Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ADMINISTRÁT/Ë,~A f. sh. ~A, ~AT drejt. 1. Sistem ose formë e organizimit dhe e drejtimit të veprimtarive shtetërore, publike ose private që përfshin planifikimin, koordinimin, mbikëqyrjen dhe kontrollin e funksioneve të ndryshme për të siguruar që veprimet e veprimtaritë të jenë efektive; sistem i organeve shtetërore ose organet ekzekutive-urdhërdhënëse, që ushtrojnë pushtetin shtetëror në formën e kësaj veprimtarie. Administrata shtetërore. Administrata publike. Administrata private. Administrata e re (e vjetër). Administrata qendrore. Administrata komunale. Administrata gjyqësore. Organet e administratës së shtetit.
2. Njësi organizative e sektorëve të veprimtarive publike, si të ekonomisë, të shëndetësisë, të arsimit, të kulturës; organi drejtues i një njësie të tillë, së bashku me aparatin përkatës; zyrat e një ndërmarrjeje, të një biznes, të një institucioni ose të një shërbimi shtetëror; ndërtesa e këtij organi ose e këtyre zyrave; institucionet dhe shërbimet që drejtojnë dhe organizojnë politikat dhe programet qeveritare. Administrata e Kryeministrisë. Administrata e Ministrisë së Drejtësisë. Administrata e Universitetit. Administrata Akademike. Përgjegjësi i administratës. Punonjësit e administratës. Zyrat e administratës.
3. përmb. Tërësia e nëpunësve, që veprojnë në administratën shtetërore ose në institucione të tjera publike e private. Administrata e Bashkisë (komunës). Administrata e shërbimeve publike. Administrata e institucioneve shkollore. Shkurtoj administratën. Plotësoj administratën. Administratë e tejngarkuar.
4. Organet që ushtrojnë pushtetin në një krahinë ose në një vend të pushtuar dhe veprimtaria e tyre. Administrata ushtarake.
BOTÓR,~E mb., vjet. 1. Që lidhet me të gjithë, që ka karakter të përgjithshëm, që përdoret nga të gjithë; publik. Rrugë botore. Ndërtesa botore. Arsimi botor.
2. Që lidhej me ndërtimin dhe me mirëmbajtjen e rrugëve, të urave, të ndërtesave shtetërore etj. dhe me shërbimet komunale. Punë (shërbime) botore. Shpenzime botore. Zyra botore. Ministria e Punëve Botore (në Shqipëri deri në vitin 1950).
BOTÓR/E,~JA f., bised., vjet. Zyrë që merrej me ndërtimin e me mirëmbajtjen e rrugëve, të ndërtesave shtetërore etj. dhe me punët komunale. Seksioni i botores. Inxhinieri (kryepunëtori) i botores. Nëpunës i botores.
EKONOMÍ,~A f. sh. ~, ~TË 1. Tërësia e marrëdhënieve në prodhim në një rend të caktuar shoqëror. Ekonomia e lashtë. Ekonomia kapitaliste. Ekonomia feudale. Ekonomia socialiste.
2. Sistemi i organizimit dhe i përdorimit të të mirave materiale në një vend, në një degë të prodhimit etj. Ekonomi e tregut (sociale e tregut). Ekonomi e vogël (e madhe). Ekonomi e planifikuar (e përqendruar). Ekonomi natyrore ekonomi zakonisht fshatare, që prodhon gjithçka për nevojat e veta dhe jo për tregun.
3. Gjendja materiale dhe financiare e një vendi, e një dege të veprimtarisë prodhuese etj. Ekonomi e zhvilluar (e prapambetur). Forcojmë ekonominë. Ekonomi shumëdegëshe. Ekonomia kombëtare. Ekonomi e pavarur. Ekonomi e planifikuar.
4. Degë e veprimtarisë prodhuese me një strukturë e organizim të caktuar. Ekonomia bujqësore (industriale, blegtorale, pyjore, ujore). Ekonomia komunale. Ekonomia industriale.
5. Tërësia e mjeteve të nevojshme për jetesë. Ekonomi shtëpiake (vjet.) lëndë mësimore për mirëmbajtjen e shtëpisë, për gatimin, për qepjen etj. Ka një ekonomi të mirë në familje.
6. Tërësia e shkencave që studiojnë marrëdhëniet në prodhim, gjendjen materiale e financiare të një vendi etj., si edhe degët e ndryshme të veprimtarisë prodhuese. Fakulteti i ekonomisë. Studion për ekonomi. Ekonomia politike shkenca që studion ligjet e prodhimit, të këmbimit dhe të shpërndarjes së të mirave materiale në shkallë të ndryshme të zhvillimit të shoqërisë njerëzore.
7. Rregull a masë në shpenzime; kursim. Përdor (harxhoj) me ekonomi. Bëj ekonomi kursej.
8. hist. Njësi prodhimi, sidomos në bujqësi, së bashku me mjetet dhe veglat që zotëron. Ekonomi kolektive (kooperativiste). Ekonomi ndihmëse sipërfaqe toke 1 deri 3 dynymë, që u jepej në përdorim familjeve me të ardhura të pakta.
PUNËTÓR,~I m. sh. ~Ë, ~ËT 1. Ai që punon drejtpërdrejt në prodhim duke përdorur fuqinë e krahut dhe mjetet e punës (kryesisht në industri, në ndërtim, në transport, në peshkim, në shpërndarje dhe në shërbimet komunale). Punëtor me mëditje. Greva e punëtorëve të masonerisë (të ndërtimit të autostradës).
2. Ai që kryen një punë a një detyrë të caktuar; ai që është në marrëdhënie pune, ai që punon diku, punonjës. Punëtorët e mendjes (të shkencës).
✱Sin.: punonjës, krahatar.
VARRÉZ/Ë,~A f. kryes. sh. ~A, ~AT 1. Vendi ku varrosen të vdekurit, vendi ku janë varret e disa njerëzve, varret. Varrezë ilire. Varreza qyteti. Varrezat e dëshmorëve. Varrezat e vjetra. Varrezat e katundit. Varrezat e kishës. Zbuluan një varrezë
2. Sipërfaqe toke e caktuar për varrosjen e njerëzve; e rrethuar me objekte përcjellëse sakrale, si dhe infrastruktura komunale e destinuar për këtë qëllim.
✱Sin.: varre, varrishtë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë