Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
LÁÇK/Ë,~A f. sh. ~A, ~AT Rroba e sende të ndryshme shtëpiake zakonisht të vjetra e pa shumë vlerë; çdo gjë; të gjitha sendet, gjithçka. Erdhi (u nis, shkoi) me laçkë e me plaçkë.
✱Sin.: plaçkë, tesha, kotesha, sende.
♦ Me laçka e (me) plaçka me çdo gjë, me gjithçka; me lecka e (me) pecka; me tesha e kotesha; me lëng e (me) plëng; me shtëpi e bagëti.
RRÁQE,~T f. vet. sh. 1. Enët, orenditë dhe sendet e tjera të përdorimit të përditshëm në shtëpi, plaçkat e shtëpisë. Rraqet e shtëpisë. Do të bëjmë gati rraqet.
2. Gjëra të ndryshme të vjetra, vjetërsira, rrangulla. Nuk merreshin më me mbledhjen e rraqeve për t’i shitur.
✱Sin.: rraçka, plaçka, rrangullina, rranga, rraqe, rraqurina, partalle, rrapashtinga.
♦ Ngriti (mblodhi) rraqet (dikush) mospërf. shih ngriti (mblodhi) leckat (dikush) mospërf. Me rraqe e me pragje me njerëz e gjithë ç’ka në shtëpi; me çdo gjë, me gjithçka; me laçka e (me) plaçka; me lecka e (me) pecka; me tesha e kotesha; me lëng e (me) plëng; me shtëpi e bagëti.
TÉSH/Ë,~AII f. sh. ~A, ~AT 1. Petk, rrobë; veshje, ndërresa. Tesha të vjetra (të reja). Teshat e shtatit. Tesha pune. Varëse teshash. Lau (hekurosi, bëri gati) teshat. Bleu një palë tesha. Pret tesha. Bliju fëmijëve ndonjë teshë. Vish ndonjë teshë të trashë. Teshat e shtratit takëmi i shtratit, pajimet e tij (dysheku, çarçafët, jorgani, mbulesa, nënkresa). Gjithkush teshat i lan në shtëpinë e vet. (fj. u.).
2. vet. sh. Plaçka shtëpie, orendi. Ka shumë tesha. Bleu teshat e shtëpisë.
3. vet. sh., hist. Enë balte a sende të tjera që i viheshin të vdekurit të varr.
4. vet. nj. Diçka e vogël që të hyn në sy (qime, pluhur, rërë, lëmishte, etj.) I hyri një teshë në sy. Si tesha në sy i padëshiruar, si kripa në sy.
5. zool. Zog i vogël bletëngrënës në ngjyrë të hirtë e me kokë të verdhë e të zezë.
6. Rrotull që vihet në majë të boshtit për ta dredhur më lehtë, kur tjerrim fill me dorë. Vëri pak teshën boshtit.
✱Sin.: petk, rrobë, veshje, ndërresa, plaçka, orendi, qime, pluhur, rërë, lëmishte.
♦ Me tesha e kotesha shih me laçka e (me) plaçka.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë