Fjalori

Rezultate në përkufizime për “kryekëput”

Mëso si ta përdorësh
<<< Kthehu te kërkimi kryesor në fjalor

KREJT

KREJT ndajf. 1. Në mënyrë të plotë; tërësisht, krejtësisht. U laga krejt. U dogj krejt.
2. Në një shkallë të lartë cilësie. Krejt i ri. Krejt budalla.
3. si përem. pacakt., bised. Të gjithë, tërë, pa përjashtim. Krejt populli shqiptar. Krejt fshatarët (fshati).
4. si pj. Njësoj si dikush tjetër. Krejt i ati.
✱Sin.: krejtësisht, tërësisht, plotësisht, fare, kryekëput, katërçipërisht, tërë, të gjithë, njësoj, njëlloj.

KRYEKËPUT

KRYEKËPÚT ndajf. 1. Në mënyrë të plotë; krejtësisht; tërësisht. Ka ndryshuar kryekëput. Është dhënë kryekëput pas punës.
2. si pj. Fare; krejt. Është kryekëput e ndaluar.
✱Sin.: krejt, krejtësisht, tërësisht, fare.

RRËNJËSISHT

RRËNJËSÍSHT ndajf. Në mënyrë rrënjësore, me rrënjë; kryekëput, nga themeli. Qëndrime rrënjësisht të kundërta. Ndryshoi rrënjësisht. Përmirësohet rrënjësisht. E pastroi rrënjësisht.
✱Sin.: krejt, tërësisht.

TEKRAR

TEKRÁR ndajf., vjet. 1. Përsëri, prapë, sërish, për së dyti, edhe njëherë prej fillimit në fund, nga e para. Ishin mbledhur tekrar. E bëri tekrar.
2. si pj. Njësoj, tamam, krejt, kryekëput. Tekrar si i ati.

TËPKË

TË́PKË pj., bised. Krejt, njëlloj, kryekëput, tamam, tërë. Ishte tëpkë i ati. Tëpkë si e ëma.
✱Sin.: njëlloj, njësoj, kryekëput, bash, tamam, si, tërë, krejt, gjallë.

TËRËSISHT

TËRËSÍSHT ndajf. 1. Në mënyrë të plotë a tërësore, duke e marrë të gjithë, plotësisht, krejt, krejtësisht; pa asnjë përjashtim. Tërësisht dhe pjesërisht. Zhvillohet tërësisht. E trajtoi çështjen tërësisht. U shndërrua tërësisht. I plotësoi tërësisht detyrat. I miratuan tërësisht vendimet.
2. Kryekëput, me gjithçka, plotësisht, krejt, krejtësisht. Iu kushtua tërësisht punës. Është dhënë tërësisht pas studimeve (pas muzikës, pas pikturës). Përqendrohet tërësisht. Tërësisht të ndryshme. Pajisjet dolën tërësisht jashtë funksionit. Orendi (veshje) tërësisht jashtë mode.
✱Sin.: rrënjësisht, plotësisht, krejt, krejtësisht, kryekëput, gjithunji, fare, gjithë, gjithsej, tërë, tërësej, tejendanë, tejembanë, tejpërtej, katërçipërisht, katërçiptazi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë