Fjalori

Rezultate në përkufizime për “kurorëzim”

Mëso si ta përdorësh
<<< Kthehu te kërkimi kryesor në fjalor

KURORË

KURÓR/Ë,~A f. sh. ~A, ~AT 1. Rreth i thurur me gjethe të njoma dhe me lule, që e bëjnë fëmijët për ta vënë mbi kokë në pranverë, në raste festash etj. Kurorë me gjethe dafine. Bëjmë kurora çdo pranverë (për Ditën e Shëngjergjit).
2. Rreth i tillë, por pak më i madh, i thurur me një shirit a kordele, që vendoset mbi varrin e dikujt për të nderuar kujtimin e tij. Kurorë mbi varrin e poetit. Vendos një kurorë përkujtimore.
3. Rreth i tillë i stolisur me ar dhe me gur të çmuar që mban në kokë mbreti a mbretëresha si shenjë pushteti; ceremonia e kurorëzimit të dikujt si mbret a mbretëreshë. Kurorë mbretërore. U zhvillua kurora e mbretëreshës. Mbreti i ri vuri kurorën u shpall mbret.
4. etnogr. Rreth i tillë i zbukuruar, që mban nusja kur kurorëzohet, si simbol i lidhjes dhe i besnikërisë martesore. Kurora e nuses në dasmë.
5. Ceremonia zyrtare e martesës së një çifti; të qenët i martuar a i kurorëzuar; martesë; kurorëzimi në martesë. Vë kurorë martohem. Mbroj (ruaj, respektoj) kurorën. Tradhtoj (shkel) kurorën tradhtoj premtimin e lidhjes bashkëshortore. Familje me dy kurora në një shtëpi familje me dy çifte martesore që jetojnë bashkë në një shtëpi.
6. Kokorreth që vihet mbi kokë për të mbajtur shtamba, tepsi etj.
7. bot. Tërësia e degëve të një druri bashkë me gjethet e lulet, pa trungun. Kurora e degëzuar e ullirit (e kumbullës). Dru (pemë) me kurorë të gjerë. Kurora e lules lulesa.
8. astr. Brerore, aureolë. Kurora e Hënës. Kurorë diellore shtresa e jashtme dhe e rralluar e atmosferës diellore.
✱Sin.: martesë, kurorëzim, kokorreth, lulesë, gjethnajë, brerore, aureolë.
♦ Kurorë dafinash libr. shenjë lavdie, vlerësim i lartë për fitimtarin a për njeriun e shquar. Kurorë me gjemba libr. simbol i vuajtjes dhe i mundimit. Shkeli kurorën (dikush) e tradhtoi gruaja burrin a burri gruan, nuk i qëndroi besnik a besnike martesës (për bashkëshortët). Vuri kurorë (dikush). 1. U martua me dikë (zakonisht me ceremoni fetare). 2. keq. U lidh ngushtë me dikë, nuk ndahet prej tij e bën si ai. 3. Fitoi lavdi; arriti një fitore të madhe. S’kam vënë (s’kam lidhur) kurorë (me dikë) tall. nuk kam ndonjë lidhje të afërt a të ngushtë me dikë, s’jam i lidhur aq sa të bëj si do ai; nuk kam ndonjë detyrim të veçantë ndaj dikujt, nuk i kam premtuar gjë, nuk i kam dhënë besën; s’kam bërë krushqi (me dikë).

NDRIKULL

NDRÍKULL,~A f. sh. ~A, ~AT vjet. 1. E shoqja e kumbarës; nunë.
2. vjet. Gruaja që merr pjesë si dëshmitare në një kurorëzim. Ndrikulla e ceremonisë në gjendjen civile.
3. Nëna e fëmijës, të cilit i priten flokët, kundrejt kumbarës.
4. krahin. Gruaja që kujdeset për nusen ditën e dasmës.
5. mospërf. Grua llafazane, zakonisht në moshë të thyer, që merret me thashetheme. Ishte një ndrikull e vërtetë.
6. keq. Ai që merret me punë jo të pastra, në kundërshtim me ligjin. Ndrikulla e korrupsionit (e mafies). Aleanca e ndrikullave. Zonja ndrikull.
✱Sin.: nunë, dëshmitare, llafazane, kujdestare.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë