Fjalori

Rezultate në përkufizime për “kryqazi”

Mëso si ta përdorësh
<<< Kthehu te kërkimi kryesor në fjalor

KALAKRYQ

KALAKRÝQ ndajf. Njëri mbi tjetrin në trajtë kryqi (për sende të holla e të gjata); kryq, kryqas. I vuri kalakryq.
✱Sin.: kryq, kryqas, kryqazi.

KRYQAZI

KRÝQAZI ndajf. Kryqas, kryqthi. Rrinin kryqazi.

KRYQE

KRÝQ/E,~JA f. sh. ~E, ~ET 1. Shami koke grash me tre cepa. Vuri (lidhi) kryqen.
2. Një çerek buke a kulaçi etj.
3. kryes. sh. Vithatore e përbërë nga disa rripa që lidhin kryqazi samarin me kërbishten e kuajve, të mushkave etj. Kryqet mbi vithet (pas samarit).
4. anat., kryes. sh. Kërbishtet.
5. Kryqëza e samarit të kafshëve.
✱Sin.: kërbishte, vithatore, kryqëz.
♦ Më ranë (m’u këputën) kryqet u lodha shumë në punë, punova tërë ditën e ditës sa u këputa; më ra bretku; m’u këput (më ra) kurrizi; më ra (m’u këput) kërbishtja; më ranë krahët. S’ka kryqe (*këllqe, kërçikë) (për diçka). S’ia kam kryqet. 1. (dikujt) Nuk matem dot me të, është më i fortë a më i zoti se unë. 2. (diçkaje) Nuk e bëj dot, nuk e përballoj. Ia ndreqi kryqet (dikujt) e solli në vete a e bindi duke e rrahur me dru; ia ndreqi kurrizin; ia ndreqi (ia tregoi) qejfin; ia ndreqi samarin. Sa për të zënë kryqet shumë pak, fare pak, një çikë; sa për të mbajtur shpirtin; sa për të mbajtur frymën.

KRYQTHI

KRÝQTHI ndajf. 1. Kryqas, kryq, kryqazi.
2. Tërthoras. E preu kryqthi.

KRYQËZOJ

KRYQËZ/ÓJ vep., ~ÓVA, ~ÚAR kal. 1. Vë a lidh kryqazi diçka. Kryqëzoj duart (këmbët) vë duart (këmbët) njërën mbi tjetrën.
2. edhe fig. Mbërthej dikë si Krishtin; e vras në mënyrë të pamëshirshme; i marr jetën. Kryqëzuan të pafajshmit.
3. biol. Bashkoj bimë ose kafshë të specieve të ndryshme për të nxjerrë një lloj të ri të hibridizuar; hibridizoj; shartoj. Kryqëzoi mollën me dardhën.
4. Këmbej kryqazi vështrime, fjalë etj. me dikë tjetër; gërshetoj. Kryqëzuam fjalë (vështrime).
✱Sin.: shartoj, hibridizoj.
♦ Kryqëzon (lidh) *duart (dikush).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë