Fjalori

Rezultate në përkufizime për “konsultoj”

Mëso si ta përdorësh
<<< Kthehu te kërkimi kryesor në fjalor

KONSULTOJ

KONSULT/ÓJ vep., ~ÓVA, ~ÚAR libr. 1. kal. Këshilloj publikisht. Konsultojmë pleqtë (të sëmurët).
2. jokal. Këshillohem me dikë. Konsultoj doktorin.
✱Sin.: këshilloj, këshillohem.

KËSHILLOJ

KËSHILL/ÓJ vep., ~ÓVA, ~ÚAR kal. dhe jokal. I jap dikujt këshilla; e mësoj si të sillet ose si të veprojë në të ardhmen. Këshilloj fëmijën (djalin, vajzën, nxënësin, studentin). Prindi e ka për detyrë të këshillojë.
✱Sin.: mësoj, konsultoj.

PËRFORCOJ

PËRFORC/ÓJ vep., ~ÓVA, ~ÚAR kal. 1. E bëj një gjë më të fortë e më të qëndrueshme, duke i vënë mbështetëse, një shtojcë ose diçka tjetër të re. Përforcoj muret (gardhin). Përforcoj me trarë. Përforcoj urën me këmbë betoni.
2. usht. Pajis me mjete të tjera mbrojtëse, me fortifikata etj.; forcoj më shumë një vend, një repart etj. duke shtuar trupat ose mjetet luftarake. Përforcuan kufijtë. I përforcuan rojat e shtuan numrin e rojave. I përforconin kështjellat me kulla. Përforcoj mbrojtjen (sulmin). Përforcoj repartet e ndërhyrjes së shpejtë.
3. fig. Mbështet një tezë, një mendim, një pikëpamje etj., sjell të dhëna e argumente të reja që e bëjnë diçka më të besueshme e më bindëse; e bëj diçka më të sigurt e më të qëndrueshme. Përforcoj mendimin se... E përforcoi pohimin (tezën) e tij me informacion bashkëkohor.
4. fig. Ngulit më mirë dijet në mendjen e nxënësve, duke përsëritur gjërat kryesore. Ushtrime për të përforcuar dijet e nxënësve.
5. fig. Ia shtoj, ia bëj më të fortë dikujt një dyshim, një dëshirë, një synim etj. Ia përforcoi dyshimet (dëshirën).
6. fiz., elektr. E bëj më të ndjeshëm, më të dukshëm a më të kapshëm një sinjal etj., duke përdorur një vegël të posaçme. Ia përforcoi sinjalet (zërin).
7. fiz., elektr. Bëj që t’i shtohet fuqia një rryme elektrike a një dukurie fizike në përgjithësi; i shtoj shkallën e intensitetit. E përforcoi rrymën. E përforcoj dritën. Ia përforcoi ngjyrën.
8. gjuh., kryes. v. III E thekson a e vë më mirë në dukje kuptimin e një fjale, ka vlerë përforcuese. Përforcon kuptimin (ngjyrimin). Përforcon mohimin.
✱Sin.: forcoj, rrit, shtoj, mbështes, pajis, ngulis, konsultoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë