Fjalori

Rezultate në përkufizime për “korpus”

Mëso si ta përdorësh
<<< Kthehu te kërkimi kryesor në fjalor

ETIKETIM

ETIKETÍM,~I m. sh. ~E, ~ET 1. Veprimi kur etiketoj një produkt. Etiketimi i pantallonave. Po merrem me etiketimin e shurupit.
2. fig. Cilësim subjektiv për dikë a diçka. Etiketime nga më të ndryshmet. Etiketime publike. Me frikën e etiketimit si bashkëpunëtor. Etiketimi i tyre në historiografinë shqiptare.
3. gjuh. Shënimi me një emërtim gramatikor i një fjale a i pjesëve të saj në një korpus tekstesh të digjitualizuara. Etiketimi gramatikor. Etiketimi i pjesëve të ligjëratës. Algoritmet e etiketimit. Sisteme etiketimi.

KORPARMATË

KORPARMÁT/Ë,~A f. sh. ~A, ~AT hist., usht. Njësia më e madhe ushtarake (në të kaluarën edhe në Shqipëri); truparmatë, korpus. Komandant (komisar) korparmate.
✱Sin.: truparmatë, korpus.

MBISHKRIMOR

MBISHKRIMÓR,~E mb. Që lidhet me mbishkrimin, që i përket mbishkrimit, i mbishkrimit ose i mbishkrimeve. Të dhëna mbishkrimore në disa qytete të Ilirisë. Korpus mbishkrimor. Tematika e dokumenteve mbishkrimore të zbuluara.

SHESTOHET

►SHEST/ÓHET jovep., ~ÚA (u), ~ÚAR pës. e SHESTÓJ. Shestohet në një korpus veprash. U shestua e ardhmja e tyre. U shestua dhe u tregua me prova. Dalja e veprës u shestua kohë më parë.
✱Sin.: ideohet, skicohet, vijëzohet, përvijohet, ravizohet, planifikohet, projektohet, sendërgjohet, synohet.

SHUMËVËLLIMËSH

SHUMËVËLLÍMËSH,~E mb. Që përbëhet nga disa a nga shumë vëllime. Korpus shumëvëllimësh. Fjalor shumëvëllimësh. Projekt shumëvëllimësh.

VEDË

VÉD/Ë,~A f. sh. ~A, ~AT 1. Monumentet më të vjetra të letërsisë sanskrite, librat e shenjtë të brahmanëve në Indinë e lashtë. Vedat indiane.
2. Korpus i madh tekstesh për diturinë me prejardhje nga India e lashtë, të shkruar në sanskritishten vedike, që mbahen si shkrime të shenjta të hinduizmit.

VIRGJILIANË

VIRGJILÍAN/Ë,~A f., let. Korpus i poemave të Virgjilit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë