Fjalori

Rezultate në përkufizime për “komplet”

Mëso si ta përdorësh
<<< Kthehu te kërkimi kryesor në fjalor

EKSTRAKTUES

EKSTRAKTÚES,~E mb. Që nxjerr diçka nga një lëndë ose organizëm. Pastrues ekstraktues me sprucim. Komplet ekstraktues. Tekst ekstraktues. Metoda ekstraktuese. Norma ekstraktuese e aspiratorit.

GJAK

GJAK,~UI m. sh. ~RA, ~RAT 1. Lëng i kuq që qarkullon në trupin e qenieve të gjalla për të çuar ushqim e oksigjen në qeliza, për shkëmbimin e lëndëve etj. Gjak i kuq. Rruazat e gjakut. Qarkullimi i gjakut. Grupi i gjakut. Grup gjaku (biol.) një nga të katër tipat kryesorë të gjakut te njeriu dhe kafshët, me cilësi të veçanta të rruazave të kuqe dhe të serumit. Kafshë me gjak të ftohtë. Pikon (kullon, rrjedh) gjak. I plasi gjaku. I rrjedh gjak nga hundët. Dhuroj gjak. Gjak në dërrasë (fig.) njeri i ftohtë; ai që nuk do t`ia dijë për të tjerët. Gjak gjarpri (fig.) njeri i mërzitshëm dhe i padurueshëm. Gjak i pastër (fig.) njeri fisnik; ai që është shumë i mirë. Gjak thiu (fig.) 1. gjak gjarpri. 2. njeri i ftohtë (sidomos në marrëdhënie seksuale).
2. veter. Gjakëz. E zuri gjaku. I ra gjaku.
3. sh. ~RA, ~RAT Njolla gjaku, pika gjaku që kanë rrjedhur. Fshiu gjakrat.
4. sh. ~RA, ~RAT bised. Të përmuajshmet e grave.
5. anat. Pjesë e parë e disa emërtimeve të pathjeshta në anatomi. Gjak i bardhë lëng pa ngjyrë që mbush hapësirat ndërmjet indeve e qelizave të trupit të njeriut e të kërbishtorëve; limfë. Gjak arterial gjak i pastër i ngarkuar me oksigjen, që shpërndahet nëpërmjet arterieve. Gjak komplet ekzaminim mjekësor që informon për gjendjen e përgjithshme shëndetësore. Gjak venoz gjak që mbart dioksid karboni, një produkt të mbeturinave të metabolizmit të prodhuar nga qelizat, nga indet në mushkëri, që nxirren jashtë. Gjak dragoi dhe i përftuar nga kalbja e bimëve.
6. bot. Pjesë e parë a e dytë e disa emërtimeve të pathjeshta që shënojnë lloje të ndryshme bimësh. Gjak qumështi barishte shumëvjeçare, me kërcell shumë të gjatë, me rrënjët me lëng si qumësht, i verdhë e shumë i hidhur, që përdoret në mjekësi; tamblagjak; bar jodi. Bar gjaku bimë barishtore, me kërcell të gjatë mbi një pëllëmbë, i cili, kur këputet, nxjerr një lëng në ngjyrë të kuqe. Lule gjaku (lat. Hypericum perforatum) bimë barishtore me gjethe të holla, me lule të vogla të verdha, të merme, e cila përdoret për mjekim plagësh.
7. min. Pjesë e dytë e disa emërtimeve të pathjeshta që shënojnë lloje të ndryshme mineralesh. Gur gjaku mineral me ngjyrë të kuqe të errët, me përmbajtje të lartë hekuri.
✱Sin.: gjakëz, të përmuajshmet, zakonet.

KOMPLET

KOMPLÉT,~I m. sh. ~E, ~ET 1. Tërësi e plotë orendish, sendesh etj., që kryejnë të njëjtin funksion, por me veçanti shumë të vogla dalluese; takëm; set. Komplet filxhanësh (enësh, veshjesh).
2. si mb. I plotësuar; i kompletuar. Dhomë komplet.
3. si ndajf. Plotësisht; në mënyrë të plotë. E pajisi (e bëri, e leu) komplet.
✱Sin.: takëm, set, i plotë, i kompletuar.

KOMPLETIM

KOMPLETÍM,~I m. sh. ~E, ~ET libr. 1. Plotësimi i duhur një tërësie. Kompletim i nevojshëm.
2. Komplet.

KOMPLETOHEM

►KOMPLET/ÓHEM jovep., ~ÓVA (u), ~ÚAR libr. 1. vetv. Pajisem plotësisht me të gjitha sendet a mjetet e duhura. U kompletova me gjithçka.
2. pës. e KOMPLETÓJ.

KOMPLETOJ

KOMPLET/ÓJ vep., ~ÓVA, ~ÚAR libr. Plotësoj, e bëj komplet me të gjitha pjesët a mjetet e duhura; pajis diçka plotësisht me gjithçka duhet; krijoj një komplet. Kompletova shtëpinë me të gjitha orenditë.

PACEN

PACÉN (i, e) mb. 1. Që nuk ka ndonjë të metë trupore a mendore, që është pa cen. Njeri i pacen.
2. Që nuk ka të meta, që është i plotë e fare i padëmtuar; i pacenuar. Komplet i pacen porcelani.
3. fig. Që është pa vese, i pastër.
✱Sin.: i patëmetë, i pandonjëtëmetë, i saktë, i padëmtuar, i rregullt, i shëndoshë, sakllam, i pastër, i virtytshëm.

QORRUAR

QORRÚAR (i, e) mb., bised. Që ka humbur dritën e syrit; i verbuar. Ai është si hëna, herë rrotullohet, herë është i plotë, herë i qorruar komplet.
✱Sin.: i verbuar, i verbëruar, i terratisur.

SERVIS

SERVÍS,~III m. sh. ~E, ~ET Komplet lugësh, filxhanësh, gotash, pjatash etj., që përdoret në tryezë për gjashtë a dymbëdhjetë persona. Kishte blerë një servis të ri gotash kristali. Servisin e pjatave e kishte të trashëguar nga familja. I dhuruan një servis të shtrenjtë.
✱Sin.: set, komplet.

SET

SET,~III m. sh. ~E, ~ET Komplet lugësh, filxhanësh, gotash, pjatash etj., që përdoret në tryezë për gjashtë a dymbëdhjetë persona. I bënë dhuratë një set pjatash. Kishin marrë një set të ri gotash kristali. Setet e gotave e filxhanëve i kishte blerë gjatë udhëtimeve.
✱Sin.: servis, komplet.

TAKËM

TAKËM,~I m. sh. ~E, ~ET bised. 1. Tërësi e sendeve, e veglave etj. që shërbejnë për të kryer një punë; bashkësi a komplet sendesh që përdoren për një punë; vegla, pajime. Çdo zanat kërkon takëmet e veta. Takëmet e berberit (e hidraulikut, e muratorit). Takëmi i kafesë (i çajit). Takëmi i kalit pajimet e kalit (shala, freri, yzengjitë etj.). Takëmi i gjuetisë. Takëmet e ngrënies (e sofrës). Një takëm filxhanë (gota).
2. Palë (për veshje). Një takëm rroba. Veshi takëmet.
3. Grup a lloj i caktuar njerëzish; një dorë, një palë, sërë, tabaka, nivel. S’është takëmi ynë nuk është sëra jonë. Përzihet me gjithfarë takëmi. Një takëm mendojnë ndryshe. Një takëm ishin rregulluar shumë mirë.
4. usht. Togë, çetë, grup ushtarësh. Takëm ushtarësh.
✱Sin.: vegla, almise, pajime, pajisje, përdorëse, palë, dorë, sërë, tabaka, nivel, anë, grup, togë, çetë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë