Fjalori

Rezultate në përkufizime për “kooperativë”

Mëso si ta përdorësh
<<< Kthehu te kërkimi kryesor në fjalor

KOLEKTIVIZIM

KOLEKTIVIZÍM,~I m. 1.  ek., hist. Organizim i prodhimit dhe i industrisë në një vend, i mbikëqyrur nga qeveria, që arrihet duke shfuqizuar pronën private dhe kalimin e saj në pronësi të përbashkët të një komuniteti. Kur mbaroi reforma agrare, filloi kolektivizimi i bujqësisë në Shqipëri.

2. ek. Bashkim vullnetar i disa fermave private në një kooperativë ku mjetet e prodhimit janë të përbashkëta dhe anëtarët ruajnë të drejta të caktuara mbi të ardhurat; sistem kooperativist, kooperativizim. Kolektivizimi i tokës.

KOLEKTIVIZOHEM

►KOLEKTIVIZ/ÓHEM jovep., ~ÓVA (u), ~ÚAR 1. vetv., bujq. Kolektivizoj pronën, mjetet e punës e të prodhimit me ato të dikujt tjetër; bashkohem me punonjës të tjerë në një kooperativë (në vende ku nuk ekziston pluralizmi).
2. pës. e KOLEKTIVIZÓJ.

KOOPERATIVIZËM

KOOPERATIVÍZ/ËM,~MI m. Sistem kolektiv i punës dhe i prodhimit që bazohet në bashkimin e pronave dhe të mjeteve të prodhimit në një kooperativë; parimi i shpërblimit në mënyrë kolektive dhe të barabartë; të qenët kooperativist; kolektivizëm (në vendet ku mungon pluralizmi). Kooperativizmi në bujqësi (në industri).

KOOPERATIVË

KOOPERATÍV/Ë,~A f. sh. ~A, ~AT Sistem i ekonomisë kolektive që krijohet nga bashkimi i pronave a i tokave bujqësore dhe i mjeteve të prodhimit, ku të ardhurat ndahen sipas punës së bërë. Kooperativë bujqësore (artizanati).

KOOPERIM

KOOPERÍM,~I m., libr. 1. Aderimi dhe bashkimi i pronës dhe i mjeteve të prodhimit në një kooperativë.
2. Bashkëpunim ndërmjet ndërmarrjeve për të shfrytëzuar më mirë potencialet e prodhimit; punë e përbashkët kooperuese.

KOOPEROHEM

►KOOPER/ÓHEM jovep., ~ÓVA (u), ~ÚAR libr. 1. vetv. Bashkohem në një kooperativë për të punuar së bashku me të tjerë, ku edhe shpërblimi është i barabartë.
2. vetv. Bashkëveproj me dikë (me specialistë a me institucione të të njëjtit profil) për të bërë një punë të përbashkët me karakter teknik, shkencor, shoqëror etj.
3. pës., vet. v. III e KOOPERÓJ.

KOOPEROJ

KOOPER/ÓJ jovep., ~ÓVA, ~ÚAR libr., jokal. 1. Bashkoj në një kooperativë mjetet e prodhimit dhe të punës. Kooperojmë tokat (mjetet, forcat).
2. Bëj kooperim a bashkëveproj në një fushë të veprimtarisë me dikë a me një institucion të të njëjtit profil. Kooperoj me universitetin.

MARKETING

MARKETÍNG,~U m., ek. Aktiviteti ose biznesi i promovimit dhe shitjes së produkteve a shërbimeve të ndryshme, duke përfshirë kërkimet mbi tregun, reklamimin dhe caktimin e çmimeve. Kooperativë marketingu sipërmarrje agrobiznesi e organizuar nga një grup fermerësh, që ka si qëllim grumbullimin, standardizimin dhe shitjen e prodhimeve bujqësore të realizuara në fermat e tyre. Marketing politik (pol.) proces me anë të të cilit kandidatët politikë dhe idetë politike u paraqiten votuesve që të plotësojnë nevojat e tyre politike, në mënyrë të ngjashme siç zhvillohet një fushatë marketingu në ekonomi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë