Fjalori

Rezultate në përkufizime për “kremastar”

Mëso si ta përdorësh
<<< Kthehu te kërkimi kryesor në fjalor

KREMASTAR

KREMASTÁR,~I m. sh. ~Ë, ~ËT 1. Varëse rrobash prej plastike, prej druri etj. (për këmishë, kostume etj.). Vë (mbaj) rrobat në kremastar.
2. Vargor. Vë kusinë në kremastar.
✱Sin.: varëse, vargor.

VARGOR

VARGÓR,~I m. sh. ~Ë, ~ËT Zinxhir me hallka të trasha e të mëdha e me një çengel në fund, që varet në oxhak dhe që shërben për të mbajtur kusinë a gjymin mbi zjarr; vargua. Hallkat e vargorit. Vargori i oxhakut kishte hallka të trasha, E vari (vuri) kusinë në vargor.
✱Sin.: çengel, zinxhir, kremastar, kamastër, vëng.

VARËSE

VÁRËS/E,~JA f. sh. ~E, ~ET 1. Orendi e vogël prej druri a prej metali, e mbërthyer në mur, pas derës etj., që ka disa kunja a çengela, për të varur rrobat e sipërme; përdorëse prej druri ose prej lënde plastike, në trajtën e një trekëndëshi e me një grep sipër, që përdoret për të varur rroba në dollap etj. Varëse rrobash. E vuri në varëse. E hoqi nga varësja.
2. Varg a zinxhir, zakonisht prej ari ose prej argjendi, që e varin gratë në qafë për zbukurim. Varëse e artë.
✱Sin.: kremastar, zinxhir, lavjerrës, lavare, radhor, radhua.

VJERRC

VJERRC,~I m. sh. ~A, ~AT 1. Varëse petkash, kremastar. Petkat i rrinin në shtat lirueshëm, si të varura në vjerrc.
2. Këmba e deles prej gjurit e përpjetë; kofshë deleje.

VJERRËSE

VJÉRRËS/E,~JA f. sh. ~E, ~ET 1. Varëse rrobash, kremastar. I vari rrobat në vjerrëse. I lë rrobat aty-këtu nëpër shtëpi e nuk i var në vjerrëse.
✱Sin.: varëse, kremastar, çengel, vargor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë