Fjalori

Rezultate në përkufizime për “lagësirë”

Mëso si ta përdorësh
<<< Kthehu te kërkimi kryesor në fjalor

LAGËSHTI

LAGËSHTÍ,~A f. 1. Të qenët i lagësht, vetia e diçkaje të lagësht; ajo që e bën diçka të lagësht. Lagështia e ajrit.
2. hidrol. Pjesë e parë e emërtimeve të pathjeshta për disa lloje të lagështisë. Lagështi absolute sasi e avujve të ujit e shprehur në gram, që ndodhet në një metër kub ajër, e cila është më e madhe në ajrin mbi basenet ujore dhe në periudhën e motit të ngrohtë. Lagështi atmosferike përmbajtje në përqindje relative e avujve të ujit në atmosferë. Lagështi e tokës shkallë e përmbajtjes së ujit në tokë që shprehet nga raporti në përqindje i peshës ose i vëllimit të ujit në tokë me peshën ose me vëllimin e tokës së thatë. Lagështi relative raport në përqindje ndërmjet sasisë së avullit që ndodhet në një metër kub ajër dhe e sasisë së avullit të ngopur në po këtë vëllim ajri në temperaturën e dhënë, e cila shpreh shkallën e thatësirës ose të ngopjes së ajrit me avuj uji, që merr vlera nga zero për qind (thatësirë e plotë) deri në njëqind për qind (kur ajri është krejt i ngopur me avuj uji). Lagështirë e drurit përmbajtje e sasisë së ujit në dru. Lagështi e ajrit sasi e lagështisë që gjendet në një zonë të caktuar të ajrit, e cila mund të jetë absolute ose relative.
3. Kohë a mot me reshje. Bën lagështi.
4. Lagështirë. Lagështi e madhe. Lagështia e tokës. Erë me lagështi. Vit me shumë lagështi. Kërkon lagështi (një bimë).
✱Sin.: lagësirë, vlagë, lëng, të lagët, vesë.

LAGËSHTIRË

LAGËSHTÍR/Ë,~A f. 1. Ujë ose avull uji, që është thithur nga toka, nga ajri e nga sende të tjera. Lagështirë e madhe (e tepërt). Lagështira e tokës (e rërës). Lagështira e ajrit. Mjedis me lagështirë. Ka marrë lagështirë diçka. I ka hyrë lagështira. I hoqi lagështirën. U dëmtua nga lagështira.
2. Lagështi. Ishte lagështirë.
3. Lagështim. Ka rënë lagështirë natën.
✱Sin.: lagësi, lagësirë, vlagë, lëng, të lagët, vesë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë