Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
►KONVERT/ÓHEM jovep., ~ÓVA (u), ~ÚAR 1. vetv. Ndërroj a ndryshoj bindjet a besimin në një tjetër. Jam konvertuar në fenë e të parëve të mi.
2. pës., vet. v. III e KONVERTÓJ.
✱ Sin.: kthehem, ndërrohet, ndryshohet, shndërrohet, përshtatet, këmbehet, transformohet.
KONVERTÚAR (i, e) mb. Popullsi e konvertuar. Laikë të konvertuar. Kalendari julian i konvertuar në kalendarin gregorian. Dollarë të konvertuar në euro. Sheqer i konvertuar në alkool. Energji e konvertuar në forma të tjera të energjisë elektromagnetike.
✱ Sin.: i ndërruar, i ndryshuar, i kthyer, i përshtatur, i këmbyer, i shndërruar, i transformuar.
KONVERTÚES,~E mb. Që shërben për të konvertuar diçka. Stacion konvertues i sinjalit të transmetimit.
✱ Sin.: kthyes, shndërrues, transformues.
KONVERTÚES,~I m. sh. ~, ~IT tek. Aparat që shërben për të konvertuar një sinjal, një formë energjie, një substancë etj. në diçka tjetër. Aftësia e konvertuesit për të furnizuar me oksigjen. Konvertues energjie. Konvertues i sinjalit kabllor.
MONÉDH/Ë,~A f. sh. ~A, ~AT 1. Para prej metali; para. Monedha argjendi (floriri, bakri). Shkëmbimi (këmbimi) i monedhave. Vuri në qarkullim monedha të reja. Preu një seri monedhash. Monedhë ari.
2. fig. Mënyrë sjelljeje. Iu përgjigj (ia ktheu) me të njëjtën monedhë.
3. ek. Pjesë e parë e emërtimeve të pathjeshta në fushë të ekonomisë: Monedhë e butë monedhë kombëtare vlera e së cilës pritet të luhatet ose të bjerë në raport me monedhat e tjera, shpesh për shkak të paqëndrueshmërisë ekonomike ose politike. Monedhë e dobët monedhë me vlerë të ulët ose në rënie në krahasim me monedhat e tjera. Monedhë e drejtuar monedhë, kursi i këmbimit të së cilës kontrollohet nga banka qendrore, zakonisht duke blerë dhe duke shitur transaksione. Monedhë e falsifikuar monedhë e prodhuar pa miratimin ligjor të një shteti a të një qeverie, zakonisht në një përpjekje të qëllimshme për të imituar monedhën reale aq sa të mashtrojë marrësin e saj. Monedhë e fortë monedhë, vlera e së cilës në krahasim me monedhat e tjera është duke u përmirësuar, që tregohet nga një rënie në kurset e këmbimit të drejtpërdrejtë të asaj monedhe. Monedhë e huaj monedhë që përdoret në një vend tjetër si formë monetare e autorizuar zyrtarisht. Monedhë e kthyeshme monedhë që mund të blihet ose shitet lehtësisht në tregun e huaj të këmbimit valutor, me pak ose aspak kufizime. Monedhë në ar monedhë që, sipas një sistemi standardi të arit, e ka vlerën të lidhur drejtpërdrejt me një sasi të caktuar ari të atij vendi a kombi. Monedhë e (mbi)çmuar rritje e vlerës së një monedhe ndaj një tjetre në tregjet e huaja të këmbimit valutor. Monedhë e mbivlerësuar monedhë, vlera e së cilës është më e lartë se sa duhet të jetë në tregjet e këmbimit valutor, bazuar në faktorë ekonomikë. Monedhë e ndërhyrjes në tregun e parasë veprim i bërë nga qeveria dhe banka qendrore që të përmbajë luhatjet e tepërta në kurset e këmbimit valutor dhe t'i stabilizojë ato. Monedhë e nënçmuar rënia e vlerës së një monedhe në krahasim me monedhat e tjera. Monedhë e nënvlerësuar monedhë, vlera e së cilës është më e ulët nga sa duhet të jetë realisht në tregjet e këmbimit valutor. Monedhë e pakthyeshme monedhë që nuk konvertohet lirshëm në tregun e huaj të këmbimit valutor. Monedhë e paqëndrueshme monedhë e butë ose monedhë e dobët. Monedhë e qëndrueshme monedhë me vlerë të qëndrueshme. Monedhë e rrallë monedhë që kufizohet nga vendi i prerjes, vendi i origjinës, viti, gjendja etj. Monedhë e shëndetshme monedhë që nuk gjeneron inflacion dhe nuk ecën me një normë monetare ligjore të përcaktuar nga autoritetet. Monedhë e shportës grup monedhash të ndryshme, secila me një peshë specifike, që përdoren për të përcaktuar vlerën e një monedhe tjetër ose për të zvogëluar rrezikun e luhatjeve valutore. Monedhë kombëtare forma kryesore e parasë që përdor një vend në mënyrë zyrtare. Monedhë kryesore kombinimet më të tregtuara të monedhave nga disa prej ekonomive më të mëdha në botë. Monedhë kyç monedhë me vlerë relativisht të qëndrueshme që ndihmon në vendosjen e kursit të këmbimit dhe mbështet transaksionet ndërkombëtare. Monedhë ligjore monedhë e pranuar dhe e autorizuar ligjërisht në një vend. Monedhë metalike monedhë prej metali. Monedhë rezerve monedhë e mbajtur në sasi të mëdha nga një bankë qendrore si pjesë e rezervave të saj të këmbimit valutor. Monedhë standarde njësi monetare e caktuar nga një qeveri për të shërbyer si bazë e sistemit të saj monetar dhe për të konvertuar llojet e tjera të parave në vend. Monedhë vendi monedha zyrtare që përdoret në një vend. Monedhë vendore formë parash e ndryshme nga monedha kombëtare, e krijuar dhe e menaxhuar në nivel lokal.
♦ E di çfarë monedhe është (dikush) keq. e njoh shumë mirë, hollësisht, me virtytet e veset që ka, deri në imtësi, pa asgjë të fshehtë, ashtu si është; (ia di) sa dhëmbë e dhëmballë ka në gojë (dikush); (e njoh) me rrënjë e me degë (dikë); e njoh me lëkurë e me brinjë (dikë); kund. s’i kam dëgjuar as emrin (dikujt). Monedhë shkëmbimi (tregu) libr. mjet për të bërë allishverishe, matrapazllëqe e dallavere. Me të njëjtën monedhë libr. ashtu si sillet dikush me mua, në të njëjtën mënyrë a me të njëjtën gjuhë ia kthej; si më shtron ashtu e mbuloj (dikë).
MOSKONVERTUESHMËRÍ,~A f. Pamundësia për t’u konvertuar, mungesë e konvertueshmërisë, pakonvertueshmëri; kund. konvertueshmëri. Moskonvertueshmëria e valutës. Moskonvertueshmëria e dollarit.
PAKONVERTÚAR (i, e) mb., libr. Që nuk është i konvertuar; që nuk është konvertuar; kund. i konvertuar. Leje drejtimi e pakonvertuar. Mbeti i pakonvertuar. E vërteta e pakonvertuar.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë