Fjalori

Rezultate në përkufizime për “konsensus”

Mëso si ta përdorësh
<<< Kthehu te kërkimi kryesor në fjalor

BASHKËPËLQIM

BASHKËPËLQÍM,~I m., libr. Marrëveshje me mirëkuptim ndërmjet dy a më shumë palëve për një vendim; miratim me mirëkuptim, konsensus. E bënë me bashkëpëlqim. E dhanë me gojë bashkëpëlqimin.

GJITHËPARTIAK

GJITHËPARTIÁK,~E mb. Që lidhet me të gjitha partitë. Reforma u miratua me konsensus gjithëpartiak.

KONSENS

KONSÉNS,~I m., libr. Konsensus. U arrit (u vendos) me konsens.

KONSENSOR

KONSENSÓR,~E mb., libr. Që ka të bëjë me konsensusin, që i përket një konsensusi; që arrihet me konsensus a me mirëkuptim; konsensual. Vendim (miratim) konsensor.
✱Sin.: konsensual, parimor.

KONSENSUALISHT

KONSENSUALÍSHT ndajf. Në mënyrë konsensuale; me konsensus a me mirëkuptim. U vendos (u zgjodh) konsensualisht.

KONSENSUS

KONSÉNSUS,~I m., libr. 1. Mirëkuptim midis dy a më shumë palëve. Zbatohet parimi i konsensusit.
2. Marrëveshje mirëkuptimi ndërmjet dy a më shumë palëve, ndërmjet institucionesh, partish etj.; dhënie pëlqimi a mirëkuptimi. U zgjodh me konsensus.
✱Sin.: mirëkuptim, pëlqim, marrëveshje.

MBARËPARTIAK

MBARËPARTÍAK,~E mb. Që përfshin të gjitha partitë; që bëhet me pjesëmarrjen e gjerë të partive politike. Nënshkruhet një pakt mbarëpartiak kundër korrupsionit. Arrihet konsensus politik mbarëpartiak.

MIRATUAR

MIRATÚAR (i, e) mb. Që është pranuar zyrtarisht si i drejtë, i rregullt, i lejueshëm etj.; që është pranuar si i vendosur përfundimisht. Vendim i miratuar. Plani i punës i miratuar. Program i miratuar nga ministria. Ligji i miratuar. Platformë e miratuar me konsensus.
✱Sin.: i pranuar, i pëlqyer, i aprovuar, i lejuar, i përkrahur.

NDËRPARTIAK

NDËRPARTIÁK,~E mb. Që ka të bëjë, që lidhet me, ose që përfshin dy a më shumë parti, që ekziston midis disa partive. Bashkëpunim ndërpartiak. Grup parlamentar ndërpartiak. Konsensus ndërpartiak.

PËRFIGURIM

PËRFIGURÍM,~I m. sh. ~E, ~ET Veprimi kur përfiguroj ose kur përfigurohet. Konsensus për një përfigurim të përbashkët të qëndrimeve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë