Fjalori

Rezultate në përkufizime për “kushinetë”

Mëso si ta përdorësh
<<< Kthehu te kërkimi kryesor në fjalor

BILË

BÍL/Ë,~A f. sh. ~A, ~AT 1. Sferë fildishi ose prej lënde sintetike që përdoret në lojën e bilardos; gur. Bilat e bilardos. Bila e bardhë. Fut bilën në gropë.
2. spec. Sferë e vogël prej metali a prej lënde tjetër të fortë, e rrumbullakët dhe e lëmuar si rruazë, që hyn në punë për diçka së bashku me të tjerat; gogël. Bilat e numëratores. Kushinetë me bila. Luajnë me bila.

SAÇMË

SÁÇM/Ë,~A f. sh. ~A, ~AT 1. kryes. sh. Rruzuj të vegjël prej plumbi, me të cilët mbushen fishekët e gjahut. Saçma të vogla (të mëdha). Saçme dhe fishekzjarre me fuqi të lartë shpërthyese. Saçma gjahu. Saçma për pushkë ajri. Mbush me saçma. Qëlloi me saçma. Çifte e mbushur me saçma.
2. tek. Rruzull i vogël e shumë i lëmuar prej metali, që vihet së bashku me të tjerë për të lehtësuar rrotullimin e një boshti, të një rrethi etj. Saçmat e boshtit të rrotës së biçikletës. Kushinetë me saçma.
3. kryes. sh. Plumbçat e vegjël që vihen në fund të rrjetës së peshkimit për ta rënduar. Rrjetë me saçma. I rregulloi saçmat e rrjetës.

SFERË

SFÉR/Ë,~A f. sh. ~A, ~AT 1. mat. Trup i rrumbullakët, që i ka të gjitha pikat e sipërfaqes të baraslarguara nga qendra e vet, rruzull. Vëllimi i sferës. Llogaritni sipërfaqen e sferës. Objekt në trajtë sfere.
2. Send që ka trajtën e një rruzulli. Kishte një sferë qelqi. I duhej një kushinetë me sfera.
3. fig. Fusha brenda kufijve të së cilës zhvillohet një veprimtari ose ku përhapet një dukuri; lëmë. Kjo ishte sfera e tij e veprimit. Në të gjitha sferat e jetës. Kishte shumë sferë ndikimi.
4. kryes. sh. Shtresë ose grup njerëzish që i përkasin të njëjtit mjedis shoqëror ose profesional; qarqe. Sferat e larta. Zhvillimet e fundit të sferës politike. Diskutohej në sferat diplomatike.
✱Sin.: fushë, degë, mjedis, rreth.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë