Fjalori

Rezultate në përkufizime për “kufje”

Mëso si ta përdorësh
<<< Kthehu te kërkimi kryesor në fjalor

AUSKULTIM

AUSKULTÍM,~I m. sh. ~E, ~ET mjek. Njëra nga metodat objektive (fizike) për përcaktimin e sëmundjes përmes dëgjimit të tingujve të brendshëm (zhurmë, tone), që krijohen në trup, si të zemrës, të organeve të frymëmarrjes, të enëve të mëdha të gjakut etj., përmes veshit ose me ndihmën e pajisjeve mjekësore (stetoskop, kufje etj.). Auskultim me stetoskop. Dëgjoj tingujt e brendshëm të trupit me auskultim. Mjekja i bëri auskultimin e rrahjeve të zemrës. Auskultimi i zbuloi pezmatimin bronkial.

KUFJE

KÚFJ/E,~A f. sh. ~E, ~ET 1. Aparat dëgjimi që mban dikush në vesh për të dëgjuar diçka të cilën nuk dëshirojmë ta dëgjojë tjetërkush etj. Dëgjoj muzikë me kufje. Vuri (përdori) kufjet.
2. Guall.
3. si mb. I zbrazët, që s’ka gjë brenda; bosh; kufkë. Arrë kufje arrë pa thelpinj.
✱Sin.: i zbrazët, bosh, kufkë.

KUFKË

KÚFK/Ë,~A f. sh. ~A, ~AT 1. Guaska e kërmillit, e breshkës etj.; guall. Kufkë kërmilli.
2. si mb. I zbrazët, bosh; kufje. Lajthi (arrë) kufkë.
3. edhe si mb., fig., mospërf. Njeri budalla, që s’ka mend në kokë; kokëbosh.
✱Sin.: guaskë, guall, kufje, bosh, budalla, trubosh, kokëkungull.

TELEFON

TELEFÓN,~I m. sh. ~A, ~AT Lloj i ndërlidhjes me tel a me valë që kryhet ndërmjet dy njerëzve, të cilët ndodhen larg njëri-tjetrit; aparat i posaçëm me numra dhe me mikrofon që shërben për të bashkëbiseduar. Telefon automatik. Numri i telefonit. Receptori i telefonit. Mikrofoni i telefonit. Numëratori i telefonave regjistër me numrat e telefonave të institucioneve, të bizneseve, të familjeve etj.; lista e pajtimtarëve. Tela (shtylla) telefoni. Kufje telefoni celular. Zilja e telefonit. Ra telefoni. I ra telefonit. bised. telefonoi, mori dikë në telefon. Marr (flas) në telefon. E lajmëroi (e njoftoi) me telefon. Nuk më doli në telefon. Telefon celular (lëvizës) telefon i vogël që mbahet kudo me vete kur komunikon dhe që punon me valë. Telefon fiks telefon që punon me linjë telefonike ose me fibër optike. Telefon i kuq linjë telefonike e veçantë enkas për shkëmbime informacionesh ushtarake, politike, midis krerëve të shteteve. Telefon inteligjent pajisje celulare që, përveç funksioneve të një telefoni të zakonshëm, kryen edhe funksionet e një kompjuteri të vogël, lejon lidhjen me internetin, fotografim, realizim videosh etj.; telefon shumëfunksionësh. Telefon i brendshëm aparat për komunikim telefonik brenda një ndërtese a një institucioni. Telefon i prishur lojë fëmijësh në grup, ku secili i thotë atij që vjen më pas në rresht një fjali në vesh dhe i fundit e thotë fjalinë me zë të lartë për të parë ndryshimet që ka pësuar fjalia.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë