Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BRÚSHM/Ë (i), ~E (e) mb. 1. I athët, që ka shije pak si të thartë e pak si të hidhur (për verën dhe për disa pemë); kund. i ëmbël. Verë e brushme. Kumbull e brushme. Komposto e brushme.
2. fig. Që nuk sillet butë e me dashamirësi; i vrazhdë, idhnak, i sertë (për njerëzit); kund. i butë. Njeri i brushmë.
✱Sin.: i athët, i thartë, i tharmë, athëtor, thartosh, i pikët, bistër, i ashpër, i vrazhdë, idhnak, i sertë, i rreptë, i egër, i prapë, zemërak, i hidhur.
HOSHÁF,~I m. sh. ~E, ~ET ushq. 1. Pemë (zakonisht kumbulla) të thara në diell; komposto me kokrra të tilla. Hoshaf kumbullash (mollësh, dardhash, thanash). Hoshaf me pala pala fiku të ziera me ujë e me sheqer. Hoshaf me rrush të thatë.
2. si mb., fig. I thatë e i fishkur (zakonisht në fytyrë). Iu bë fytyra hoshaf. U tha, u bë hoshaf.
✱Sin.: i fishkur, i thatë.
KOMPÓSTO,~JA f. sh. ~, ~T 1. Ëmbëlsirë e lëngshme me pemë të thata a me fruta të ziera në ujë. Një kavanoz me komposto. Bëj (ha) komposto.
2. bised. Kavanozi ose ena ku ruhet dhe shitet kjo ëmbëlsirë. Bleva (hëngra) dy komposto.
3. bujq. Pleh i përgatitur me lëndë organike, që shpejton rritjen a zhvillimin e shëndoshë të një bime, të një luleje etj.; komposto për plehërim. Plehëroj perimet (lulet) me komposto.
4. si mb. I bërë a i prodhuar si komposto; i kompostuar. Çaj komposto. Pleh komposto.
KOMPOSTÚAR (i, e) mb., libr. Që është kompostuar; që është bërë komposto. Fruta (perime, ushqime) të kompostuara.
PJÉSHK/Ë,~A f. sh. ~Ë, ~ËT bot. 1. (lat. Persica vulgaris, Prunus persica, Amygdalis persica) Dru frutor, me degë të hapura, me gjethe të zgjatura, të dhëmbëzuara e pa bisht, me lule ngjyrë trëndafili, që bën kokrra të mëdha, të rrumbullakëta, mishtake, me lëkurë të butë e të mbuluar me push të imët dhe me një bërthamë në mes. Çeli pjeshka. Lulet e pjeshkës.
2. Kokrra e kësaj peme, që, kur piqet, merr ngjyrë të verdhë si në të kuqe e ka shumë lëng. Reçel (komposto) pjeshkash. Bërthamë pjeshke. Ngjyrë pjeshke ngjyrë e verdhë në të kuqe. Krimbi i pjeshkës (zool.). Vemja e pjeshkës (zool.). Morri i pjeshkës (zool.).
3. Pjesa e parë e emërtimeve të pathjeshta për disa lloje pjeshkash: Pjeshkë çahje (shklese) lloj pjeshke, së cilës i hiqet lehtë bërthama. Pjeshkë mishje lloj pjeshke, së cilës i ndahet me vështirësi bërthama nga tuli. Pjeshka e Persisë (lat. Persica ferganensis). Pjeshka arrë (lat. Prunus ersica levis). Pjeshka e egër (lat. Rhamnus cathartica, Frangula pursleiana). Pjeshka e shkretëtirës (lat. Prunus andersonii).
VÍSHNJ/Ë,~A f. sh. ~A, ~AT 1. bot. (lat. Prunus cerasus; cerasus vulgaris) Pemë frutore e ngjashme me qershinë, me gjethe të rrumbullakëta, me lule të bardha në rozë, shumë aromatike, me fruta me ngjyrë të kuqe të errët me bërthamë të madhe dhe tul të errët, me shije të ëmbël në të athët, pak majhoshe, që përdoren për t'u ngrënë dhe për përgatitjen e lëngjeve; kokrrat e kësaj peme. Vishnjë e butë. Ngjyrë vishnje. Lëng vishnje. Reçel vishnje.
2. bot. Pjesa e parë e emërtimeve të pathjeshta që shënojnë lloje të ndryshme që kanë ngjashmëri me këtë bimë. Vishnja e egër (lat. Prunus avium) lloj vishnje si shkurre a dru i ulët, me gjethe të rrumbullakëta, me lule të imëta, të bardha e të merme, e me erë të këndshme, që lidh kokërrza në ngjyrë të zezë, pa lëng e të hidhura; qershi e egër, mëzhdravë, rrush thëllëze; kokrrat e kësaj peme. Vishnja e kuqe (lat. Prunus cerasus, caproniana) lloj vishnje me fruta që kanë një ngjyrë të kuqe të qartë, ato janë të njohura për shijen e tyre të ëmbël dhe përdoren për të bërë pije, komposto, reçel, shpesh përdoren dhe për përgatitjen e kekëve, akulloreve dhe pijeve të ndryshme; kokërrat e kësaj peme. Vishnja e stepës (lat. Cerasus fruticosa; Prunus fruticosa) lloj vishnje që rritet në habitatet e stepave, të cilat janë zona të hapura, të thata dhe me bimësi të kufizuar, këto vishnje kanë zakonisht një përmasë më të vogël se vishnjat e tjera dhe mund të kenë një shije më të fortë ose më të thartë; kokrrat e kësaj peme. Vishnja e zezë (lat. Prunus cerasus austera) lloj vishnje që karakterizohet nga ngjyra e zezë e frutave të saj, të cilët kanë një shije të ëmbël dhe të thartë njëkohësisht, ajo zakonisht përdoret në gatimet tradicionale, të tilla si komposto, akullore, liker dhe shurup; kokërrat e kësaj peme.
3. Shurup i përgatitur nga lëngu i kokrrave të kësaj peme, vishnjadhë. Bleu një shishe me shurup vishnjë.
✱Sin.: qershigël, thrashegër, qershizë, mëzhdravë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë