Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ALBANOFILÍ,~A f. Adhurim e nderimit i shprehur ndaj gjuhës shqipe, ndaj kulturës shqiptare, ndaj letërsisë shqipe, ndaj historisë shqiptare dhe ndaj popullit shqiptar nga dikush joshqiptar; të qenët adhurues i shqiptarëve e i Shqipërisë dhe i gjithçkaje që ka të bëjë me ta; shqiptarodashësi. Albanofilia e tij. Valë e albanofilisë. Albanofili, një komponent i veprës së botuar.
PASHPËRBË́SH/ËM (i), ~ME (e) mb. Që nuk mund të shpërbëhet; i pazbërthyeshëm; kund. i shpërbëshëm. Komponent i pashpërbëshëm. Klasifikim i pashpërbëshëm.
PROCESÓR,~I m. sh. ~Ë, ~ËT kompj., inf. Pjesë mikroskopike e kompjuterit etj., e aftë të përpunojë të dhëna me shpejtësi shumë të lartë. Procesori konsiderohet truri i kompjuterit. Procesori është komponent kryesor i kompjuterit. I ndërroi procesorin kompjuterit. Prodhimi masiv i procesorëve.
PËRBË́RËS,~I m. sh. ~, ~IT spec. Secila nga pjesët, njësitë etj. që përbëjnë një të tërë, një lëndë të vetme ose një trup jo të thjeshtë. Përbërësit kimikë të tokës (të gurit). Përbërësit e shkëmbinjve. Përbërësit e gjithësisë.
✱Sin.: komponent, pjesë, element.
VITAMÍN/Ë,~A f. sh. ~A, ~AT 1. Lëndë organike, që është e domosdoshme për veprimtarinë jetësore të njeriut e të kafshëve, është një komponent organik që kërkohet nga organizmi, për funksionimin normal të trupit dhe që merret në sasi të vogla nëpërmjet ushqimit ose e përpunuar në mënyrë kimike, në formë tabletash, mungesa e saj ose sasia e tepruar shkakton sëmundje. Grupi i vitaminave. Ushqim me vitamina. Përmban vitamina.
2. Pjesa e parë e emërtimeve për lloje të ndryshme vitaminash. Vitamina A vitaminë e cila tretet në yndyra dhe luan rol në rritjen dhe funksionimin normal të eshtrave, të strukturave qelizore, për shikim natën, për mbrojtjen e shtresave të mukozave të sistemit respirator, digjestiv dhe traktit urinar kundër infeksioneve. Vitamina B 12 vitaminë e tretshme në ujë, që luan rol në aktivitetin e enzimave në trup, gjithashtu luan rol në prodhimin e materialit gjenetik të qelizës, në prodhimin e qelizave të kuqe të gjakut në palcën e eshtrave dhe në funksionimin normal të sistemit nervor. Vitamina B kompleks grup i vitaminave të tretshme në ujë, që luajnë rol në metabolizmin qelizor. Vitamina C vitaminë e tretshme në ujë, luan rol esencial në aktivitetin e disa enzimave, gjithashtu luan rol në rritjen dhe mirëmbajtjen e eshtrave, ligamenteve dhe enëve të gjakut, luan rol vendimtar në përgjigjen imunitare ndaj infeksioneve, në shërimin e plagëve dhe në absorbimin e hekurit. Vitamina D grup substancash që ndihmojnë rregullimin e balancës së fosfateve, kalciumit në trup dhe në fortësinë e eshtrave dhe të dhëmbëve. Vitamina E grup substancash që janë normale për përbërësit qelizor, për mirëmbajtjen e disa enzimave dhe për formimin e eritrociteve, gjithashtu vitamina E luan rol të rëndësishëm në mbrojtjen e mushkërive dhe indeve të tjera nga dëmtimet, si dhe ngadalëson plakjen e qelizave. Vitamina K vitaminë e tretshme në yndyra luan rol të rëndësishëm në formimin në mëlçi të substancave të koagulimit të gjakut.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë