Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
HARKÓR,~E mb. Që lidhet me harkun; që ka trajtën e një harku, që vjen i përkulur si hark, i lakuar. Dërrasë harkore. Vijë harkore (gjeom.). Kosë harkore kosë bari e ferrash. Vetull harkore. Gradë harkore (gjeom.) njësi e matjes së harkut, e barabartë me një të treqind e gjashtëdhjetën (1/360) pjesë të rrethit.
✱Sin.: i lakuar, i përkulur, i harktë, i harkuar, i kulartë, lakor, rrethor.
KULÁR,~I m. sh. ~Ë, ~ËT 1. Rreth i drunjtë a thupër e harkuar, që i vihet kaut a demit në qafë, kur mbrehet në zgjedhë për të ecur në një drejtim të caktuar; urëz, tevlik. Vë kaun (demin) në kular.
2. vjet. Thurimë e posaçme si një kafaz i hapur, ku rri fëmija më këmbë, para se të mësojë të ecë; rrethore. E mbante (e fuste) fëmijën në kular.
3. Rreth prej metali që u vihet në qafë disa kafshëve shtëpiake për t’i mbrojtur nga mbytja a shqyerja prej egërsirave. Kulari i qenit.
4. Diçka e ngjashme me këtë rreth të drunjtë. Kulari i rrotës së qerres vëngu. Kulari i urës qemeri i urës. Kulari i lahutës harku me të cilin i biem lahutës.
5. fig., mospërf. Nënshtrim a shfrytëzim i egër dhe me dhunë; zgjedhë. Pushtuesi vuri popullin në kular.
6. si mb. I harkuar; i kulartë. Shkop kular.
5. si ndajf., bised. Kutullaç. Gjarpri u mblodh kular.
✱Sin.: urëz, tevlik, rrethore, vëng, qemer, zgjedhë, i harkuar, i kulartë, kutullaç, kruspull.
♦ E fut ujkun në kular (dikush) është shumë i zoti e i shkathët, bën edhe të pamundurën; e mbath kalin pa gozhdë; e ndez zjarrin në ujë. I rri kular në qafë (dikujt) e ka mbërthyer keq dikë e nuk e lë të bëjë si do vetë, e urdhëron a e detyron të sillet e të veprojë sipas dëshirës së vet; i rri çekan mbi kokë. E shtiu kryet në kular (dikush) edhe moh., u nënshtrua, u bë rob i dikujt; i hyri në punë të rëndë; e futi qafën nën zgjedhë.
LAKÚARI (i, e) mb. 1. Që është kthyer a është përkulur si lak, i përkulur. Thupër (dërrasë) e lakuar. Gyp i lakuar. Trup i lakuar.
2. Që ka leqe e dredha, që është me lakore, që është dredha-dredha; që ka trajtën e një harku, i përkulur. Rrugë e lakuar. Bregdet i lakuar. Vijë e lakuar. Lëvizje e lakuar. fiz.
✱Sin.: i kthyer, kular, i kulartë, dredha-dredha, gjarpërues, i dredhur, i përthyer, i harkuar, harkor, i thyer, i zhdërvjellët, i përdredhur, i shtrembër, i shtrembëruar.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë