Fjalori

Rezultate në përkufizime për “kuriozitet”

Mëso si ta përdorësh
<<< Kthehu te kërkimi kryesor në fjalor

KURESHTI

KURESHTÍ,~A f. sh. ~, ~TË 1. Të qenët kureshtar; kërshëri.
2. Kureshtje.
3. mospërf. Kureshtje e tepruar.
✱Sin.: kërshëri, kureshtje, kuriozitet.

KURESHTIM

KURESHTÍM,~I m. sh. ~E, ~ET libr. 1. Veprimi kur bëhemi shumë kuriozë. Kureshtimi i fëmijëve. 2. Kureshtje, kuriozitet.

KURESHTJE

KURÉSHTJ/E,~A f. sh. ~E, ~ET 1. Dëshirë e madhe e dikujt për të parë, për të dëgjuar a për të mësuar etj; të qenët kureshtar; kuriozitet. Kureshtje e madhe. Iu zgjua kureshtja.
2. mospërf. Dëshirë e tepruar e dikujt për të mësuar a për të ditur gjëra të parëndësishme, që as nuk i përkasin; kërshëri e madhe. S’e lënë rehat kureshtjet.
✱Sin.: kërshëri, kureshti, kuriozitet.

KËRSHËRI

KËRSHËRÍ,~A f. Kureshtje, kuriozitet. Kërshëri fëmijësh.

KËRSHËROJ

KËRSHËR/ÓJ vep., ~ÓVA, ~ÚAR libr. 1. jokal. Bëhem kureshtar për diçka; kureshtohem; e bëj për kureshtje ose e them si një kërshëri a kuriozitet.
2. kal. I jap ngjarjes ose rrëfimit një nuancë a ngjyrim kërshërie.

SAMURAJ

SAMURÁJ,~I m. sh. ~Ë, ~ËT hist. Oficer i ushtrisë japoneze; pjesëtar i kastës ushtarake të feudalëve japonezë. Shpata e samurajit. Kishte kuriozitet për samurajët. Pa një film me samurajë.

SKOBËL

SKÓB/ËL,~A f. sh. ~LA, ~LAT bised., tek. Sqepar për gdhendje, vegël metalike që shërben për të gërryer enët e drunjta. Po punonte ngadalë me skobël. Me skobël e gdhendi gotën e drunjtë. Fëmijët po shihnin me kuriozitet se si e përdorte mjeshtri skoblën për të gdhendur enët e drunjta.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë