Fjalori

Rezultate në përkufizime për “kremtohet”

Mëso si ta përdorësh
<<< Kthehu te kërkimi kryesor në fjalor

ANALIPSI

ANALIPSÍ,~A f. 1. Ngjarje e shënuar e besimit të krishterë, që kremtohet dyzet ditë pas Pashkëve dhe që simbolizon ngjitjen e Krishtit në qiell, pas ringjalljes së tij. Besimtarët u mblodhën për meshën e analipsisë.
2. Festa e Ditës së Verës (14 mars). Kremtimi i analipsisë.

BANIR

BANÍR,~I m. sh. ~E, ~ET Dita e banirit (etnogr.) festë popullore që kremtohet në qershor kur fshatarët dalin në majë të një kodre dhe, në të lindur të diellit, ngrenë një shkop që ka në majë një xhufkë me gjethe të njoma, si shenjë e begatisë etj.; xhufkë, flamur.

FESTË

FÉST/Ë ~A f. sh. ~A, ~AT 1. Ditë e shënuar që kremtohet çdo vit për të përkujtuar një ngjarje të rëndësishme në jetën e një populli; ditë që dallohet nga të tjerat se lidhet me një ngjarje të caktuar e të gëzuar; ngjarje e gëzueshme për dikë. Festë kombëtare (ndërkombëtare). Festa e Pavarësisë (e Çlirimit). Urim për festat. Ditë feste. Festë fetare. Festë zyrtare festë e vendosur zyrtarisht nga shteti.
2. Festim. Lexoi programin e festës.
✱Sin.: festim, ceremoni, kremtim.

JEREMI

JEREMÍ,~JA f. Rit i motmotit që kremtohet ditën e tetë të Shëngjergjit, më 14 maj, kur nuk punohet në fushë pasi besohet se nëse punohet në këtë ditë, breshëri do t’i prishë të lashtat; më herët, nëse dikush punonte, të tjerët ia thyenin parmendën.

JUBILAR

JUBILÁR,~I m. sh. ~Ë, ~ËT Ai të cilit i kremtohet jubileu.

JUBILARE

JUBILÁR/E,~JA f. sh. ~E, ~ET Ajo të cilës i kremtohet jubileu.

NEVRUZ

NEVRÚZ,~I m., fet. Festë fetare e bektashinjve, që kremtohet në muajin mars (dt. 22 mars) dhe që lidhet me fillimin e pranverës. Festoj Nevruzin. Nevruzi është festë zyrtare.

RRËSHAJË

RRËSHÁJ/Ë,~AII f. sh. ~A, ~AT fet. Festë e krishterë që kremtohet pesëdhjetë ditë pas pashkëve. Festonin ditën e rrëshajave.

RUSICA

RUSÍCA,~T f. vet. sh., fet. 1. Festë e komunitetit fetar ortodoks që kremtohet zakonisht nga gratë dhe fëmijët njëzet e pesë ditë pas pashkëve. Dita e rusicave. Kënga e rusicave.
2. Kuleçët e vegjël, që përgatiten për këtë festë.

SHUMTË

SHÚMTË,~T (të) vet. sh., euf. 1. Ata që nuk jetojnë më, jetëndërruarit, të ndjerët. Ai ka shkuar te të shumtët. Mora rrugën për në qytetin e të shumtëve.
2. Pjesë e parë e disa emërtimeve të pathjeshta për ditë përkujtimesh për ata që kanë ndërruar jetë. Dita e të Shumtëve ose Dita e të Vdekurve, që kremtohet më 1 nëntor dhe njihet ndryshe edhe si Dita e Gjithë Shenjtorëve.
✱Sin.: jetëndërruar, të humbur, të ndjerë, yllshuar, të shkretë.
♦ Vajti me të shumtët (dikush) mospërf. vdiq, mbaroi, shkoi në atë jetë; shkoi për të bërë vorba (vegsha) iron.; e bëri sheshin breg iron.; i bëri këmbët baras iron.

SHËNGJERGJ

SHËNGJÉRGJ,~I m. 1. Festë që përkujton Shën Gjergjin dhe që për shkak të origjinës pagane ose nga tradita festohet prej katolikëve e myslimanëve me 6 maj, në Shqipërinë e Veriut, në Kosovë etj. Shëngjergji i Ri festë që kremtohet më 6 maj. Shëngjergji Plak festë që kremtohet më 23 prill. Kërcurin më të madh ruaje për Shëngjergj. (fj. u.) rezervën më të madhe ruaje për në fund.
2. sh. ~A, ~AT Vit; pranverë. Kishte mbushur dhjetë shëngjergja. Kishte 20 shëngjergja mbi shpinë.

VELIKDON

VELIKDÓN,~I m., fet. Festë e përvitshme e të krishterëve ortodoksë, që rikujton ringjalljen e Krishtit dhe që kremtohet në pranverë, pashkët.

ÇIRA

ÇÍRA,~T f., vet. sh. E kremte ndër myslimanë si natë e shenjtë, por edhe te katolikët që kremtohet në 2 shkurt. Sonte janë çirat. I thonë dhe Nata e Çirave. Festa e Zojës së Çirave.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë