Fjalori

Rezultate në përkufizime për “labe”

Mëso si ta përdorësh
<<< Kthehu te kërkimi kryesor në fjalor

BORROHITJE

BORROHÍTJ/E,~A f. sh. ~E, ~ET 1. Veprimi kur borrohitem; e qarë pa lot, përqurrje.
2. art. Këngë njëzërëshe labe.

DUKATAS

DUKÁTAS,~I m. sh. ~, ~IT Banor vendës nga Dukati ose ai që e ka prejardhjen nga Dukati. Dukatasit dhe polifonia labe.

GJALMËZEZË

GJALMËZÉZ/Ë,~A f. sh. ~A, ~AT 1. Labe që lidhte opingat pas këmbëve me gjalmë të zi. Gjalmëzezat e Labërisë.
2. fig. Grua trime që lufton krahas burrave; burrëreshë. Djemtë e gjalmëzezave.
✱Sin.: trime, trimëreshë, e paepur.

ISO

ÍSO,~JA f. 1. Zë i njëtrajtshëm, që zgjatet pa u ndryshuar dhe që shoqëron e mbështet zërat kryesorë në një këngë me shumë zëra a një melodi. Iso e fortë (e gjatë, e ngadalshme). Isoja labe (myzeqare). Isoja e burrave (e grave, e të rinjve). Këngë me iso. Iso, more djema, iso! Këndojmë (ia marrim) me iso. Mbaj (bëj) iso me zë (me fyell).
2. Tingëllimë e njëjtë dhe e zgjatur që lëshon diçka. Isoja e zileve (e këmborëve).
✱Sin.: kaba, tingëllimë.
♦ I mban ison (i bën iso) (dikujt) keq. e mbështet dhe e përkrah dikë për çdo gjë, ia pranon a ia miraton mendimet, fjalët etj. për t’i bërë qejfin, i shkon pas qejfit. i mban avazin. i shkon (i vete) pas avazit. njëri ia thotë e tjetri ia pret. i këndon aleluja.

ISOPOLIFONI

ISOPOLIFONÍ,~A f. 1. Këngë polifonike e përbërë nga zëri i marrësit, zëri i kthyesit, nga zëri i hedhësi dhe isoja.
2. Tërësia e këngëve polifonike. Isopolifonia labe (shqiptare). Ispolifonia si pjesë e kulturës botërore.

LAB

LAB,~E mb. Që lidhet me Labërinë ose me labët, që është karakteristik për Labërinë ose për labët; i Labërisë ose i labëve, që është krijuar nga labët. Bari lab. Grua labe. Bukuroshja labe! Vajza labe. Trimëria labe. Këngë (valle) labe. E folmja labe. Veshja labe. Krahina labe.

LABE

LÁB/E,~JA f. sh. ~E, ~ET Banore vendëse nga Labëria ose ajo që e ka prejardhjen nga Labëria. - Labe, motra jonë! - Labe, moj trimëreshë! Labe e vyeshme. Erdhën labet.
✱Sin.: arbëreshë, labëreshë.

LABËRESHË

LABËRÉSH/Ë,~A f. sh. ~A, ~AT Banore nga Labëria ose ajo që e ka prejardhjen nga Labëria, labe. Labëreshë e zonja. Labëresha e hodhi një shikim. Labëreshat u dalluan nga të gjitha shoqet.

LABËRORE

LABËRÓR/E,~JA f. sh. ~E, ~ET 1. Banore vendëse nga Labëria ose ajo që e ka prejardhjen nga Labëria. Ecja e labërores.
2. fig. Ajo që flet, vepron ose këndon si labe. Labërorja nisi të këndonte.

SHOQËROJ

SHOQËR/ÓJ vep., ~ÓVA, ~ÚAR kal. 1. Shkoj me një njeri deri në një vend, e përcjell deri në vendin ku duhet të shkojë për t'i bërë shoqëri, për t'i treguar rrugën, për ta nderuar a për ta ndihmuar të kryejë punën e tij, për ta mbrojtur etj.; përcjell dikë a diçka për ta ruajtur. Po të shoqëroj! Shoqëroj nënën (motrën) deri në stacion. E shoqëroi deri te pragu i shtëpisë. Shoqëroj një ekspozitë. E shoqëronin disa policë. Bombarduesit i shoqëronin katër gjuajtës.
2. Ndjek, përcjell. E shoqëroj me sy.
3. Bëj diçka në të njëjtën kohë me diçka tjetër a fill pas asaj; pasoj, ndjek pas; bëj të njëjtën gjë si një tjetër; vet. v. III ndodh në të njëjtën kohë me diçka tjetër a fill pas asaj. I shoqëron fjalët me gjeste. Shoqëroj farën me pleh. Shoqëroj mësimin me diapozitiva. Kryengritjen e shoqëroi një varg kryengritjesh të tjera. Shoqëroj fjalët me vepra. Kënga labe na shoqëroi gjatë gjithë rrugës. Shoqëroj me artileri. usht. mbështet këmbësorinë dhe tanket me zjarrin e artilerisë.
4. bujq. Mbjell në po atë tokë një bimë bashkë me një tjetër për të marrë dy prodhime. Shoqëroj misrin me fasule. Kulturat që shoqërojnë ullirin hardhia dhe agrumet.
5. muz. Këndoj ose luaj në një vegël muzikore në harmoni me dikë që këndon ose luan në një vegël tjetër të njëjtën këngë a pjesë. Shoqëroj me kitarë. I shoqëroi në piano pianistja e re. Shoqëron kompleksi i vajzave (orkestra).
✱Sin.: shkoj, ndjek, përcjell, pasoj, këndoj, luaj, shkoj, vete.

TRIMËRESHË

TRIMËRÉSH/Ë,~A f. sh. ~A, ~AT Ajo që është guximtare dhe e patrembur në luftë ose përpara çdo rreziku a vështirësie, ajo që nuk ka frikë e nuk thyhet para asgjëje; ajo që nuk di ç’është frika, që nuk i trembet syri; burrneshë, sokoleshë. Trimëreshë e rrallë. Trimëresha e vogël. Trimëreshat e Kosovës. Trimëreshat labe. Ra si trimëreshë.
✱Sin.: trime, burrëreshë, burrneshë, luaneshë, sokoleshë, guximtare, e guximshme, shqipe, shqiponjë, kreshnike, luftëtare.

VESHJE

VÉSHJ/E,~AI f. sh. ~E, ~ET 1. Veprimi kur vesh a vishem. Veshja e rrobave. Veshja e kostumeve popullore. Veshja me gurë (me pllaka, me dru). Reparti i veshjes së telave.
2. Tërësia e petkave të qepura, me të cilat mbulojmë trupin, rrobat që përdorim për t'u veshur; tërësia e rrobave që veshim mbi të linjtat; secila prej këtyre rrobave. Veshje e lehtë (e rëndë). Veshjet e brendshme (e jashtme). Veshje e sipërme (e poshtme). Veshje dimërore (verore). Veshje popullore. Veshje dibrane (kolonjare, kosovare, labe, matjane, mirditore, myzeqare, shkodrane). Veshje grash (burrash). Ndërroi veshjen.
3. tek. Shtresa e sipërme prej druri, prej guri, prej metali a prej një lënde tjetër, me të cilën veshim orenditë, muret etj. Veshje zjarrduruese. Veshje prej guri (prej kalldrëmi) e kanalit. Veshje plumbi (alumini). Veshje gome (betoni). Veshje me pllaka (me mermer).
✱Sin.: rrobë, petk, teshë, plaçkë, sarkë, rasë, mbështjellje, mbulim, farkim, ngjyrim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë