Fjalori

Rezultate në përkufizime për “kontrollor”

Mëso si ta përdorësh
<<< Kthehu te kërkimi kryesor në fjalor

AUTOINSPEKTORAT

AUTOINSPEKTORÁT,~I m. sh. ~E, ~ET Organ shtetëror që kontrollon zbatimin e rregullave të qarkullimit nga shoferët dhe gjendjen e automjeteve. Autoinspektorati shtetëror. Dega e autoinspektoratit. Organet e autoinspektoratit. Kontrollor i autoinspektoratit.

FATURINO

FATURÍNO,~JA m. sh. ~, ~T [FATORÍNO,~JA m. sh. ~, ~T] Kontrollor i biletave në autobus a në tren. Ia dha lekët e biletës faturinos.

INSPEKTOR

INSPEKTÓR,~I m. sh. ~Ë, ~ËT Ai që është ngarkuar zyrtarisht të inspektojë punën e veprimtarinë e një njeriu, të një grupi njerëzish, të një shkolle, të një institucioni etj. Inspektor i përgjithshëm. Inspektori i punimeve në autostradë (në port, në aeroport). Inspektori i arsimit (i kulturës, i pyjeve, i sporteve të rënda).
✱Sin.: mbikëqyrës, kontrollor.

KONTROLLUES

KONTROLLÚES,~E mb. 1. Që kontrollon; kontrollor.
2. si em. m. e f. Sipas kuptimit të mbiemrit.

MBIKËQYRËS

MBIKËQÝRËS,~I m. sh. ~, ~IT 1. Ai që vëzhgon veprimet e sjelljet e dikujt; kujdestar. Mbikëqyrësi i nxënësve. Mbikëqyrësi i punëtorëve.
2. Ai që ndjek me vëmendje e kujdes një punë, një veprimtari etj., ai që është ngarkuar të mbikëqyrë diçka; kontrollor. Mbikëqyrësi i prodhimit (i cilësisë).
3. vjet. Inspektor i arsimit. Mbikëqyrësi i qarkut.
✱Sin.: kujdestar, kontrollor, inspektor.

TEKNIK

TEKNÍK,~E mb. 1. Që lidhet me teknikën, që ka të bëjë me teknikën, që i përket teknikës. Sigurim teknik. Njohuri (prapambetje) teknike. Ndihmë teknike. Bazë teknike. Shkollë (lëndë) teknike. Libër teknik. Revistë teknike. Këshill teknik.
2. Që lidhet me mënyrat e me metodat e përdorura në një punë, që ka të bëjë me mjeshtërinë e me teknikën e përdorur në të; që ka teknikë të lartë. Aftësi (përgatitje, shprehi) teknike. Gabime teknike. Pakujdesi teknike. Element teknik. Nga ana teknike teknikisht.
3. Që lidhet me punën, me gjendjen dhe me mirëmbajtjen e makinerisë, të pajisjeve, të veglave të ndryshme etj. Kontroll (shërbim, drejtim) teknik. Kërkesa (norma, rregulla) teknike. Disiplinë teknike. Gjendja teknike. Të meta teknike. Të dhëna teknike. Dokumente teknike. Kontrollor teknik.
4. Që ka marrë arsim të mesëm profesional; që merret me punë ndihmëse në një degë të caktuar të shkencës, të teknikës etj. Kuadri (personeli) teknik. Forcat teknike.
5. Që shpreh një gjë, e cila është e njohur vetëm për specialistët e një dege të shkencës e të teknikës; që përdoret vetëm në një degë të veçantë të teknikës; që i përket një dege të veçantë të shkencës ose të teknikës. Fjalor teknik. Term teknik. Shprehje teknike. Në gjuhën teknike. Çështje teknike. Redaktor teknik. Pjekuri teknike (spec.) gjendja më e mirë e bimës a e një pjese të saj për t'u përdorur si lëndë e parë në industri. Vizatim teknik paraqitje grafike e një objekti sipas rregullave të sakta që burojnë nga standarde ndërkombëtare, në mënyrë të tillë që informacioni i mbartur që lidhet me formën, përmasat, materialet etj. të lexohet kudo njëlloj. Skicë teknike vizatim me dorë të lirë, por duke zbatuar rregullat e vizatimit teknik. Vendqëndrim teknik skelë detare ose aeroport i ndërmjetëm që shërben për riparim ose për nozullim, furnizim anijesh a avionësh.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë