Fjalori

Rezultate në përkufizime për “komë”

Mëso si ta përdorësh
<<< Kthehu te kërkimi kryesor në fjalor

DIABETIK

DIABETÍK,~E mb., mjek. 1. Që ka të bëjë me diabetin, i diabetit. Komë diabetike. Bukë diabetike. Gangrenë diabetike (lat. gangraena diabeticus) vdekja e indeve, zakonisht në këmbë ose gishta, si pasojë e qarkullimit të dobët të gjakut, dëmtimit nervor dhe infeksioneve që shkaktohen nga diabeti.
2. Që vuan nga diabeti. Fëmijë diabetik.

KLLAPI

KLLAPÍ,~A f., bised., 1. mjek. Gjendje e dikujt kur bie në gjumë të thellë dhe humbet vetëdijën përkohësisht, për shkak të ndonjë goditjeje në kokë, sëmundjeje etj.; komë. Ra (doli) nga kllapia.
2. Të folurit përçart; përçartje. Ka rënë në kllapi.
✱Sin.: komë, përçartje, jerm.

KLLAPIT

KLLAPÍT vep., ~A, ~UR bised. 1. mjek., jokal. Bie në kllapi a në komë; përhumbem. Kllapiti pasi u godit në kokë.
2. jokal. Bie në gjumë të thellë dhe filloj të flas përçart; flas përçart. Kllapiste natën (në gjumë).
3. fig., kal. Bie në kllapë; zë në grackë a në kurth. E kllapiti në grackë.
4. edhe kal. I vë hekurat a kllapat dikujt; arrestoj dikë, duke ia lidhur duart. E kllapitën dhe e futën në makinë (në qeli).
5. edhe kal. Gëlltit menjëherë një copë të madhe buke a diçka tjetër. Shumë shpejt e kllapiti copën e mishit.
✱Sin.: lidh, përhumbem, përçartem, gëlltit.

KLLAPITJE

KLLAPÍTJ/E,~A f. sh. ~E, ~ET bised. 1. mjek. Rënie në kllapi, rënie në komë; përhumbje.
2. Të folur përçart; përçartje.
3. Gëlltitje; gëlltimë. E hëngri me dy kllapitje.
4. mjek. Kllapi.
✱Sin.: përçartje, jerm, kllapi, përhumbje, gëlltitje, gëlltimë.

KOMË

KÓM/Ë,~A f., mjek. Humbje e përkohshme e vetëdijes a e ndjeshmërisë tek njerëzit; të fikëtit e madh. Është në komë. Doli (u zgjua) nga koma.

TANËZA

TÁNËZA,~T f. vet. sh. Gjendje pa ndjenja e dikujt para vdekjes; kllapi e thellë para vdekjes, agoni, komë, të fikëtit e madh. Është në tanëzat. I erdhën tanëzat. Ra në tanëza.
✱Sin.: kllapi, agoni, hekë, komë, heqë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë