Fjalori

Rezultate në përkufizime për “komunikohet”

Mëso si ta përdorësh
<<< Kthehu te kërkimi kryesor në fjalor

DEKODUES

DEKODÚES,~I m. sh. ~, ~IT tv., inf. 1. Pajisje a program që zbërthen kodin e sinjalit në një formë që është e kuptueshme; shkodues; kund. kodues. Dekoduesi i imazhit.
2. Personi që merret me zbërthimin e kodit të sinjalit në një formë që është e kuptueshme. I komunikohet dekoduesit.

KOMUNIKUESHËM

KOMUNIKÚESH/ËM (i), ~ME (e) mb. Që mund të komunikohet a të merresh vesh me dikë; komunikues. Njeri i komunikueshëm.

KONFIDENCIAL

KONFIDENCÍAL,~E mb. Që bëhet a që komunikohet në konfidencë, i fshehtë, sekret. Lajm që vjen nga burime konfidenciale. Kjo që të them është konfidenciale.

LIGJMARRËS

LIGJMÁRRËS,~I m. sh. ~, ~IT Ai që merr (pranon, i komunikohet) një ligj, një vendim, një rregullore apo një akt tjetër normativ dhe që është i detyruar ta zbatojë atë. Ligjmarrësi ka detyrimin të respektojë afatet e përcaktuara.

LIGJMARRËSE

LIGJMÁRRËS/E,~JA f. sh. ~E, ~ET Ajo që merr (pranon, i komunikohet) një ligj, një vendim, një rregullore apo një akt tjetër normativ dhe që është e detyruar ta zbatojë atë.

MOSKOMUNIKIM

MOSKOMUNIKÍM,~I m. Mungesë komunikimi; veprimi dhe gjendja kur nuk komunikoj me dikë ose kur nuk komunikohet për diçka; kund. komunikim. Moskomunikimi mes lojtarëve bëri që të pësojnë katër gola.

NDËRKOMUNIKOHET

►NDËRKOMUNIK/ÓHET jovep., ~ÚA (u), ~ÚAR vetv. Komunikohet ndërmjet dy a më shumë palëve, individëve etj.

NJIHEM

►NJÍHEM jovep., NJÓHA (u), NJÓHUR 1. vetv. I paraqitem dikujt dhe i them se kush jam; i paraqitemi njëri-tjetrit dhe i themi se kush jemi; e di se kush është dikush dhe ai e di se kush jam unë; lidh marrëdhënie shoqërore me dikë. Njihem me shokët e shkollës (e punës). Të njihemi! Njihemi prej kohësh. Jemi njohur në një udhëtim. U njohëm në punë. U njohën në avion.
2. fig., vetv. Marr njoftim a njohuri, duke lexuar a duke studiuar disa të dhëna për dikë a për diçka. U njohën me vendimet (e një mbledhjeje). U njoh me vendimin e gjykatës. Njihem nga afër e shoh a e lexoj vetë, drejtpërdrejt e me kujdes.
3. vetv., vet. v. III Ka, është, gjendet; jeton, pranohet. Zakone që nuk njihen më te ne. Njihen patentat shqiptare. Peshq që nuk njihen në ujërat tona. Sëmundje që nuk njiheshin më parë.
4. vetv., kryes. v. III Zbulohet, e tregon veten se ç’është, merret vesh kush është a si është. Miku njihet në vështirësi. Nuk njihet me një ditë. Hekuri njihet në zjarr, miku në nevojë. (fj. u.). Kroi i mirë njihet në kohë të thatë. (fj. u.).
5. vetv. Më komunikohet diçka, më bëhet e ditur, vihem në dijeni. Të arrestuarit njihen sot me masën e sigurisë. U njoh me vendimin e jurisë (e komisionit).
6. pës. e NJÓH.
✱Sin.: paraqitem, prezantohem, jetoj, zbulohem, zihem, dihet.
♦ Njihet me *gisht (dikush).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë