Fjalori

Rezultate në përkufizime për “lëmim”

Mëso si ta përdorësh
<<< Kthehu te kërkimi kryesor në fjalor

ANTIKORROZIV

ANTIKORROZÍV,~I m. sh. ~Ë, ~ËT tek. 1. Lëndë kundër korrozionit. Prodhuesi i antikorrozivëve.
2. Mjet për të pastruar korrozionin në një sipërfaqe metalike. Lëmim i sipërfaqeve me antikorrozivë.

AXHUSTIM

AXHUSTÍM,~I m. sh. ~E, ~ET Rregullim, lëmim, përshtatje, përmirësim, saktësim ose kalibrimi i një pajisjeje, një sistemi, një mekanizmi ose një vegle për të arritur funksionimin e duhur ose për të përmbushur një standard të caktuar. Procesi i axhustimit. Kësaj pajisjeje duhet t’i bëhet një axhustim.

FËRRIM

FËRRÍM,~I m. sh. ~E, ~ET 1. Veprimi kur fërrojmë diçka të fortë, gërryerja e lehtë e diçkaje të fortë; kruarje e dhëmbëve për t’u mbushur; lëmim. U mor me fërrimin e metaleve.
2. Bluarje e trashë; thërrmim. E çuan misrin për fërrim.
✱Sin.: gërryerje, lëmim, bluarje, thërrmim.

HONINGIM

HONINGÍM,~I m. sh. ~E, ~ET tek. Mprehje, lëmim që përmirëson saktësinë sipërfaqësore të një objekti (zakonisht për cilindrat, vrimat dhe për sipërfaqet e tjera të brendshme ose të jashtme) që kërkojnë saktësi të lartë.
✱Sin.: mprehje, hollim, kalitje.

LATIM

LATÍM,~I m. sh. ~E, ~ET Veprimi për të gdhendur një dru, një gur, për ta bërë me faqe të lëmuara. Latimi i drurëve (i trupave). Latimi i gurëve. Arti i latimit.
✱Sin.: lëmim, zdrugim, zdrukthim, gdhendje, skalitje.

LËMIM

LËMÍM,~I m. sh. ~E, ~ET Veprimi kur lëmoj diçka ose kur lëmohet. Lëmimi i drurit. Lëmimi i pllakave. Lëmimi i sipërfaqes së diçkaje. Lëmim me dorë (me sëpatë).
✱Sin.: sheshim, zbukurim.

LËPIRJE

LËPÍRJ/E,~A f. sh. ~E, ~ET 1. Veprimi kur lëpij diçka. Lëpirja e plagës nga kafsha.
2. Përulje e tepruar për interes; lajkatim.
✱Sin.: lëmim, krehje, shtrim, pispillosje, mohim.

POLIRIM

POLIRÍM,~I m. sh. ~E, ~ET tek. 1. Veprimi kur poliroj ose kur polirohet një detal.
2. Lëmim.

PËRKËDHELJE

PËRKËDHÉLJ/E,~A f. sh. ~E, ~ET 1. Veprimi kur përkëdhel ose kur përkëdhelem. Përkëdhelja e fëmijës.
2. Përkëdheli, dhele; llastim. I rritur pa përkëdhelje të tepërta.
✱Sin.: ledhatim, llastim, lëmim, miklim, lajkatim, lazdrim, fërkim, përgëzim, lurtim, zbunim, çkalitje, nanurisje, përkëdheli.

PËRLËMIM

PËRLËMÍM,~I m. sh. ~E, ~ET 1. Veprimi kur përlëmoj ose kur përlëmohet diçka.
2. Lëmim i kujdesshëm. Përlëmimi i kornizave të ikonave.
✱Sin.: lëmim, përlëpirje, latim.

PËRLËPIRJE

PËRLËPÍRJ/E,~A f. sh. ~E, ~ET Veprimi kur përlëpij ose kur përlëpihem. Përlëpirje e dërrasave. Përlëpirja e flokëve.
✱Sin.: gdhendje, latim, lëmim, lëpirje.

RASHINIM

RASHINÍM,~I m., tek. 1. Kruarje a lëmim me rashinë i drurit, dërrasave etj. Rashinim i parketit.
2. Lëmim a pastrim i çfarëdo sipërfaqeje të ashpër. Rashinim i asfaltit.

SFAQIM

SFAQÍM,~I m., tek. Veprimi kur sfaqoj a sfaqohet; lëmim. Sfaqimi duhet bërë me kujdes se mund të dëmtohet punimi. Ka mësuar të bëjë sfaqimin.

SHESHIM

SHESHÍM,~I m. sh. ~E, ~ET 1. Shtrirje e rrafshët e një sipërfaqe toke, rrafshim. Sheshimi i dheut. Sheshimi i sipërfaqes së tokës. Sheshimi i trasesë.
2. Ulje deri në nivelin e tokës, shembje, rrëzim, shkatërrim. Sheshimi i stoqeve të inerteve. Sheshimi i kodrës së mbeturinave.
3. fig. Zbutje a zgjidhje e mosmarrëveshjeve, bërje e paqes me dikë. Sheshimi i grindjeve. Me sheshimin e konfliktit, dolën sërish së bashku. Sheshimi i gjakrave. Sheshimi i mosmarrëveshjeve.
4. edhe fig. Rregullimi a vënia e gjërave në rend. Sheshimi i dallimeve. Sheshimi i deficitit. (fin.) Sheshimi i kurbës së epidemisë. (mjek.)
✱Sin.: rrafshim, rrapshim, krahishtim, planim, lëmim, rëzim, barazim, rregullim, pajtim, ujdi, njësim, rrumbullakosje.

SMERILIM

SMERILÍM,~I m. sh. ~E, ~ET tek. Pastrim a lëmim me smeril; mprehje me smeril. Smerilimi i pllakave. Makina e smerilimit. I bëri smerilimin.
✱Sin.: mprehje, grihje.

ZBUKURIM

ZBUKURÍM,~I m. sh. ~E, ~ET 1. Veprimi kur zbukuroj dikë a diçka; stolisje; kund. shëmtim. Zbukurimi i vajzave (i nuseve) Zbukurimi i parqeve (i shesheve etj.). Zbukurimi i qytetit (i dhomës). Shërben për zbukurim. Objekt zbukurimi. Zbukurimi me fije ari. Zbukurimi me lule.
2. fig. edhe keq. Përpunimi dhe pasurimi, latimi e stërhollimi i diçkaje për ta bërë më tërheqës, më të gjallë e më shprehës (për stilin, gjuhën etj.); idealizim. Zbukurimi i gjuhës (i stilit). Ia përshkroi gjendjen aq mirë, me një zbukurim prej ustai. Zbukurimi i realitetit. Zbukurimi i gjendjes. Zbukurim i tepruar.
3. kryes. sh. Lule, gdhendje, vizatime etj., që bëhen a vihen për të zbukuruar dikë a diçka; stoli, qëndismë. Zbukurime të çmueshme (të shumta). Zbukurime grash. Zbukurime në qelq. Drurë (lule, bimë) zbukurimi. Letra zbukurimi. Rroba me zbukurime. Figura qendrore rrethohet me zbukurime në një ansambël vizatimor.
✱Sin.: stolisje, lulëzim, hijeshim, ndreqje, nisje, rregullim, pispillosje, ujdisje, ormisje, lëmim, latim, lustrim, stërhollim, qëndisje, bojatisje, idealizim, stoli, dekor.

ZDRUKTHIM

ZDRUKTHÍM,~I m. sh. ~E, ~ET Veprimi kur zdrukthoj diçka; rrafshim, pastrim, lëmim me zdrukth. Zdrukthimi i dërrasave. Zdrukthimi i parë. Zdrukthimi i drurit (i parketit). Makinë për zdrukthim.
✱Sin.: zdrugim, lëmim, rrafshim, planim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë