Fjalori

Rezultate në përkufizime për “lëngësohet”

Mëso si ta përdorësh
<<< Kthehu te kërkimi kryesor në fjalor

LËNGËSHTOHEM

►LËNGËSHT/ÓHEM jovep., ~ÓVA (u), ~ÚAR 1. vetv. Më lëshon goja lëng. Vetëm nga përmendja e supës së saj të preferuar, ai filloi të lëngështohej.
2. vetv., vet. v. III 1. Lëngëzohet. Lëngështohet plumbi (kallaji). Lëngështohet gazi.
3. vetv., vet. v. III Mbushet gjithë lëng, i hipën ujthi (për drurët); mbushet me lëng, ujësohet (për pemët etj.). Lëngështohen drurët (pemët). Lëngështohen dardhat (trangujt).
4. pës., vet. v. III e LËNGËSHTOJ.
✱Sin.: lëngësohet, lëngëzohet, lagështohet, ujësohet.

LËNGËSIM

LËNGËSÍM,~I m. Veprimi kur lëngëson a lëngësohet diçka; kthimi i diçkaje në gjendje të lëngshme. Lëngësimi i pemëve (i drurëve).

LËNGËSOHET

►LËNGËS/ÓHET jovep., ~ÚA (u), ~ÚAR vet. v. III 1. vetv. Lëngëzohet. Lëngësohet bora (gjalpi, mjalti). I lëngësohet goja.
2. vetv. Zbutet dhe bëhet i qullët, squllet. U lëngësua brumi (pilafi).
3. vetv. Lëngështohet2. Lëngësohen pemët (drurët). Lëngësohen në pranverë.
4. pës. e LËNGËSOJ.
✱Sin.: lëngëzohet, tretet, zbutet, squllet, lëngështohet, ujësohet.

LËNGËZOHET

►LËNGËZ/ÓHET jovep., ~ÚA (u), ~ÚAR 1. vetv.,vet. v. III Kthehet në gjendje të lëngët, bëhet i lëngshëm (për diçka të ngurtë a të gaztë).
2. vetv.,vet. v. III Lëngështohet3. Lëngëzohet molla.
3. vetv.,vet. v. III Thith lagështirë, bëhet i lagësht (për dheun). Lëngëzohet toka (dheu).
4. vetv.,vet. v. III Nxjerr bula të vogla uji, kullon nga pak, qan (për një mur, një shpellë etj.).
5. vetv. Më lëshon lëng (për gojën). Lëngëzohej macja.
6. pës., vet. v. III e LËNGËZOJ.
✱Sin.: tretet, lënget, lëngësohet, lëngështohet, ujësohet, lagështohet, njomet, bulëzohet,

SQULLEM

►SQÚLL/EM jovep., ~A (u), ~UR 1. vetv. Lagem shumë. U squll më shumë se duhet brumi që kishin zënë. Ishin squllur thasët e miellit që kishin lënë jashtë.
2. vet. v. III Bëhet si qull. Ushqimi ishte squllur, askush nuk e futi në gojë. Makaronat u squllën e u ngjitën njëra me tjetrën.
3. Bëhem i plogët; plogështohem. U squll nga sëmundja. Ishte squllur e plogështuar nga mosha.
4. pës. e SQULL. U squllën zarzavatet që kishin harruar pa mbledhur në kopsht.
✱Sin.: zbruhet, qullohet, qulloset, qulltohet, tejpiqet, ajkoset, baltet, kalbet, brumëzohet, zbutet, ndulket, brydhet, dyllëçitet, mbrydhet, lëngësohet, mbretet, ficet, jargoset, jargëzohet, flashkem, këlbazem.

UJËSOHET

►UJËS/ÓHET jovep., ~ÚA (u), ~ÚAR vet. v. III 1. vetv. Kthehet në gjendje të lëngshme; bëhet i lëngshëm (për diçka të ngurtë a të gaztë). Ujësohet gazi. Ujësohet plumbi.
2. vetv. Mbushet me lëng, bëhet e lëngshme (për pemë e perime); lëngështohet. Ujësohet rrushi (pjepri).
3. vetv. Mbushet me ujë, që vjen nga diku, që buron a që kullon. Ujësohet miniera (vendburimi).
4. pës. e UJËSÓJ.
✱Sin.: lëngëzohet, lëngësohet, lëngështohet, lëngon, bulon, bulëzon, kullon.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë