Fjalori

Rezultate në përkufizime për “kremtoj”

Mëso si ta përdorësh
<<< Kthehu te kërkimi kryesor në fjalor

FESTOJ

FEST/ÓJ vep., ~VA, ~ÚAR kal. dhe jokal. Përkujtoj një ditë të shënuar, një ngjarje me rëndësi politike, shoqërore, kulturore etj.; bëj festë; kremtoj një festë. Festoi Vitin e Ri. Festoi ditëlindjen. Festuan fitoren. Kishin festuar deri vonë.
✱Sin.: kremtoj, celebroj.

INAUGUROJ

INAUGUR/ÓJ vep., ~ÓVA, ~ÚAR kal. Bëj një ceremoni zyrtare kur fillon të ndërtohet ose kur përfundon së ndërtuari një vepër industriale, një rrugë etj., kur fillon veprimtarinë një institucion etj.; kremtoj vënien në punë a në përdorim të diçkaje, festoj fillimin e saj; përuroj. Inauguruan uzinën (fabrikën, teatrin e ri).
✱Sin.: përuroj, kremtoj.

LUT

LUT (LUS) vep., ~A, ~UR 1. kal. I lutem dikujt. E luti që të qëndronte. E lutën të vinte. Mos e lut shumë!
2. edhe jokal. Dëshiroj shumë e uroj që dikujt t'i ndodhë diçka (edhe keq.). Lut me gjithë zemër. I luste jetë të gjatë (gjithë të mirat). I luste mortjen dikujt.
3. fet., kal. I falem a i drejtoj një lutje një hyjnie a një shenjti; kryej lutjet e një riti fetar; kremtoj një festë fetare. Lutnin festat fetare (Bajramin, Pashkët).
✱Sin.: dëshiroj, falem, kremtoj.

SHENJTËROJ

SHENJTËR/ÓJ vep., ~ÓVA, ~ÚAR 1. kal., fet. E bëj a e shpall zyrtarisht dikë si të shenjtë, e pranon si të tillë, e vendos në katalogun e shenjtorëve; hyjnizoj, bekoj. Ai kishte bërë aq vepra të mira, saqë njerëzit prisnin që ta shenjtëronin. Ishte koha për ta shenjtëruar. Besimi shenjtëron vuajtjen.
2. kal., fig. E ngre dikë a diçka në lartësinë e altarëve, e mbaj a e kremtoj si të shenjtë diçka. E shenjtëruan atë vend (atë njeri). Shenjtëronin ujin (verën). Shenjtëroni të dielën. Kisha e shenjtëroi atë libër.
3. kal., fig. I atribuoj karakteristika shumë të larta, e nderoj diçka a e bëj si të shenjtë, e mbaj si të paprekshme, të pacenueshme dhe të pandryshueshme; e shndërroj në ligj; përligj, sanksionoj. Ligji shenjtëron ndryshimet që kanë ndodhur tashmë. Virtyti e shenjtëron njeriun. E shenjtëruan atë fjalë. Përpjekje për të “shenjtëruar” korrupsionin.
4. jokal., bised. Rri më këmbë si i ngrirë dhe i heshtur. Shenjtëronte më këmbë.
✱Sin.: hyjnizoj, bekoj, lumturoj, dëlir, përligj, sanksionoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë