÍTJ/E,~A f. sh. ~E, ~ET 1. Veprimi kur lajthit dikë ose kur lajthitem. I ndodhi diçka gjatë lajthitjes.
2. Gjendja kur lajthit dikë ose kur lajthitem. Ra në lajthitje.
3. Gabim pa dashje, gabim i vogël; ngatërrim pa dashje. Lajthitje e rastit. Na shpëtoi një lajthitje. Ishte një lajthitje e vogël.
✱Sin.: lajthim, gabim, ngatërrim, çmendje, shkallim, marrosje, çmenduri, hutim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë