Fjalori

Rezultate në përkufizime për “kuku”

Mëso si ta përdorësh
<<< Kthehu te kërkimi kryesor në fjalor

AJME

ÁJME pasth. Tregon befasi, çudi, shqetësim, trazim, brengosje; kuku! - Ajme për mua, ç’më paska gjetur! - Ajme për ne, si u katandisëm!

HEJ

HÉJ pasth. 1. Përdoret si thirrje për të shprehur kënaqësi, habi, hidhërim, keqardhje a ndonjë ndjenjë tjetër. Hej, hej, o sa bukuri! Hej, ç'ditë e bukur! Hej, ç'të kënduar! Hej, more hej! Hej, sa punë paska këtu! Hej, kuku! Hej, medet! Hej, ç'bela! Hej, sa ngushtë! Hej, dreq!
2. Përdoret kur i drejtohemi dikujt për ta thirrur, për t'i tërhequr vëmendje, për ta nxitur etj., etj. Hej, ku shkon? Hej, ti atje! Hej, me ty flas! Hej, mos u vononi!

KUKU

KUKU 1. onomat. Përdoret për të imituar zërin vajtues të qyqes.
2. si pasth. Përdoret për të shprehur një ndjenjë të fortë vajtimi, dhembjeje, habie etj. Kuku, korba ajo! Kuku, ç'më gjeti!
♦ Kur të bëjë *thiu «kuku».

KUKU

KUKÚ,~JA f. Lojë fëmijësh ku njëri prej tyre caktohet të gjejë se ku janë fshehur të tjerët; loja kukafshehtas. Luajmë kuku.

THI

THI,~U m. sh. ~, ~TË 1. Derr. Thi i egër (i butë). Mish thiu.
2. fig. Njeri i fortë, i qëndrueshëm e i paepur, njeri që s'pyet për asgjë.
♦ Kur të bëjë thiu “kuku”! kurrë, asnjëherë; kur të hipë derri në fik; kur të pjellë mushka; kur t’i bëhet mjekra qoses shaka. *Çorbë thish (derrash, derri) përb. I ka hipur thiut në vrap (dikush) i ka hyrë një pune të pasigurt a të rrezikshme pa u menduar mirë; ka hipur në barkë pa vela. Ia qet *thinjat edhe thiut (dikush).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë