Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
KONCEPTÚESH/ËM (i), ~ME (e) mb., logj. Që është i qartë si koncept; që mund të konceptohet. Është e konceptueshme.
►MEND/ÓHEM jovep., ~ÓVA (u), ~ÚAR 1. vetv. Rrah diçka me mend, arsyetoj për një gjë dhe përpiqem me mend të zbuloj thelbin e lidhjet e saj, ta kuptoj, ta zgjidh etj.; bie në mendime, vras mendjen; mendoj. U mendua thellë (gjatë). Mendohet si do t’ia dalë mbanë. Mendohej ditë e natë. Do të përgjigjem pasi të mendohem. Përse mendohesh? Nuk e lanë të mendohej. E tha pa u menduar. Mos u mendo më! vendose! jepi fund!
2. vetv. Kam ndër mend, synoj; matem, them; mendoj. Mendohem të nisem nesër. Mendohem t’ia them vetë.
3. vetv., vet. v. III Ka të ngjarë, ka mundësi; gjykohet se diçka do të bëhet duke marrë parasysh faktet dhe rrethanat. Mendohet se godina do të përfundojë brenda vitit. Mendohet se do të ketë shumë punë.
4. vetv., vet. v. III Besohet, thuhet, flitet. Mendohet se janë të pafajshëm (fajtorë). Mendohet se takimi do të kalojë pa debate.
5. vetv., vet. v. III Konceptohet, perceptohet. Këto dy fusha nuk mund të mendohen të shkëputura njëra nga tjetra. As që mund të mendohet ndryshe.
6. pës. e MENDÓJ3-6.
✱Sin.: mendoj, reflektoj, përsiat, thellohem, kujdesem, matem, quhem, besohet, flitet, thuhet.
ONTOLOGJÍK,~E mb. 1. filoz. I ontologjisë; që ka të bëjë me ontologjinë. Thelbi ontologjik i realitetit. Përkatësi kategoriale dhe ontologjike. Analizë ontologjike. Thelbi ontologjik i realitetit. Marrëdhënie ontologjike marrëdhënie midis së tërës dhe pjesës.
2. fig. Që lidhet me mënyrën se si konceptohet realiteti ose vetë identiteti i diçkaje; themelor, përbërës. Dimensioni ontologjik i romanit. Konteksti ontologjik i fjalës në poezinë bashkëkohore. Ishte një përvojë ontologjike, jo thjesht emocionale.
PAKONCEPTÚESH/ËM (i), ~ME (e) mb. Që nuk mund të konceptohet dot; i çuditshëm; i jashtëzakonshëm; kund. i konceptueshëm. Njeri i pakonceptueshëm. Sjellje e pakonceptueshme.
✱Sin.: i paperceptueshëm, i çuditshëm, i jashtëzakonshëm.
PÉM/Ë,~A f. sh. ~Ë, ~ËT 1. Dru zakonisht i butë, fryti i të cilit hahet, dru frutor. Pemë të buta (të egra). Pemët e kopshtit. Pema e mollës (e dardhës). Kopsht me pemë. Mbjellin pemë. Sivjet pemët kanë bërë shumë. Te pema e lavdëruar mos shko me thesin e madh. (fj. u.).
2. Fryti i këtij druri, zakonisht në trajtë kokrrash me madhësi e me ngjyra të ndryshme, me tul e me lëng të ushqyeshëm, me fara a bërthama brenda. Pemë të freskëta (të thata, të ëmbla). Pemë të bëra (të pabëra). Lëng (pekmez, shurup, pelte, reçel) pemësh. Lëvozhgë (lëkurë) peme. Këput (vjel, mbledh) pemët. Njeriu që vetëm për vete punon, është si dru që pemë s’lëshon. (fj. u.). Pema e papjekur s’hahet. (fj. u.).
3. Dru me trung dhe me shumë degë të cilat formojnë një si kurorë; fryti i këtij druri. Pemë gjelbërimi (zbukurimi). Pemët e pyllit (e parkut). Pemët e lisit lëndët e lisit. Degët (rrënjët, kurorat) e pemëve. Gjethojnë (lulëzojnë) pemët. Hipi në pemë. Pema e Krishtlindjes bredh a pishë që zbukurohet për Krishtlindje me lodra, me sende të ndryshme dhe me një yll në majë. Pema e Vitit të Ri bredh a pishë që zbukurohet me lodra e me sende të ndryshme për festën e Vitit të Ri; pema e Krishtlindjes. Njeriu pa shkollë është si pema e egër. (fj. u.). Njeriu i paditur, si pema pa lule. (fj. u.).
4. fig., libr. Ajo që arrihet a fitohet me punë; fryt. Pemët e punës. Mblodhi pemët e fitores. Shijoi (gëzoi) pemët e pjekura të veprës së vet.
5. Diçka që ka formën e një peme (me trung, degë, nëndegë etj.) ose konceptohet si e tillë. Pemë gjenealogjike figurë që ka pamjen e një druri, trungu dhe degët e të cilit tregojnë lidhjet e birësisë së një familjeje ose lidhjet e pjesëve të diçkaje me burimin e tyre gjatë zhvillimit, druri gjenealogjik. Pema mushkërore (anat.) tërësia e bronkeve, e artereve dhe e enëve të mushkërive.
♦ Pemë pa kokrra mospërf. dikush që nuk të mbaron punë, nga i cili nuk ke dobi; njeri që punon, por nuk ka përfundime të mira në punë; diçka që nuk të jep gjë, nga e cila nuk përfiton; pus pa ujë; arrë pa bukë; sapun pa shkumë; lëmë pa drithë (pa bereqet). Shkund pemët e të tjerëve (dikush) rron duke zhvatur nga njëri e nga tjetri, rron në kurriz të të tjerëve; përvetëson meritat e arritjet e të tjerëve, merr frytet e të tjerëve.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë